زوجي زعلان😑٢

قلت لكم عن زعل زوجي بسبب تافه .. آخر التطورات صحى من النوم وتغدى وكان عن الصامت وطبعا كنت اتصرف طبيعي بس ما تكلمنا مع بعض بعدها طلع العصر وانا جهزت لي ولعيالي سمبوسة وزنجبيل بالنعناع..مروووقه😅
وخلصت كم شغلة بعدها لقيت رسالة من زوجي حلوووة كلام حلو وتطييب خاطر عارفه انه نادم وأنه حس نفسه كبر الموضوع ..لأنه انسان طيب ويسامح على الأمور الكبيرة عشان كذا مستغربة ردت فعله بس الحمد لله ما خاب ظني فيه ....طبعا اشكر كل الأخوات اللي ردوا علي في موضوعي السابق واللي تقول لاتحلي الواجب لولدك أما معودته يعتمد على نفسه من صف أول وما شاء الله تبارك الله متفوق والأول على صفه بس البارح كان الدرس صعب عليه شوي وما امداني اشوفه وخفت المعلم يعاقبه قلت بحل له مثال والباقي يكمله بس ما لحقت عليه البارح عشان كذا كنت الصباح احاول احل له.....عموما حبيت اشكركم واقول اكيد موضوعي بسيط وما يعتبر مشكلة بس حبيت المنتدى واللي فيه وشفت فيه حب المساعدة من اللي فيه ويعجبني هالشي وطبعا حسيت بإحساس اي وحدة تكتب موضوع لازم تكون ردودنا عقلانية وبدون تجريح لأنها ما لجأت هنا إلا أنها متأملة الخير في بنات عالم حواء وهذا العشم فيهم الله يسعدهم وسلامتكم😊🌹