زوجي زعلان😑

صباح الخير ياحلوات...اول مرة اكتب موضوع وهو من باب الفضفضة واستشير الحكيموت فيكم الموضوع بسيط جدا البارح قلت لزوجي بنروح لابوك وامك بفطور وقهوة الصباح ونقضي معهم وقت إلى قبل الغداء نونسهم شوي وبعدها نرجع البيت قبل يطلعون أولادي من المدارس واتفقنا وكلم أمه وقال لها راح نجيكم بفطور بكرة إلى هنا كل شي تمام
بعد ما صليت الفجر رحت لزوجي كان جالس بالمجلس صبحت عليه وكان معاي كتاب( ولدي عنده واجب ما عرف يحله وكنت ناويه اساعده بحله بالليل بس ما لحقت) رح لزوجي قلت حاول تحله ورميته على الأرض وأنا واقفه ما قدرت أنزله الأرض لاني حامل بنص التاسع وتعرفون وضع الحامل ورحت وخلصت الفطور وهو زعل زوجي من اسلوبي وما حل الكتاب سكت ما قلت شي له المهم على 8 ونص رحنا بالفطور حق أمه وأبوه وأثناء الطريق ناقشني وقال وش هالاسلوب معك اللي غير مزاجي على الصبح ووضحت له أني ما اقصد بس موراضي يفهم اخرتها قال انتي انزلي بالفطور انا مو بنازل انسدت نفسي🙁 قلت عيب عليك المفروض تنزل لابوك وامك هذا واجبك انت مو انا قاللي بيمرهم بعدين قلت طيب شقول لهم لما يسألون عنك قال قولي بالدوام نزلني وراح ودموعي في عيني 😢 وكان معصب واستغربت موقفه هو أعقل من كذا ورحت وافطرناا انا وابوه وأمه وسوالف وقهوة وضحك طبعا ارسلت له رساله اعتذرت فيها بس ما رد علي طنشته بعدها بساعة ونص كذا رجع وجلس شوي معنا وقال يلا مشينا وطول الطريق ساكتين قلت في نفسي سويت اللي علي خلاص متى ما يبغى يرضى يرضى ونزلت بالبيت وراح....وبس والحين ابي اسوي كاسة شاي واروق عليها وسلامتكم
عطوني آراؤكم يا حلوات🙂