زوجي زعلان لاني كلمت رجال

السلام عليكم
وبتجــــــــــــدد الحــــــــــــزن
ياجماعة زوجي زعلان مني لاني اضطريت اكلم رجال فالدوام
كعادتي جيت من الدوام اسلوف لزوجي عن احداث الدوام وليتني سكت
السالفة ومافيها ان قسم الرجال التابع لعملي حولو لنا اوراق لازم انهيها قبل 15 من الشهر يعني لازم تكون خالصة يوم السبت لكن ناقصة اوراق مهمة احترت وش اسوي مابي امشيها واتعرض للمسائلة ولا ابي ااخرها وكمان اتعرض للمسائلة والمديرة موموجودة وجوالها مقفل والمساعدة ماعندها سالفة بتوهقني اهم شي عندها تتخلص الاوراق فماعندي حل الا اني اكلم قسم الرجال واستحيت من زميلاتي اقولهم دقو اعرفهم بينظرون لي نظرة شفقة مسكينه ياحليلها زوجها ميثق فيه اموت ولايقلون عني كذا وان من خلقت وانا رفيعة الراس وهذا الكلام اللي دار بيننا :
دقيت عالسنترال واخترت التحويلة المناسبة
أنا وبكل حده وخششونة وربي يشهد :السلام عليكم
هو : وعليكم السلام
انا :المختص بالاوراق الفلانية ؟
هو : نعم انا
انا : انا المختصة بالاوراق الفلانية التي ارسلتوها لنا وهي ناقصة اوراق مهمة ارسلوها لنا
هو : ماهي مهمه ارفعيها فاسرع وقت ماهي ضرورية وماعندنا قرار بهذا الشي ارفعيها على مسؤؤليتنا
انا:خلاص اذا مابترسلو الاوراق انا مااقدر ارفعها الا لما تجي المديرة مع السلامة
واحنا فالدوام اصلا نادرا م ندق على قسم الرجال اذا كانت المديرة غير موجودة للضرورة لان اصلا ممنوووووع
وقلت لزوجي كل هالكلام
ومن ذاك الوقت وهو زعلان ومطنشني وانا ماصدقت بهالويك اند اغير جو
قلت له :وش فيك زعلان تدري انا غلطانه اني قلت لك المفروض اسكت على مثل هالاشياء

تدرووون وش قال!!!!!!!!!!!!!!!!!!!

























يقول اصلا اذا ماقلتي لي فانتي خااااااااااااااينه

قويه على قلبي والله قويه وانا احبه


وش رايكم
هل الغلط (مني انا -او اني قلت له - او منه هو - او رأي اخر )
قولو لي ذبحني الهم لاني احبه وماابي يزعل علي ويناظرني نظره وسخه والله واللي اعرفه ان الكلام مع الرجال للضرورة مسموح بدون تليين ودلع فالصوت زي مايقول الوالد والوالده ربي يحفظهم
والله قبل اتزوج كنت امشي رفيعة الرأس واثقة في نفس ماجابته امه اللي يغلط علي ومن تزوجت ونا مرتبكة امشي واتخبط اخاف اطيح من الربكة مدري وش اغطي لاتطلع لي رمشه ااكفي اوتنفتح العباية والا يهفني هواء وهذا مو من طبعي لكن ارضاء لزوجي والا والله بيكون ماعلي منه طالما اني محتشمة اسوي اللي علي والباقي على الله لكن عشاني احبه اسوي اللي يرضيه
والله ان ني كنت وانا عند اهلي واثقه فنفسي بشكل كنت احس نفسي عن ميه رجال كنت اداوم بعيد عن اهلي بمسافة 80 كيلو من 5 صباح الى 4 عصر ولا عمري خفت ولاتعرض لي احد ولا كنت اصلا باسمح لاحد يتعرض لي كنت امشي واثقة الخطوة اللحين صرت متوتره مرتبكه وان حصل موقف لاسمح الله احس مابقدر ادافع عن نفسي
ابيه يحسسني بالثقة واني حرمه كبيرة مو مراهقة كلمة توديني وكلمة تجيبني حسسني اني من البنات اللعابات الله المستعان مو معقولة كل تصرف اسويه يقولي ليه تتخذي قرار وتتصرفي من راسك ولاتقولي لي قبل ابي احس بالثقة والامان
لاني اخاف على بيت وعلى زوجي وولدي ابي احس بالامان مو اخاف من كل تصرف اتصرفه هذا جزاتي لاني احبه احس حبي له هو اللي مسوي فيني كذا لان حبي له خلاني البي له كل اللي يبي حتى وان كان معايي الحق

دعواااااااااااتكم مايتخذ زوجي حبي له سلاح يهددني فيه كل ماعجبه شيء من تصرفاتي
(رجااااااااااااااااااااااااء لااحد يعلق على حبي له لان الحب يعمي العين والفؤواد والقلب واللي تحب من قلب هي اللي تقدر كلامي )