زوجي زعلان مني ..

أنا كنت أريد أزور أهلي .. و هو من ثلاث أسابيع ما وداني عندهم ..
و عادة كل أسبوعين أروح..
و الشوووق مخبل فيني .. ولهانه على امي و أبوي و أخواني ..
يلست ساعه فوق راسة أباه يقوم من النوم و يشلني لأهلي ..
ما قام من النوم .. و قعدت عداله أصيح .. حسيته يبا يذلني ..
و مالقيت عمري إلا اتصل بأخوي .. علشان ياخذني عند أهلي ..
يعني طلعت من بيتي .. و لا شاورت ريلي .. و لا استأذنت منه ..
°°° ادري أني غلطانة °°° و معترفة بغلطي ..
رحت لأهلي و بعد ما هدت نفسيتي .. دقيت له .. و كان معصب علي ..
قالي ..°°°° قعدي عند أهلج اسبوع .. و لا تردين إلا لما أنا أقولج ..
أنت ما تسمعين الكلام .. و تطلعين بدون اذني و بدون شوري ..
لو ما مسكت أعصابي .. كنتي لقيتي أغراضج كلها بباب بيتكم ..يوم أنا أقرر متى ترجعين .. تردين .. و يمكن أخليج تقعدين زيادة بعد °°°
و أنا حاولت أراضيه بكل الطرق .. اعتذرت .. اعترفت بغلطي ..بس هو بعده متضايق .. و أنا حامل بشهري التاسع ..
زوجي طيب و حبوب ..
أريدكم تساعدوني .. كيف أخلي هاالضيقة تروح منه ..
هو من ضيقته من تصرفي اللي تصرفته .. خلاه يعاند فيني و يقعدني اسبوع عند أهلي ..

دخيلكم نصايحكم ..
والله ندمانه .. و أريد أرجع للبيت .. أبوس راسه و اعتذر له ..
ماريد أبقى اسبوع عند أهلي .. بعيد عنه ..
شو الحل .. ؟؟؟؟ عطوني طرق فعاله .. تحنن قلبه علي ..