زوجي زعلان مني والسبب انا كيف اراضيه

يا اختي انتي مكبره السالفه وهي عاديه مره وانتي قلتي ان السالفه عاديه تاسفي لزوجك واشرحي له ان اختج ثقه وتامنينها على اسرارج وان اختج مو اي احد واذا ما بغى اعتذري له وقوليله ما راح اقول لاحد انا غلطت وعرفت غلطتي ودلع منج وكلمه حلوه وبيرضى ان شالله وبعدين الرجال مثل الطفل تدلعينه بينسى الزعل ولا تحاتين دام بنات حوا معاج وبيعطونج من نصايحهم بالتوفيق والله لا يغير عليج مع زوجج والله يحببكم ببعض

قذوقذو

تسلمين يا اختي ومشكوره على ردج بخذ بنصيحتج وان شالله يرضى والله يحنن قلبه علي

امكن انتي شفتي الموضوع من جانب
واحد وهو كان قصده يختبر صدق وعدك .. لهالسبب
اعطاك موضوع بسيط ...

.


تعذري منه ووضحي سوء الفهم بأن
اختك ثقه وانك تأمنينها .. بس المره الجايه ماراح
تفشين اي سر لأي مخلوق دام انك وعدتيه ..


وتكونين قد وعدك ... خليها قاعده
للأفضل .. ماتدرين لأن بعض الأمور تخرج بزلة لسان!
وهو كان وده يعرف لأي درجة راح تكونين عند وعدك ..



ومو مشكلة ببداية اي علاقة لازم يحصل
سوء فهم والأيام اكيد راح تثبت له انك
عند وعدك مهما كان ...



وخليك أهل لثقة زوجك نصيحة .. ولا
تفشين له سر خير شر ... ولا لأي مخلوق ..
دام انه يخصكم انتوا الأثنين فقط ..


اهم شي تكلميه وتتفاهمين وياه
وكل شئ بالهدوء يصير ..

والله يوفقكم ..

ماعلية ياثعــــلبة تصـــير باحـــسن العـــــائلات:42:
والانســــــــان مايتعلم حتى يخطـــــــى ...والاخــــطاء
هي اللي تدفعنا للأمــــــــام ....
أنتِ أخطأتِ والاعــــــــتذار مع الندم وعدم تــــكرارالخطأ
واجــــــب علــــيك ....وكذا بيرضى

الحمدللللللللللللله يا بنات الله ييسرلي الموضوع
وكتبتله مسج .... مسج حبيبي انا غلطانه وآسفه بس انا اثق في اختي وايد واعرف انها من النوع الي ما يتكلم ، وان شالله مره ثانيه ما اقول حق حد شي اودعك ... سامحني

مع انه زوجي من النوع الي ما يرضى بسرعه بس الحمدلله رضى مشكورين والله دوووم عند حسن ظني تكونون وتوقفون ويا كل الي يحتاجونكم الله يخلي لنا بنات عالم حواء