زوجي زعلان مني وانا اخدمه بعيوني ولا بين فيه

ساعدوني يا بنات تعبت من زوجي العنيييييييييييييييييييييد
انا متزوجه من ست سنوات سنوات وزوجي اكبر مني ب7سنوات لكنه مغرور واناني وعصبي ويشوف العالم صح وهو غلط
معتز بأهله اعتزاز غريب وشايف ان ما فيه مثلهم وهم اله العالم بتصرفاتهم اللي تقهرني ولا عمري شكيت له ابد ابد
ادلع فيه واسوي له ليالي خاصه ومن حسابي واتكلف فيها واغير من شكلي قسم بالله يا بنات صرت معروفه عند خواتي واهلي ان ما فيه مثلي تدلع ويقولون حرام عليك صحتك وفلوسك وفريها زوجي اناني يسافر ويروح كل مكان ويطلع مع اصحابه
طلعتنا معه نادره جدا جدا ويحب يصرف على اهله واهله ماشاء الله اغنيااااااء جدا ولا عمري فتحت فمي بكلمه وحده اوقات يفاجأني بسفر مع اصدقائه في نفس اليوم واجهز اغراضه واشتري له اغراض وهدايا وهو يالله بعد طلعة روح يشتري لي شي
اي تعب يجي عياله قال انتي السبب وانا عمري ما طلعت من غيرهم وحرمت نفسي الزواجات وروحات الصديقات عشان اطفالي عتي ولد وبنت توأم وتعبانه معهم
المهم اشعل له الدنيا شموع واسوي له جو وكل ما تتوقعونه والله فيه اشياء اسويها له وكأني معه عشيقه مش زوجه
والحمدلله مهمته في جسمي ونظافتي وشكلي اصلا من شافني ما يصدق اني متزوجه
الزبده من اي زعله خفيفه قلب الدنيا علي وطلع عيوب الدنيا فيني وما بقت كلمه وسخه الا ما قالها لي هذا غير الخيانات اللي اكتشفها ومكالمات بالساعات وتأخر بالليل وخرابيط واسكت بس ازيده دلع لدرجة انه يقول وقت الرضا والله ما القى مثلك لو اموت انا عارف
و\ش الحل معه اليومين هذي زعل مني لأني قلت له وين كنت تأخرنا نبي نروح العزيمه قال مشوار قلت وين هالمشوار وقلتخا بمزح الله لا يوريكم ما خلا كلمه الا ما قالها لي وعصب واثاريه رايح مع اهله مشوار وامه غاصبيته وهي عارفه ان اهلي عازمينا وتاخر علينا مره
واليوم الثاني طلع الصبح وقال انا بروح يومين سفر وبرجع تخيلوا وطول الوقت رسايل تهز البن وكلام وقح واخر شي يقول بخليك لعيالك وبس وبرح ادشوف لي وحده وانتي صيري زي المسيار والااطلقك طبعا اعرف انه يهدد وانه كلام يهزاني لكن انا وش غلطت فيه والله احبه واراعيه
قولوا لي وش الحل اطنشه والا وشلون على فكره زوجي يحب تكبيرة الراس وانه ما فيه مثله
شوروا علي كيف اتصرف معه