ترى كثير ازواج مثل زوجك
ذابحهم التعقيد! وفاهمين الغيره غلط : )

بالنسبه لي انا دايم الشكر على لساني
مره كنت رايحه مع ابوي لسنتر بوينت وحاولت اطلع عربية الاغراض لكن ماقدرت حاول ابوي معي ولا قدر!!
جا رجل الامن وطلعها لنا وشكرته وانبسط ابوي مني وقال:من لايشكر الناس لايشكر الله
على فكره ابوي متدين ولحيته لين صدره <--عشان ماتجي وحده تقول ابوك ليبرالي :)



انتي ماسويتي شيء غلط
واذا زوجك زعلان فخوذيها قاعده: اللي يزعل من حاله بيرضى من حاله

حبيبتي..
شكلكم لسى عرسان وهذا شي طبيعي بكره تتعودون على طبع بعض بس الأكيد هو مو شاك فيك لاتكبرين الموضوع

رفع

يازينكم طلع الدين عند ماحرم انه الوحده تكلم رجال وتشكرهم يعني ملتزمين بكل شي في الدين ماشاء الله عليكم
ذكرتوني بالرجال مايطلع دينهم الا عند التعدد وانه الله احله
المهم انه بغض النظر عن الدين والحلال والحرام
من المعروف عندنا وخاصة عند رجالنا انه تقدير واحترام لزوجك اللي جنبك اقلها كنتي مسكتي كلمة شكرا

وزوجك مازعل الا لانه عارف وش تفكير الرجل اللي شكرتيه والرجل السعودي بصفه عامه
حت لو ماخضعتي بالقول عندنا اغلب الرجال تفكيرهم غبي وانه الوحده لاشكرت رجل غير محرم لها معناته انها جريئه فمن باب اولى تجنب التصادم مع الزوج بسبب كلمه ان ماقلتيها بيقولها زوجك وغير كدا العامل مو مستني شكر من الناس لانه يؤدي عمله

زوجك من حقه تسمعين كلامه طالما ماامرك بمعصية الله ولاتخسرينه واكثر اعتراضه على كلمة شكرا صدقيني لو بيعترض على كلامك مع العامل مانزلك كان راح هوه بنففسه وجاب لك الغرض وان اعترض على كلامك احترمي رغبته بهالشي لايحرمك من النزله بكبرها انك تاخذين غرضك بيدك
ولاتعاندين على امر تافه ويصور لك الشيطان انه تحكم وارجع اقول مجتمعنا منغلق ونادر تلقين رجل يرضا زوجته تكلم العامل وتشكره قدامه

ووجهة نظري للموضوع ما اايد الحرمه تعمل مثلك خاصة كلمة شكرا ولو كنت مكانك ماكنت شكرت وزوجي واقف جنبي لقناعه بداخلي انه ماله داعي اتشكر رجل غريب عني قدم لي خدمه من واجبه لانه عمله لو كانت حرمه بشكرها اما رجل وزوجي واقف جنبي بعد مابقدر ماشاء الله عليك

لا اله الا الله