هلا خواتي العزيزات
اولا اشكر صديقتي عالمي زوجي لانها سمحت لي وقالت اكتب مشكلتي باسمها لاني مشتركه في المنتدى لكن للاسف نسيت الرقم السري عشان كذا راح تقروون اكثر من مشكله استغليت الوقت وكتبت
ياحبي لهالمنتدى احسكم اهلي لان اهلي في دوله خليجيه ثانيه وبصراحه ماعندي صديقات اثق فيهم فانتم متنفسي الوحيد
راح ادخل في المشكله انا متزوجه من
سنتين و5 شهور
الحمدالله عايشين مرتاحين المهم من بداية زواجي واهل زوجي يسمعوني بين فتره وفتره كلام يضايقني مرات اقعد ابكي واتضايق ومرات اطنش ومرات اقعد يومين مااروح عندهم عشان انسى ومرات اقول لزوجي وهو دايما يرد علي ببرود يقولي انتي مكبره السالفه وشو تبغيني اسوي لهم انتي حساسه قلت طيب كل واحد وطبعه الناس مو سوى وانا ماقلت روح وظاربهم لا حاشى ماارظاها لكن خفف علي بكلمه حلوه او بينك وينهم قولهم يخفو علي واني ماستاهل لان طول فترة زواجي ماقلت لهم كلمه شينننه واسالهم
راح اقول لكم بعض المواقف من بداية زواجي لين يومكم هذا لازم يستوي موقف معاهم
دايما يقولو لي انتي ماتطلعين كله نايمه وشو هالنوم ماخلو احد ماقالو له والكل قام يقولي رغم اني والله والله مانام كثرهم ولما اروح عندهم الصبح او الضهر تكون عمتي وبنتها الكبيره نايمين يصحون ع المغرب انا هالوقت اكون مشغوله في تجهيز بيتي ونفسي يعني البس واكشخ واسوي قهوه تعرفون واقعد اسولف مع زوجي بعدها قلت خليني اتفادى المشاكل قمت اروح يوم ويوم لا رغم هذا ينغزوني انتي ماحملت فلانه تزوجت من شهرين وحملت وفلانه عندها سبعه عيال والحين حامل وحرمت ولدي الثاني حامل قلت لهم نحن سوينا فحوصات ومافيه شي مالنا الاالصبر قالت لي راح اقول لولدي روح تزوج وحده تجيب عيال وانتي اقعدي عنده لانج الاولى وغاليه ويجي زوجي وتقوله كان يقول خلاص راح اتزوج ورديت البيت وظاربت مع زوجي قالي انا امزح معاج وقمت الاحظ اني كل ماروح اتظارب مع زوجي حتى هو قالي لما تروحين ماراح اجي وانتي نفس الشي لان نحن نتظارب هناك والله ان اكثر مشاكلي منهم طيب الاولاد رزق وانا موبيدي شي الحين زوجي كل مااطلع معاه يشوف الاطفال ويقولي لو عندج نفسهم لو الحين عندنا عيال شوفي حرمة اخوي ماشاء الله كله تحمل نفس امها وارثه هالشي وسالفه ثانيه انهم اذا شافو بنات يقولون هذي الا كنا بنخطبها لولدنا وهذي كان يحبها وهذي كان يبيها كنت اسكت لكن اخر مره من اسبوعين قالت لي عمتي قدام الحريم انا ولدي كان يبغي فلانه كان يحبها سكت مارديت ثاني يوم نفس الشي قدام الحريم قالت مره ثانيه نفس العباره كان اقولها الله يهديج عمه البارحه قلت واليوم ليه تذكرين السالفه انا وولدج من بنكمل ثلاث سنوات ونتي تتذكرين كان تقول هي وبناتها عادي شوفيها كلام الحق المهم كل الحريم يقولو لها كملي السالفه وبعدين شو صار المهم قلت لزوجي وانا اصيح كان يقولي انتو الحريم سوالفكم تافهه ولا رديت ومشيت السالفه وكل مايشوفون زوجي اذا رحنا عندهم او طلعنا يقولو والله هالبنت تجنن حلوه كل الناس تبغيها دلع ورقه وصغيره وبنت عمك كذا وبنت خالك قصت شعرها حرام لو تشوف شعرها كيف كان طويل وفي يوم رحت عند وحده اتحنى ركبت السياره انا وهي وبعدين قالت لو تشوف الحرمه الي حنت زوجتك كانها موووزه شو من جمال رغم ان الحرمه متزوجه وجمالها عادي
ويقعدون يوصفون البنات في الاعراس الجسم والصدر وتعرفون الباقي رغم اني الحمدالله ماامدح نفسي الي فيني مكفيني اللهم لك الحمد واهم حاجه الاخلاق قبل اسبوعين طلعت معاهم كان تقولي اقعدي في الجنب وخلي بنتي في الوسط لانج متينه من تحت والله خواتي ماني متينه ولاشي جسمي عادي المهم من اسبوع قعدنا في الحوش وطلعو سالفة الاعمار قالت قلانه عمرها خمسين بعدها صغيره وفلانه ببتزوج عمرها اربعين صغيره فقال زوجي منو اكبر انت او عمتي يعني امي هو قصده يمزح وياشين المزح هم ماصدقو وقلبو السالفه جد قالت لا ام حرمتك كبيره قلت لها وانتي شو عرفج قالت بنتها لا كبيره قلت كيف تتكلمون عن ناس مو موجودين ولاتكلمو فيكم وان تبين الصدق انتي اكبر من امي بوايد وانتو شفتو الوالده ماشاء الله عليها وسكت انا قالت ولدي بعده صغير قلت فديت والله زوجي كان تقول اخته ليش انتي كم عمرج قلت انت سيد العارفين لكن راح اقولج 24 قالت اما عاد قلت كم ومنو اعرف بعمري انا او غيري بعدين انا ما احب ادخل في هالمواضيع الصغيره قالت مايبن يبن انتي اكبر من اخوي لانج امتن واطول قال زوجي لا لا الطول انا اطول قلت لها اول مره اعرف هالقانون اني الي امتن عن زوجها يعني اكبر قالت اي احد يشوفج يقول كذا قلت ماهمني المهم زوجي ونفسي قلت ماشاء الله عليكم الكبار تصغرونهم والصغار تكبرونهم والله ياخواتي ان من كلامهم حسيت انهم يبغون يظايقوني باي سالفه ومافيه مراعاه لمشاعري المهم اليوم الثاني قالي زوجي تبين خبز امي سوته قلت لا قال لاتكونين زعلانه من اهلي
قلت له خليني ارتاح شوي المهم حلف انه ماياكل حتى العشا اليوم الثاني ماكلمني حاولت وتوددت له وكتبت له رسايل وارسلت مسجات ومافيه فايده طلع من الصبح لين الظهر ارسلي مسج قالي اذا تبين تصالحيني صالحي اهلي اول والله اني بكيت قلت في نفسي انا مو الغلطانه وهم يعرفون وزوجي ان ماعندي احد اهلي بعيدين عني وماعرف احد لانهم مايخلوني اروح لاحد الا وهم معاي وحتى زوجي قالي ماتطلعين ولاتروحين الا مع اهلي المهم قريت قران وسمعت محاضره عن التسامح وقمت ورحت لهم وقعدت اسولف عادي تصدقون لو انا مارحت ماكانو راح يجوون انا قلت خلاص زوجي راح يرضى جيت اكلمه قالي لاتكلميني ولاتقربين صوبي حتى وقت النوم يقولي لتلمسيني قلت خليه ماراح اكلمه لعل وعسى يحس مافيه فايده البس واكشخ كالعاده وابخر البيت واحط له العصير واجلس جنبه ولا كلمه ومن يومها اسوي اكل ومايرضى ياكل في البيت كله ياكل برع البيت يدخل البيت ومايسلم ولا حتى يطالعني حاولت اكلمه اليوم يقولي بايده اسكتي ويتهرب مني حتى الطلعه مايطلعني قالي تحلمين اطلعج
والله ان الدنيا ظايقه فيني ليش شو سويت وشو غلطتي واهله من يوم رحت لهم هم ماجو عندي ولا سالو علي والله اني افكر اقول لاهلي واروح تخيلو من يوم السالفه وانا في البيت لوحدي ما اكلم احد ولا احد يكلمني اللهم اكلم اهلي وانا ياخواتي من النوع الي الزعل يحطمني ويبين ع وجهي واحس ان الدنيا سودا قولو لي شو اسوي
اتمنى تنصحوني وتخففون عني وتقولو لي اذا غلطانه الله يخليكم بدون ماتجرحوني بكلمه والله اني مش ناقصه
هذي اول مره زوجي يزعل مني هالمده كلها قولو لي اكلمه ولا اطنش ولا شو اسوي
××××××××××××
عالمي زوجي @aaalmy_zogy
محررة برونزية
يلزم عليك تسجيل الدخول أولًا لكتابة تعليق.
الله يفرج همك .. ولا تزعلين مني يالغالية اللي فهمت شوي من الكلام لانو مافهمت اسلوبك .. لكن اسال الله ان يسخر لك زوجك .. ويسر امورك .. وانتي ما عليك في كلام امه واختة .. اكثري من الاستغفار والدعاء .. تقلبي مروري..
الصفحة الأخيرة
اهله اقطعي زيارتهم بماانك رحتي ومااستقبلوك اتركيهم
ابحثي عن مركز حلول بالنت افضل لك ويساعدونك بمشكلتك