زوجي زعل لاني هالمره مادبرت له فلوس

السلام عليكم انا اللي قبل من يوم كتبت موضوع عن زوجي يوم اني كنت بطلع لاهلي وقال انا ابيج وانا قلت له مالي وماوداني بعدها للي تذكرني المهم بدخل بموضوعي طبعا سويت مثل ماقلتوا طنشت وبعدها بيومين جاء وطلب مني حقه شرعي وأعطيته بس. بس قلت وقتها دام انه نسى كل وقفاتي معاه عشان قلت انا مالي نفس الحين ماعاد راح أوقف معاه ولاشي خلاصطبعا هالاسبوع رجع عادي ولاكأنه سوا شي ومن البارح بدا بموال دبريني وشوفي لي سلف قلت له مافي وحاول وحاول طبعا انا تعبت صارت عاده كل شهر بس هالمره قلت خلاص مو هو رجال خل يدبر نفسه لدرجة وداني عند اهلي ويحاول فيني بالسيارة قلت للأسف مافي فلوس عشان ادبر لك المهم جلس جلس وقلت له بنام عند اهلي ولاقال شي لاحظو عشان في باله انها احتمال بدبرني مع اني انا كسر خاطري وعورني قلبي عليه بس لي جلست بيني وبين نفسي اقول انا أسبوع اللي راح ليه ماحن علي يوم كنت ابكي قدّامه بتقولون ليه ماياخذ من عند اهله أمه كل ماراح لها هي ماعندها وأبوها هالفترة متهاوش معاه حتى قلت له قبل روح تكلم مع ابوك ترا انت بتحتاج له رفض ومن البارح الفجر وهو يرسل لي رسايل ع الواتس لاني قلت له انا مابيدي شي ولاعندي فلوس وخاشته عنك ولاابي اروح اتسلف من اهلي زعل ويقول اذا انتي تقولين مابيدك شي حتى بالعيد بيكون مابيدي شي وبعطيك اللي اقدر عليه بس والسبب انه من خذيته وهو دايم يتسلف وأعطيه ويوم قلت خلاص استوب زعل وطلعت انا اللي مابي أساعده وش تشورون علي يابنات الله يجزاه خير اللي ترد