السلام عليكم
كيف الحال
ابستشيركم بشي ابي رايكم
مدري كيف ابدا 😅
انا ببيتي اكرف تنظيف وغسيل وطبخ مثل كل ست ببيتها بس المشكله انو زوجي احياناً يصحى نص الليل ويسوي له سندويش وشاي وحليب ويترك كل شي بمكانه مايشيل شي مشيناها وملابسه يرميها بكل مكان ويجي يقول ليش ماغسلتي لبسي اقوله اللبس اللي مو بسلة الغسيل مادري عنه لاني مضغوطه مره من البيت وعشانه عاطل تلقيني ابحث لي وله وظيفه وادور رزقي خدمات الكترونيه احدث حافز واسجل واحيانا المدرسات يعطوني جدوال اكتبها لهم تاخذ وقت وكان عندنا ضيف من اصدقاءه وقريب له ونام عندنا ٣ايام ويوم راح مارحت للمجلس الا بعد يوم وجيت لقيت قهوتهم والشاي والكاسات كلهن بمكانهن ماجابهن وتركتهن واليوم كلمته قلت تكفى ساعدني بس جيبهن لي انا اغسل بس خفف الضغط وزعل علي وع كل سالفه يزعل مدري البلى باسلوبي ولا هو زعول وش رايكم وش اسوي معه احس تعبني كثر زعله وتعبت من الكرف والضغط ابي اشوف نفسي ابهتم بنفسي ماني قادره واللي يقول جيبي شغاله تخفف الضغط مانقدر الحاله صعبه ومن غير احنا بقريه مافي مجال استجار حتى بالساعه
يلزم عليك تسجيل الدخول أولًا لكتابة تعليق.
لاتطلبين منه المساعده باشغال البيت ان ساعدك ولا احتسبي الاجر .. خليه هو لمقاضي البيت والاشغال الخارجيه
قصة شتآ :
لا يمكنك مشاهدة هذا التعليق لانتهاكه شروط الاستخدام.
تجينا فرص خارج القريه بس هو يرفض يقول ماحنا رايحين الا لوظيفه رسميه ☹️
ومن ناحية اني اخذه الدورين مو بيدي الحاجه خلتني كذا
ومن ناحية اني اخذه الدورين مو بيدي الحاجه خلتني كذا
مادام عاطل ليه ما يساعد؟ الله يكون في عونكمادام عاطل ليه ما يساعد؟ الله يكون في عونك
مابيه يساعد ابيه يقوم بدوره فقط بس انا بحافظ ع حياتي مابي كل يوم مشكله اقترحوا لي حل معه اسكت عنه وانضغط بدل زعله اللي كل شوي !وهو زعله اقشر ومو بس زعل احسه خلاص بايعني
كل واحد يسوي شغله
انت دوري لنفسك وظيفه ونظفي بيتك باللي تقدري عليه
وهو يقوم يدور لنفسه وظيفه لو حارس امن والا يشتغل في حلقة الخضار المهم يهز طوله يدور وظيفه موقته يعيش منها حتى يلاقي اللي يناسب شهادته
لاتقومي بدوره ودورك في البيت وفوقها تدوري له وظيفه وانت مشغوله وهو نايم وفهميه انه رزقه مابيجيه وهو نايم في سريره يقوم يسعى على رزقه ويدور عليه
انت دوري لنفسك وظيفه ونظفي بيتك باللي تقدري عليه
وهو يقوم يدور لنفسه وظيفه لو حارس امن والا يشتغل في حلقة الخضار المهم يهز طوله يدور وظيفه موقته يعيش منها حتى يلاقي اللي يناسب شهادته
لاتقومي بدوره ودورك في البيت وفوقها تدوري له وظيفه وانت مشغوله وهو نايم وفهميه انه رزقه مابيجيه وهو نايم في سريره يقوم يسعى على رزقه ويدور عليه
الصفحة الأخيرة
الله يكون في عونك