زوجي زواجه بعد خمس ايام

عزيزتي عارفه النار اللي بقلبك الله يصبرك بس فكري مع نفسك على الاقل ماسوا حرام هو صح قهر بس حلال يعني ضامنه بإذن الله انه ماراح ينقل لك امراض لانه تزوج بالحلال
اطفالك شو ذنبهم تنفصلين وتربيهم مرة ابوهم
انتي الحين جرحك طري الجأي لربي وبس صلي واقرأي قران تهدأ نفسك وبعد كم شهر لما تهدين ارجعي فكري فالطلاق
لوتبغي نصيحتي ماايدك على الطلاق ابدا عيشي حياتك انبسطي انتي واطفالك اليوم اللي زوجك موعندك خليه يوم اجازة لكم نامو العبو تفرجو تلفزيون ويوم زوجك عندك عيشي كزوجة وكأم التمو على السفرة سولفو انتي يمكن مجروحه بس اطفالك بيسوو الجو وراح تندمجين معهم
لاتفكرين فالزوجه الثانية ابدا اعتبري يومها يوم عمل لزوجك
الله يرزقك السكينة وراحة البال والسعادة

الله يصبرك ويربط على قلبك امين
دوري لك شغل او ادرسي او اعملي مشروع صغير يسليك
رتبي حياتك على غيابه واعملي جدول يكون مليان اشياء تفيدك. خلي وقت لربك وقت لصحتك وقت لعقلك وقت لعيالك وقت لوالدتك جماعتك

مونهايه العالم لماتزوج عليك ماراح تموتين فيه اللي اهم منه محتاجينك صحتك وشبابك واطفالك
هو باللي مايحفظه ترا الدعوه كلها نام معاها بينام معاك صرف عليها بيصرف عليك غصب عنه بالعكس الزواج يااكثر من وحده تهد حيل الرجال نفسه بس المهم ماينساكم من الصرف والاهتمام وابدا ابدا لاتبينين غيرتك فوالله الموضوع مايسوى لونفكر يالحريم بجد بعقولنا اعتبريها اجازه راحه لك ولاتفكرين وش يسوون مع بعض او كيف شكلها

طلبتك اهتمي بنفسك صحتك بريحه جسمك تكون جميله وفواحه بعيالك ماراح ينفعك الا عيالك ونفسك والرجال عموما مايدورون الاشهواتهم مرده لاشبع رجع
استودع الله قلبك وصحتك ان يحفظها لك ويبعد عنك مااهمك

ياحياتي الله يهونها عليك

سلامتك من الموت ماماتوا اللي قبلك .. صح مقهوره وزعلانه وافكار كثيره مظلمه تجي ببالك بس خلاص ماراح يتغير شي الا اذا اراد رب العالمين
اولاً ادعي ربي واطلبيه يهون عليك هالموضوع وييسر لك اللي فيه خير لك ولعيالك
وكل ما حسيتي بضيق استغفري...
لا تسمحين لاحد يستفزك وبيني انه عادي وانك مو مهتمه الا للاشخاص اللي واثقه فيهم انتي وترتاحي معهم بالكلام غير كذا لا..
ماادري بس احس الزوج يكون مبسوط فاسابيعه الاولى بعدين ينصدم فالواقع المر للزواج الثاني والهموم والمتاعب.. خلي بيتك دايماً مصدر الراحه والهدوء عشان نفسك قبل كل شي ..
تجنبي المشاكل قدر الامكان كمان عشان نفسك وراحة بالك
دلعي نفسك ودلعي عيالك ولاتتنازلين عن حقوقك ويقول المثل ماتعرف خيري الا لما تجرب غيري..
والزوجه الثانيه انسيها لاتفتشين ورا زوجك وتزعجين نفسك بخرابيطهم ... واخيراً دللي نفسك اهتمي فيها ومارسي الهوايات اللي تسعدك..