زوجي زودها علي << معدل

انا اللي كتبت قبل يومين عن زوجي الله لايوفقه تصدقون الا الان مايكلمني قبل أمس جاء وتفل بوجهي قدام عيالي وراح لغرفته المهم اليوم اللي بعده صار يطفي الأنوار البيت كله تخيلوه وحتى العاب عيالي شايلها كلها والشبكة كمان علشان من نجلس على نت بتقولون كيف تكلمنا جوالي عندي شريحة بيانات ولا يدري عنها بس مااستبعد بكره يسحب حوالاتنا المهم كل من جاء من برا قفل الغرفة عليه حتى مايخليني أكلمه أبغى أعرف وش سويته له اليوم أول ماجاء لحقته قلت أبغى أعرف وش أنا سويت جالس يسب ويشتم ويلف ويدور ماعنده ولا سبب مقنع قلت وش الشيء اللي سويته علشان كل هالزعل ماعنده ويحاول يطردني قلت مالي طالعه الا اعرف قام جاب العقال ولولا عيالي كان ضربني حتى عيالي تعقدت نفسيتهم وصاروا يكرهونه محرومين من كل شيء لا طلعات ولا سافرات تصدقون والله العظيم أنه ماقضيت العيد لا ولا عيالي راح هو وتمشى واحنا فالبيت بخيل علينا وهو عنده فلوس وشقق لايجار وغير شغله وحنا محبوسين فالبيت تصدقون عيالي يطلعون بس في المدارس وغير كذا يكلم حرمه واذا زعلت يترجها ويتصل عليها اكثر من مرة واذا ماسامحته جاء وحط الحرة فينا واشياء كثيرة أنا رجعت اكتب موضوعي لعل وحده منكم دعوتها مستجابة تدعي ان الله يأخذه وينصرني عليه والله اني تعبت ابي ارتاح منه وكمان لان في موضوعي السابق كم وحده تقولي مادام تحاولين تسامحيه اجل تبغينه والله أكره بس وين اروح مع عندي سند ولا ظهر يوقف معاي ابوي لاهي مع زوجته وعياله واصلا ناسيني جت ماجيت مادرى عني
حسبي الله ونعم الوكيل