زوجي سافر مع ربعه بعد ما قال انه بيسفرني انا معاه ؟؟؟ كيف اتصرف

بنات حواء وايد متضايقة فوق ما تتصورون ساعدوني من يومين ما نمت وانا قاعدة بحسرتي والدموع على خدي لا وحامل ، والله من كثر متضايقة احس بطني صاير يعورني .

الموضوع انه زوجي كله مرتبط مع ربعه اهم شيء عنده ربعه ، يطلع معاهم يتأخر والبيت عنده عبارة عن مكان للنوم بس .
طلعه ما يطلعني إلا بطلوع الروح عشان خاطر ربعه كل مرة مرتبط معاهم بروحة على مكان ، والصراحة بديت اشك فيه .
زوجي من النوع العنيد بتعصبي عليه بيعاند فيج اكثر ما ييي إلا بالكلمة الهادية .

من اسبوع وهو قايللي بنسافر معاج ، خلاص جهزت عمري ، وجدمت موعد الدكتورة على اساس بسافر معاه الاسبوع الجاي .بديت ارتب الاغراض اللي بوديهم معاي واحطيهم بصوب
وقبل البارحة مكلمني وقايللي خلاص بسافر معاج.
البارحة استوى سوء تفاهم بينا بالليل والصراحة هو الغلطان ، طلب مني يحول نسبة السكن الخاصة براتبي على راتبه بحيث هو ياخذ بدل السكن كامل .
رفضت وقلتله هذا راتبي ومب مستعدة اتنازل عن اي مبلغ وكل واحد مسؤول عن راتبه ,
بعدين قالي انه يمزح ، ما كان قاصد ومسوينه اختبار لي ، عشان يشوف إذا اتنازله ولا لا , وقالي انه اكتشف انه ما عندي معاني.(على فكرة ما كنت حاسة انه يتكلم مزح ، كان يتكلم جد ، بس يوم شافني رافضة الموضوع سوى انه هذا اختبار ) نام وهو زعلان
على الساعة 2 اتصل فيه رفيجه يطلب أغراضه من عنده وطلع وما رجع ، قالي رايح الدوام .
باليوم الثاني على الساعة عشر قالي قررت اسافر مع ربعي لنفس المكان اللي كنت متفقة معاه اروح له .
زعلت وما كلمته بس قلتله مب متفقين نروح مع بعض ، قالي انت تعبانة وحامل وما تقدرين تروحين ،
المهم سافر كلمني اليوم ورديت عليه وبينت له اني متضايقة وايد .
الحين ما ابغي الموضوع يمر بسلام بالنسبة له يوم يرجع ابغي احسسه بصعوبة الموقف اللي سواه معاي ، قولولي كيف اتصر معاه.

وابغيه يحس ان ربعه مب لازم يكونون اهم شيء في حياته وانه لازم يهتم فيني انا
كيف اواجهه يوم يرجع .