زوجي ساكت لكن يرد على من تحت لي تحت باشياء تقهرني قهر ساعدوني

سلام بنات
زوجي كان يطلب منى لما يحس انه مفلس وانا ما اريد اعوده وصار يبوز علي كان كل شهر كذي يتصرف ويكدرني.. المهم الحين من شهرين تعدل وصار ما يطلب مني.. لكن سكوته خلفه شي.. كان يضغط علي ويحط عيالي عندي لي الليل وهو ينام ويرتاح بغرفه ثانيه طبعا امه عطته مفتاح غرفه اخوه عشان يرتاح طول اليوم.. هذي خطه امه وأخته الكبرى الي طمعانات في فلوس زوجي ويريدو مني أنا اصرف ولما رفضت كان هذا الانتقام حسبي الله عليهم.. أجي من الدوام واجلس مع العيال وهو لما يشوفني جايه ع طول يرجع دوامه لانه عنده ساعه بريك.. او يكمل راحته فغرفه ثانيه.. والحين لما داومو العيال الحمدلله احصلهم نايمين وأنام معهم وهو كالعاده لما قريب أوصل يرجع دوامه او يروح الغرفه الثانيه يكمل.. المهم أنا انام ولما يقومو العيال اجلس معهم لي الليل وهو بس يجي يتعشي ويتسبح ويذلف برع عند الشباب ويرجع ع كيف كيفه وأحيانا لما أرسل له مسج يجي وإذا ما أرسلت له يرمس مع الشياب وأحيانا من نفسه يجي من وقت وهكذا.. وانا منضغطة وحامل واليهال محد عندي يساعدني فيهم وهو مرتاح ولما أكلمه يقول أنا تعبانه ومو نايم ومعرف شو.. كل مره حجه..
أمس واليوم قمت متاخره من نومي وقلت له يوصلني الدوام لان الحرمه الي توصلني جات بكير.. وهو لما وصلني يتعمد يسوي حركات تضيق بي كان يشوف على البنات الي فالدوام.. وشفته وطنشته واليوم قلت له تراني متضايقه من الحركه وليش تتشوف عالحريم شو أنا قبيحه وجلس ساكت وما تكلم وقلت له المفروض تحترمني وقال انتي بعد لازم تحترمني المهم سكتت عنه لأني اعرف اذا زودت بتكبر السالفه وهو هدفه ينتقم مني باي طريقه..
مع اني اصغر عنه ب١٠ سنوات وأجمل عنه لكن ما حسّيت فيوم اني جميله فنظره سواء لبست او تعطرت اووووووو بس عنده الفراش فليل كل أسبوع.. وإذا كلمته يتضايق يقول انتي كذي وانتي شكاكه. واليوم قال لي ماراح اشلك الدوام بالأحد قلت له أصلا ما اريد اروح معك.. قال عشان ما تصير مثل هذي المشكله اونه لما يزيغ عينه ومايريدني أتكلم حسبي الله عليه ونعم الوكيل اوف اوف..