زوجي سبب بعدي عنه ( خيانه بخيانه )

انا اخذت زوجي عن حب 7 سنين وماحتكلم عن مقدار محبتنا لبعض سوينا المستحيل لين ربي يسر وتزوجنا كنا مثل السمن على العسل ومااكذب للحين احس اني احلم بأني اخذته وهو زوجي يعني يابنات الي بيني وبينه مو مجرد حب لا عشره وصحوبيه وابويا واخويا وكل شي المهم تزوجنا وحياتي معاه حلوةة وربي شاهد بس المشكله انو من يوم اكتشفت انه بيكلم بنات على النت وانا نفسيتي زي الزفت احنا داخلين على السنه 4 زواج وعندنا مشاكل بالأنجاب وعملت طفل انابيب وفشل والحين مقبله على وحده جديده وابر وهرمونات ونفسيتي دمااااااااااااااااااااااااار:44:

اول شي اكتشفت انه لما كان بدمام قبل زواجنا بسنه كان بيشتغل بأرامكو وعنده زميله هناك المهم عنده 50 صورة لها واشكال والوان وحركات وصياعه ولا اكتشفت انه بيكلمها على الماسنجر ومرة سالته من هذا قلي صاحبي ولا بعدين اكتشفت انها هي وجنييييييييييييييييييت واعتذر وقلي انها بس زميله ومن هل كلام

بعدين والموت الاكبر اكتشفت انه بيكلم بنات اجانب عنده بالماسنجر والياهو وصور بنات وصدورهم وبعدين اكتشفت انه بيستخدم الكام والسماعات هذا كله باول سنه زواج وغير العاده السريه والمناديل الي كنت بحصلها بالزبايل طبعا كنت بتركه وارجع بيت اهلي واتصالحنا وحلفلي انه حيبطل وبالفعل تغيييييييييييييييييييييييييييييير كثير وانا رجعت وثقت فيه لأنه يابنات موضوع الغيره والشك بتقتل العلاقه الزوجيه صارت حياتي جحيم المهم ومشي الحال

للحين جواله مسكر ومااعرف شي عنه ودايما شاكه فيه هو بطبعه كذاب وانا دايما كاشفته ومالي من النوع الي بيسكت

اخر مصيبتين يبنات من كم يوم رجعناااااااااااااااااااااااااااااااااا لدوارة الشك والله بموت من قهري صرت بس احلم بالموضوع


رحت مع اهلي من كم يوم مشوار وهو بالبيت على اساس بيدخل ينام عنده سفره ثاني يوم رجعت البيت ولا مفتاحي مو راضي يفتح رنيت الجرس وجا فتح قلتله انته ليش حاطط مفتاحك جلس يحلف والله مو انا والباب الظاهر معلق طبعا انا عصبت وماصدقته دخلت البيت ولا يكذب يقلي خوفتيني انا كنت نايم وادخل غرفه نومي ولا في اي اثر للنوم والمخدات والبطانيه زي ماهم المهم عديتها دخلت غرفة النوم مرة ثانيه وولعت النور ولا يابنات الفاجعه الكبرى :mad: سلك طالع من تحت السرير من ناحيته واشد السلك ولا كميرا الاب توب انجنيت انهبلت طلعتها ورميتها بوجه وقلتله خذ قلي وين حصلتيها المسكين انا ادور عليها من زمان قلتلو لاتستهبل ولا تكذب الي فيني مكفيني المهم بعدين تغيرت اقواله قلي مو حقي وشوفي مين حاططها بالبيت قلتلو جنيت ماحد دخل بيتي وامس منظفه البيت وتحت السرير المهم صارت مضاربه وحلف والله مو حقي ومن هل كلام صدقته ومشيتها وللمعلوميه ماعندي شغاله ولا اولاد يعني بالله العقل وين ؟؟؟؟؟؟

هو من الناس الي مدمنه على النت الله يهديه


المشكله الثانيه كانت قبل امس كل شوي انط جمبه وهو جالس على الاب توب ولا المح احد يكلمه على الماسنجر وفي صورة رجال وبعديييييييييييييييييييين مدري كيف كذا لمحت اسم زميله له بالشغل موجود اسمها تحت بالتشات حق الفيس بوك :icon33: قلتله وريني ايش كاتبتلك طبعا ماحتكلم على البنت صار بسببها مشااااااااااااااااكل لين يوم المشاكل من قبل ولا رضي يمسحها المهم كاتبتله انته موجود بالفيس بوك طيب ليش مو موجود بالماسنجر والساعه 11 بالليل انجنيت قلتله ايش في بينك وبينها وبعدين الوقت مو وقت شغل وبصفتها ايش ضايفها ومن هل كلام وبعدين قلتله وريني صاحبك الي بالماسنجر من ذا واسمه سم سم طبعا شكيت انها هي ولا كاتب معاها صفحاااااااااااااااااات

المهم قلي والله مو هي وماشفتي صورته قلتله صورته يمكن صورت خطيبها لأنها مخطوبه المهم

وادخل فيس بوكي :mad: واضيفها هناك
وارسلتها مسج قلتلها ابغى ايميلك
وطبعا هي عارفه انا مين
المهم ضفتها ولا طلعت هي البنت الي بيكلمهااااااااااااااااااااااا وياويلي يابنات والله كنت بنجلط وحطيت على عينه وصرخت فيه وقلتله انته كذاااااااااااااب وانا اكرهك وبروح بيت اهلي وحلف انو مافي شي بينه وبينها

واعتذر وانا ماقبلت اعتذاره وللحين انا مضايقه كل يوم والثاني قصه جديده

العلاقه بيني وبينه زي الززززززززززززززززززززززززفت ماادري ايش الحل وايش السوات انا تعبانه كثير وهو صاير بعيييييييييييييييد كثير المحبه بقلبه قلت ودايما مشغول دايما عند اصحابه وسافر البحرين معاهم الخميس الي راح وانا مالي اي اعتبار


وربي يشهد اني احبه واغليه هو شخص كويس والله كويس وحنون وطيب ومابيقلي لأ بس ليييييييييييييييييش هل حركات مرض ولا سوسه يابنات ساعدوني والله دمي زي النار وقلبي من الزعل بيوقف ودموعي نشفت وانا داخله على ترجيع اجنه والنفسيه لازم تكون كويسه مو عارفه ايش الحل ساعدووووووووووووووووووووووووووووووووووني :44: