زوجي سحب رصيدي كله وللحين طمعان وزعلان

السلام عليكم بنات
انا طبعا من البداية زوجي أخذته على أساس معطيات أنه بيكمل دراسته متوسط وثانوي وأنه مامنعه الا ظروف وفاة امه مثلا او او وكان يجي للشوفه والملكة بسيارة أخوه الكشخه
وكان يقول لابوي أن عندة خارج دوام
وأنه بدى يكمل دراسته
راتبه قايل لابوي أنه في المرتبة الرابعه او السادسة كنت سامعته ماتذكر
شرطت عليه السكن في بيت مستقل
رضيت بمهر كان قليل بسبب أنه كان متملك وهو عافها فمارجعوا له لامهر ولاذهب ماحبيت اضيق عليه
فترة الملكة والخطبة ماكان بينا أي مكالمات هو ماطلب وانا حتى لو طلب برفض كنت ضدها كان مجهول بالنسبىة لي بس كل ظروفه مثل تاخر دراسته أو الدخان أو عدم طلبه الكلام معي كل شيء كنت ارسمله اعذار بمخيلتي تزوجت مو صغيرة كان بامكاني أرفضه بس قلت يمكن يجيني أسوأ من نواحي ثانية
تزوجته من اول يوم تفاجأت بعيوب جوهرية
مايصلي خير شر
صور سفرات قديمة
دراسته في الليل سحب عليها وانا اللي كنت اترجاه يروح وكان عصبي جدا لاتسكرين مكيف ولاتولعين نور ولا ماني رايح كأني اقومه على مشوار لي مو لمصلحته
الدوام يروح يوم يسحب ثلاثة وبالهواش وحب الخشوم وكان بيفصل من وظيفته الحكومية
ومن عقبها حس بالخطر شوي وصار يداوم افضل من اول
اول ماتزوجته تفاجأت أنه مو مرتاح كثير معي وأنه فاقد جو اهله وفرفشتهم واقلاعهم
وأنه يتململ مني خيبة امل وضاقت علي الارض
ويوديني ثلاث ايام لاهلي عشان يروح يسهر واستراحات وبلوت مع اخوياه
كنت اتخيل باخذ واحد مايطيق يبعد عني ويفقدني ولاسهرات ولااستراحات بملا حياته وكيانه
بيطلع معي انا حدائق ومنتزهات لاني من حياتي يوم كنت عزباء كنت اجتماعية وروحي حلوة والكل يمدح باخلاقي وتصرفاتي
بعد ثلاث سنوات زواج وطفله بينا
كنت دائما على نيتي اطريله أن عندي مبلغ في البنك من وظيفتي ودراستي وان ماعلي قاصر
ف اقوله اذا مو مرتاح معي من حقك تتركني ماتفقنا ومهرك لك مابغاه ما بي اعيش مع واحد مارتاح وانسعد معي
بعد ثلاث شهور زواج
حملت
اتفاجا بعد بكم شهر من الحمل أنه سافر سفرة مجون لدولة مجاورة
اتفاجا بزواج بنت أخوه أنه يقطع الفلوس الخمسينات والمئات فوق راس اخوه طغى وفسق ومحفلها فوق الخمس الاف
غير مصروف الدخان وشيء ثاني احيانا يلفه بورق
اتفاجا من البداية بسوء تعامله وعصبيته ومو مقدر اهلي ولا والدي ولااقاربي مايروح ولايزور ولايفكر يسالني عنهم همه اخوياه واهله
ماحسيت أنه حابني او متعلق فيني فقط تحصيل حاصل
مع اني شخصيتي وطيبتي استاهل من يقدرني وياكثر من ذكرتتني مو عشان جمال ولاشكل عشان اخلاق وطيب وقومة
اتفاجا أنه حاكرني ولااطلع لشيء اهم شيء طلعاته ووناسته انا المهم الطبخ والفراش والتفقيس
اتفاجا أن ذهبي كان متواضع بسبع الاف تقريبا وبدون غوايش وساعه ويوم شريت الغوايش من جيبه بعد ماحملت حقدوا علي خواته ووحدة بلسانها قالت مخ تجاري انتي يعني اتمسكن ليما اتمكن كأني ماخذه شيء مو من حقي زيي زيهم وهم من اول يوم بالزواج يورونه الناس
بعد ماولدت اخذ حول ٣٠٠٠رفايع جايتني من خوالي وخالاتي واقاربي اهو ماله علاقه فيهم وانا المغفله اللي جايبتله طاري قلت ماقصروا اقرابي جاني خير منهم مادريت أنه طمع وحطها في رأسه طلبها مني امي واختي رفضوا وحذروني وقلت منيب بحاجتها
بدل مايطيني طلاعه انا اعطيه
طلب بطاقتي الصراف ووالله مافكر قبل يوظفني أو يسعى لي بوظيفه او يصلح اموري حتى زكاة من أخذته مازكيت كل اموري معلقه
يوم احتاج اهو الفلوس وداني اجدد حسابي وعطيته بطاقتي مامنته حتى ورق قلت بكتب اللي تسحب وتعاهد وزعل أن مو بيناتنا ومافيها خير اللي ماتعين زوجها
لعب علي بالكلام وسحب بدل الالف والالفين عشرين ألف بدون استئذان ومر عهالكلام ٣سنوات توه يقولي أنه سحب رصيدي كله كنت انتظره يرجع الالف والالفين وكل شوي اذكره أنه حرام وكيف تنوم وفي ذمتك ولاهوب اكبر همك
طلبت منه قبل سنة ونص بطاقتي ورفض وقال هاتي ذهبي واعطيك مع أن الذهب من حقي من اول يوم وهديه ماترجع له
طلب ذهبي عشان فاتورة كهرباء ورفضت قعدوا خواته يدقوني بالكلام أن أختهم فلانه بائعه غوايشها لزوجها لمدري ايش وفلانه باعت رشرشها تجيبب دش لزوجها اول أيامه والثالثه والرابعه
طيب انا ماخذتك على اساس انك مالي هدومك
بترجع تدرس وندمان على الايام اللي راحت هدر
على انك عصامي وناجح وتعتمد على نفسك ومرتبتك كويسه مو خامل لاتبي تكمل متوسط ولاتبي تداوم ولاتتحرك من مكانك
اللي صار الحين أن بنك التسليف أو مادري مين سحبوا رصيده كله
وأنه يوم شالوا البدلات ولارجعوها للحين تورط
و أن راتبه الف ومئتين
والباقي يروح اقساط سيارة متواضعه
وتكاليف زواج ماتم
وأنه صار ساحب ٢٠الف من حسابي من غير ما ادري عشان يرفعون راتبه أو تزين اموره
وفوق هذا يبي ياخذ غوايش يرهنها عشان يطلع ميتين يصلح سيارته الميتين ماتقدر تسلفها من اخوانك اللي رواتبهم كويسه
اللي على قلب واحد ويعينون بعض ويتريق أن اخواني موزي علاقتهم مع بعض لان إخواني معتمدين على أنفسهم
ليه انا الطوفة الهبيطة
ليه مايلوم نفسه مايدرس ماييصلي يطلب ربه والله لو اعطيه مليون مارح تنفعه دامه مايصلي لارمضان وجمعه ولاغيره انصح ولامانصح اذن من طين واذن من عجين
اهو اساس المشكلة وبيده حلها
يوم كان الله موسع عليه
يستعرض عند الناس يشقق قروشه ويحفل اقرابه بالالاف ويقطط استراحات ويسافر ايام العزوبية بالالاف لبنات بليس ماجمع الريال على الريال
ليه انا اللي اتحمل اغلاطة وتقصيره
ويهدد بالطلاق ويزعل ويقول محيزر ومافيني خير ويطردني من بيتي ويهددني بيسكني في حارة اهله اللي مليانه ارذل الناس وشايفه علومهم بقروب جواله
الله يعافيهم ولايبتلينا
حاط عينه على هالغوايش ومان علي فيها ومتحسف بها علي
ماتسوى علي
رفضت اعطيه غوايشي حتى لو رهن على كلامه
مافيه ثقه ابدا
ومو انا الطوفة الهبيطة الماكولة المذمومة
والله لو كان يصلي ولاطعني في ظهري وسافر عقب زواجنا ولايدخن هالكريه ولايسهر سهرات الله اعلمبها ولو كان مقدر اهلي ويحسبهم ماقصرت معه لكن وش نقول
رايكم في موقفي
مامسكني الا ضناي بياخذهم واهله يضربوننهم وهو مو تكانه وظروفي العائليه