السلام عليكم جميعا ..
رح ارد ع سؤالك المتعلق بالإجراءات :
اولا : انتي ايش رغبتك الآن ؟ لو كانت رغبتك هي الطلاق ف خبري زوجك و تعملوا طلب من موقع وزارة العدل من حاجة اسمها الطلبات الانهائية و تعبي الطلب و تطبعيه و تروحي لمحكمة الاحوال الشخصية قسم الانهاءات يحددولكم موعد تحضروا فيه امام القاضي و حيطلقكم ، و حيعطيكي اصل صك الطلاق ، بعد ما تاخذي صك الطلاق حترفعي عدة دعاوى في وقت واحد و تعملي لكل دعوى طلب مستقل ( بس لما تروحي المحكمة حتتحدد كل طلباتك امام قاضي واحد يفصل فيها كلها مع بعض ) و هذي الدعاوى كالتالي : دعوى نفقة - دعوى حضانة .
في دعوى النفقة تطلبي نفقتك الماضية فقط (في حال كان له فتره ما ينفق عليكي ) + تطلبي نفقة ابنائك الماضية و المستقبلية .
في دعوى الحضانة تطلبي حضانتهم و تجيبي الاثباتات اللي عندك ان والدهم غير كفؤ لحضانتهم زي الادمان ، الزنا و غيره ، الاثبات ممكن يكون بورقة او بشهادة الشهود .
طبعا انتي اوراقك ذي كلها حتاخذيها للمحكمة في ملف و يحددولك موعد ( بالعادة بعد شهر او شهرين ) و اول جلسة ما حتكون امام القاضي العادي بل تكون امام مكتب مصالحة و تحكيم ، اتفقتوا على الحضانة و مبلغ النفقة كان بها ( في ذي الحالة حتسلمك المحكمة محضر صلح مختوم و موقع و لو طليقك ما التزم باللي فيه تودينه محكمة التنفيذ مباشرة ينفذ بالقوة الجبرية ، اما لو ما اتفقتوا فالجلسة الثانية تكون امام القاضي و هو يفصل بينكم و يطلعلك صك حكم بحقك في النفقة و الحضانة انشالله .
ثانيا : في حال كانت رغبتك الطلاق و لكن زوجك امتنع يروح المحكمة و يطلقك ف هنا ترفعي دعوى امام محكمة الاحوال الشخصية في مدينتك اللي انتي فيها اسمها ( دعوى فسخ نكاح ) و لما يتم الطلاق و تاخذي صك طلاقك ترفعي دعاوى النفقة و الحضانة . و ملاحظة حاولي تكلميه بالرسائل او بالواتساب مثلا لانو حيكون دليل كبير عليه مو زي الكلام الشفوي او بالتلفون .
** و هنا نصيحة للجميع حتى لو كنتوا متفقين مين له الحضانه و مين له الزيارة و كم مبلغ النفقة ، ضروري تثبتوا هذا الشي في محضر صلح موثق و معتمد ما يكون بس كلام ؛ منعا للنزاعات مستقبلا .
ثالثا : بالنسبة لفلوسك لازم ترفعي ( دعوى مطالبة مالية ) امام المحكمة العامة في مدينتك و توضحي فيها انك سلفتي زوجك هذا المبلغ من التاريخ الفلاني و انو امتنع عن اعطائك حقك بالرغم من محاولاتك الحثيثة معه و انو هذا مال محتاجته و تحويشة عمرك و من هالكلام و انك تطالبيه برد فلوسك كاملة .
رابعا : يمديكي انتي بنفسك تباشري ذي الاجراءات كلها و ترفعي ذي الدعاوى كلها ؛ لأن حق اللجوء للقضاء مكفول للجميع ، يعني نظاما منتي مجبورة توكلي رجل من اهلك .. طبعا من حقك توكلي احد من اهلك تثقين فيه و من حقك توكلي محامية او محامي اذا تتحملي تكلفتهم .
خامسا : هذا رابط موقع وزارة العدل و من هنا ترفع الدعاوى :
تختاري نوع الدعوى و اسم المحكمة و مكانها .. و بعدها تعبين بياناتك ( ك مدعي ) ثم بيانات الوكيل او المحامي ان وجد ثم بيانات زوجك او طليقك ( ك مدعى عليه ) .. ثم تعبي موضوع الدعوى باختصار و طلباتك و لما تخلصي تطبعي الطلب و كل الاوراق المطلوبة زي صور الهوية و الاوراق الثبوتية و غيرها و تتوجهي بالملف عالمحكمة و تقيدي الدعوى في قسم ( القيد و الاحالة ) ثم تكملي الاجراءات الباقية من تبليغ الخصم و تحديد موعد الجلسة .. يفضل توكلي محامي/ة ان قدرتي تخلصلك الاجراءات و تحضر عنك الجلسات و لكن اذا ما كان عندك القدرة المادية مو مشكلة. . حيتعاونوا معاكي موظفين المحكمة و يساعدونك اذا سألتيهم انشالله .
انشالله اكون افدتك
**( تكلمت عن الجانب القانوني فقط من باب نشر المعرفة و زكاة لعلمي و لم اتكلم عن اي جانب اخر في قصتك ، كان الله في عون الجميع ) .
السلام عليكم جميعا ..
رح ارد ع سؤالك المتعلق بالإجراءات :
اولا : انتي ايش رغبتك الآن ؟ لو كانت...
أعلنها بكل صراحة الله لايفق اي حرمة تفرق بين ام عيالها وتحرشها عليهم
الأب زبال وسخ وابن كلب الأطفال ليش ذنبهم
اتركي عيالك يأخذ ام النصايح الي زي كذا جريمة هذي مو نصيحة