زوجي سحرني 00

السلام عليكم ورحمة الله وبركاته
بدخل على طول بقصتي وباختصار شديد
أنا تزوجت زوجي عن حب وكانت فترة الملكه طويله ثلاث سنين تزوجت بعد الجامعه المهم كنت هذيك للفتره أحبه حب طبيعي وهو كذلك
المهم بعد الزواج استمر نفس الحب عادي برغم انها صارت خلافات كبيره بيني وبينه وتعبني بحياتي كثير يغلط علي ويعصب علي وانا ماكنت اسكت عن حقي أبدا أزعل وماارجع له لين يراضيني واحس نفسي من ناحية صافيه
هو رجل فيه كل الصفات اللي تتمناها اي امرأه طيب كريم حنون شهم سخي مستقيم والكل يحبه بس انه عصبي جداً جداً جداً وألفاظه اذا عصب سيئه جداً وعنيد جداً
فجاه يااخواتي صرت اعشقه بجنون بجنون بجنون حب غير طبيعي أنا احبه من قبل بس مو لها الدرجه صرت بس هو شغلي الشاغل بس ادور وش يرضيه اطبخ له واتفنن بالطبخ حتى لو حرارتي 39 من الليل اكتب كل يوم اكله شكل بشكل ملفت للنظر أوقف عند الباب انتظره يرجع من الدوام لو تأخر ربع ساعه انجنيت واذا جا يقيل الحق وراه اجلس بالارض او عند السرير لين يصحى اجلس جنبه واشوف شكله وهو نايم طبعا هو مايدري بحبي الغير طبيعي اسوي نفسي عادي ولاابين أبدا
اقسم بالله حتى اذا راح الحمام تكرمون ودي الحق وراه فراشه اشمشمه ملابسه استنشقها استنشاق واذا أتكلم أسرح بعيونه وبصوته كأني اول مره اشوفه لي ثلاث سنين متزوجه اذا زعل مني يجن جنوني ابكي ابكي ابكي لين معاد اقدر اتنفس اروح أخذ بخار ماكنت. كذا اذا زعل أزعل لين يراضيني او اروح لاهلي الحين مابي طاري اهلي سيارته اعشقها مفاتيحه أموت عليها كل غرض يخصه يعني لي شي كبير اذا عرفت ان شي يوجعه خلاص انتهي ابكي بالغرفه لين ينكتم صدري.
اقسم بالله اقسم بالله ان اهله احبهم حب من حبي له اطالع بامه ودي ابوسها وأقول بخاطري يكفي انها امه وأبوه نفس الشي وإخوانه اذا جت الرساله منه لو كيف الحال انجلط من الفرحه مع ان هذا الشي عادي من قبل الزواج متعوده على رسايله.
امس كان ابوه عندنا جا من منطقه ثانيه يومين مواصله ارتب واجهز وانظف واعطر وابخر واغسل علشان اعجبه
زعل من ولدي يتفرج على طيور الجنه والصوت عالي قام يهاوشني يقول مابك خير كيف هالصوت وابوي نايم بالمجلس ازعجتوه أنا سمعتها. ولا ماسمعتها ابكي ست ساعات متواصله وانا وين عند الشماعه اشمشم ثيابه.
صرت اعشقه بجنون بجنون بجنون كنت احبه قبل مو لهالدرجه وهو حبه لي مثل اول
يااخوات هل أنا طبيعيه والحب هذا زاد مع الوقت والعشره ونسيت اهم نقطه ترا هالحال مو عاجبني ويشهد الله أني أتعذب عذاب الله الشاهد فيه تخيلي ان حياتي كلها موقفتها على شخص ويعلم الله أني تمنيت أني ماتزوجت واني ببيت اهلي اكرملي
وهل في احد مثلي وكيف حياتها
بليييييييييز خلونا نتاقش بالموضوع وكل وحده تقول حجم حبها لزوجها وكيف تعامله