عواطف تركي .
عواطف تركي .
السلام عليكم والرحمة أسعد الله مسائك وصباحك وكل أيامك عطوفة 🌹🌹 صحيح كلامها الإنسان هو سبب سعادة نفسه ومافي شيء يعلق عليه الشخص سعادته إلا ويكشف خطأ ظنونه الزواج السعيد الهاديء سبب من أسباب السعادة بس ماهو كل السعادة بأكملها للرجل والمرأة بس لو اجتمع الزواج السعيد والراحة المادية والصحة الجسدية والأهل الطيبين راح تتشكل كل قوالب السعادة والراحة وفي الأول والآخر هذه الدنيا وأيامها والحياة وطبيعتها تتقلب أحوال الإنسان مابين السعادة والحزن.. القلق والراحة.. المرض والصحة.. البهجة والآن كسار لو استمرت على وتيرة وحدة لمرض الناس بالملل ولفقدوا بهجة النجاح والراحة وعن السيدة بالمقطع واضح أن نمط حياتها ومجتمعها تقدر تتحرك وتسعد نفسها بنفسها بس فيه للآن أنماط من الناس والمجتمعات للآن ممنوع على المرأة تتحرك وتتصرف بدون رجل حتى لو امتلكت المادة والدخل المستقل ولو كانت بدون دخل شخصي الوضع أسوء فهذه طبيعي تحتاج أحد يساعدها ويقوم عليها بأمورها الشخصية في الأول والآخر الوحدة تصنع لنفسها أجواء السعادة ولو كانت وحيدة ولاتنتظر أحد يفرحها والتعلق قلبها بغير الله تعالى الله يسعدك عواطف ويرزقك كل ماتشتهيه نفسك ويحبه قلبك ويملأ قلبك فرح وسعادة وبهجة وسرور ❤️❤️❤️❤️
السلام عليكم والرحمة أسعد الله مسائك وصباحك وكل أيامك عطوفة 🌹🌹 صحيح كلامها الإنسان هو سبب سعادة...
وعليكم السلام ورحمة الله وبركاته
هلا بك ويسعد صباحك وكل واوقاتك بالخير والرضا ❤️
الله يجزاك خير على دعواتك الطيبه اللي تشرح الصدر ربي يجعل لك منها نصيب آمين

واتفق مع رأيك 100%
عشان كذا نقول اللي تحصر سعادتها كلها في شخص او شيء واحد إذا فقدته لأي سبب من الاسباب تندم و مثل ما تفضلتي مافي شي يستمر على طول لازم يوم حلو يوم مر ويوم عندنا الشي الفلاني ويوم ماعندنا واللي تحصر نفسها بشخص وتتعلق فيه وتخليه السبب الوحيد لسعادتها لما تفقده راح تلاقي نفسها مفلسه وضايعه وتصارع الويلات النفسيه والصحيه وتكون وحيده
والبعض يحسبون اننا اذا قلنا ان الزوج مو سر السعاده يظنون اننا نعني انه ماله دور في سعادتها
وهذول هم اللي ماهم قادرين يفهمون ان التوازن مطلوب لا افراط ولا تفريط

مشكوره على ردك الجميل نورتينا يا جميله ❤️❤️❤️❤️
عواطف تركي .
عواطف تركي .
اليوم شفت نفس المقطع في تيك توك كلامها صح لكن من وجهة نظري لو الزوجة سعيده لكن علاقتها بزوجها غير صحيه وغير سعيدين ماراح تكون سعيده في حياتها و العكس تماما
اليوم شفت نفس المقطع في تيك توك كلامها صح لكن من وجهة نظري لو الزوجة سعيده لكن علاقتها بزوجها غير...
اكيد الزوجه اذا عندها مشكله راح تزعل مثلها مثل أي انسان عنده مشاكل تزعجه وتضايقه سواء عائليه او ماديه او غيرها الحياه لا تخلو من المشاكل بشكل عام
لكن بنفس الوقت الحياة ما توقف عليه
وهي صاحبة القرار والاختيار وهي المسؤله عن حسم الامر بداخلها اذا حابه تعيش سعيده زوجياً
الاشياء المعلقه المؤجله بلا حل راح تبقى مصدر ازعاج وتتضخم كل يوم الى ان تنفجر
الزوج الصالح احد اسباب السعاده وليس سرها ولا كلها هو عبد مخلوق ضعيف
السعاده لها اسباب متعددة ان كسرك في يوم زوج تلاقين اصدقاء او اهل او وظيفه او اطفال او هوايات او اهداف ثانيه تسعين فيها وتسعدين بها وتحققين بها التوازن في حياتك
نورتي يا ام جلوي ونهار الله يجعلك من السعداء يارب ❤️
عواطف تركي .
عواطف تركي .
ضحكتها بداية الڤيد معبرة ورد مسكّت لسؤاله نجي للمهم يمكن وقد يكون الزوج الصالح النقي التقي أحد مقومات السعادة بس برضو مو معناتها أقيّد نفسي وأتقوقع داخل هالسعادة اللي ممكن لأي سبب منطقي وواقعي ماراح تدوم لابد مانمر ب منغصات والواقع يقول كذا بالله بعدها كيف راح يكون حالي ! اكتئب وتضيق الدنيا ب عيني وأنسى وأتجاهل وأنعمي عن النعم اللي موجودة حولي عشان ربطت سعادتي ف شخص أيًا كان ! لا والله عني أنا مو كذا تضيق فيني من هنا أرضي نفسي ب كوب قهوة والحياة حلووة
ضحكتها بداية الڤيد معبرة ورد مسكّت لسؤاله نجي للمهم يمكن وقد يكون الزوج الصالح النقي التقي أحد...
يا سلام عليك هذا الكلام المنطقي سلمتي يا ملك إنسان ❤️
اللي عاش وشاف تجارب الآخرين وتجاربه الشخصيه يكفيه انه يستوعب ان محد في هذي الدنيا يدوم
وان اللي نملكه اليوم يمكن فجأه وبدون مقدمات نفقده بكرا
ساعتها يجي هذاك الفراغ العميق والوحده والضياع والاختناق وتشتغل الدراما العاطفيه والالاعيب الفكريه النفسيه وحوسه لها اول مالها آخر والسبب ان مصدر السعاده الواحد اليتيم انقطع !
اهني مزاجك الرايق وصباحك قهوه ريحتها تعدل المزاج ❤️☕️
عواطف تركي .
عواطف تركي .
الزوج جزء من السعاده ووممكن سر التعاسه سر السعاده هي نفسك كل الناس ممكن تتغير عليك الا نفسك ماتتغير اللي مالقى السعاده في نفسه رح ينصدم من الخذلان لو ربط سعاته بزوج ولاغيره
الزوج جزء من السعاده ووممكن سر التعاسه سر السعاده هي نفسك كل الناس ممكن تتغير عليك الا نفسك...
احسنتي يا ام اشواااق 👍🏻
حتى التعاسه الزوج مو سرها يمكن يكون احد اسبابها وبالمقابل الله اعطانا اشياء كثير ونعم اكثر بكثير من الشي الواحد اللي جايب لنا التعاسه بس الغالبيه تركيزهم دايماً على الشي الناقص والمفقود ويتجاهلون الموجود من النعم والخيرات ويعتبرونها مسلمات بالحياة
نورتي يا جميله ❤️
توفي 123
توفي 123
اللي تحط حالات عن زوجها ع طول احطها غير مهمه ولاافتح لها
الله يهنيك معاه حبيبتي بس انا ايش دخلني اشوف غزلك مع زوجك
وتعبيرك لمحبتك له
ليتها توقف ع زوجي سر سعادتي
الا صور وكلام يجيب المغص 😂