زوجي سوا معي شي يشيب الرأس>>استوفي الردود

السلام عليكم ورحمه الله
بنات بكتب لكم مشكلتي والله اني صادقه لاني اعرف بعضكم من هول الموضوع ماراح تصدق
اولا انا عضوه قديمه هنا وغيرت معرفي عشان.محد يعرفني..وبغير شوي ف الاحداث
والاشخاص عشان محد يعرفني بس القصه بقولها لكم بالتفصيل
بنات انا عندي اخت ارمله زوجها متوفي وعندها 7 مابين اولاد وبنات وبعضهم متزوج يعني قدهي جده..علاقتي فيها جدا قويه واخدمها بعيوني وتخدمني بعيونها ماتقصر معي في شي وانا مثلها
هي محتاجه ماتلقى اكل اولادها والله مااقصر معها وكله لوجه الله ولانها اختي مالي فضل واخلي زوجي يوديها مشاويرها مع عيالها البالغين عشان ماتقولون ليش تروح مع زوجك اقولهم عيالها بالغين يعتبرون محرم لها....من اسبوعين زوجي كان.مسافر يومين مع امه في رحله علاج وجانا هذاك اليوم واوضاعنا تمام بس انا كنت جدا مريضه انفلونزا مره قويه ونفسيتي شينه والله ماكنت اقدر اتنفس كنت انقز من مكاني من الكتمه الي تجيني ..طبعا صار يرمي علي كلام بمزح واستهبال لدرجه يقول خليني اوديك المستشفى عشان ماتعاديني قلت يعني ماهمك اني اطيب همك مااعاديك قال ايوه ..انا زعلت وشانت نفسي ووقت النوم ماجاء ينام على جواله اراسله اقوله انا تعبانه قال انتي سحبتي نفسك بكيفك..سكت وجلست ابكي من القهر واقوم اصلي الفجر وانسدح وهو جا ونام ...قالي الشيطان قومي افتحي الجوال حقه
قمت وفتحته وعليه باسوورد طبعا ووالله ماني عارفته بس حطيت توقعات من عندي وفتح وربي يابنات ان اول ماطاحت عيني على رقم وفتحت المحادثه يابنات شفت العجب شفت المصيبه وربي معاد قدرت اوقف وحسيت بغثيان وانتفض ماقدرت امسك نفسي
تخيلوا يابنات طلع يراسل اختي
ايوه اختي هذي الارمله والي ماقصرنا معها في شي
هي وياه عايشين قصه حب وغرام وكلام وقح يابنات مااستحت مني اختها ابديها على نفسي في كل شي يابنات قاعده تهزأني من وراي وتعلمه وش اقوله عنه اذا صرنا نسولف انا وياها ووش تبي بها واتركها وانا بسوي لك وبعمل لك
بنات كلام يشيب الراس ماقدرت اصدق ماقدرت
رحت ورجعت الجوال مكانه وكلمت اختي الثانيه وعلمتها من هول الصدمه والله يابنات ماقدرت ابكي ولااصارخ ولاشي فيني شي في صدري كاتمني
قالت لي روحي صوري المحادثات خليها عندك دليل وهم فكري وش تسوين معهم...
فعلا صورت المحادثات عندي ورجعت جواله عنده وجيت بنام يابنات ماقدرت ادور للنوم عجزت انام لين الظهر قمت وصليت وصلحت الغدا ولابينت له ان شي صار...وبعد الغدا قلت له ابعى المستشغى معاد اقدر قالي خلاص الحين بوديك قلت لا بعد ساعه بروح لاني ابغى ادخل اتروش وانظف بيتي قالي خلاص بدخل انسدح واذا خلصتي صحيني ونروح ..وانا كلمت اختي هذي وانا ابكي قلت تعالي انا تعبانه تعالي ساعديني قالت الحين بجيك وفعلا طلعت على طول من بيتها وانا شلت اولادي عندي 2 صغار وطلعتهم عند جارتي قلت امسكيهم عندك
ورجعت بيتي واختي وصلت وزوجي طبعا في غرفته منسدح ..اختي جابت اولادها كلهم ..جاتني مرعوبه وش فيك وش يعورك قلت تعالي معاي اقولك استحي قدام عيالك وادخلها غرفتي واقفل الباب واولع اللمبه واصحي زوجي..وهي انهبلت وش تسوين عيب زوجك موجود ووووو..وهو انهبل وش ذا مين هذي كان نايم وقام.مضجج مو مستوعب..وانا اهزأهم واعلمهم اني كشفتهم طبعا يقولون انتي غلطانه وفاهمه الموضوع خطا وهي تصيح تقول مو انا هذي وحده ثانيه وانا يابنات فقدت اعصابي جلست اصارخ واعلمهم بالمحادثه واولادها سمعونا وجاو يدقون الباب افتحوا افتحوا ولدها الكبير يقول افتحوت والا بكسر الباب وزوجي انهبل يمسكني يحط يده على فمي يترجاني.اسكت مارضيت اوخر يده واستلمتها تهزيئ وتفلت في وجها الحقيره بعد كل الي سويته لها تطعني من ظهري...زوجي قعد يقولي انتي بس عطيني المفتاح بطلع اهدي الاولاد برى يبغى يرقع الموضوع قدامهم وانا خلصت كلامي لهم ورميت المفتاح عليه وطلعت معاه وقدام عيالها طردتها من بيتي وتفلت عليها ه..زوجي نزلهم تحت وجاب لهم سالفه من راسه .قالهم بشرح لكم بعدين طبعا انقلعوا وهو جاني وانا ابليس راكبني وطاح على رجولي يبكي ويعتذر وسامحيني والشيطان ومدري وش جاني..يبكي يابنات ويضمني وانا ادفه قلت ليه وش اللي سويته عشان تعاقبني كذا وتروح لاختي ليتك.طالع لبرى..تخوني مع اختي ليه..والله يابنات جلسنا تقريبا خمس ساعات وهو يترجى ويبكي والي تبغين بسويه عشان ترضين وانا قلت له بيت اهلي معاد ابيك وهو ينهبل لاتروحين وتخليني ومااقدر ومن هالكلام ....بس يابنات ف الوقت ذا ماقدرت ابكي في صخره جالسه على صدري فيني صدمه من الي صار ماقدرت اعبر الا بالصراخ والعتاب بس....قلت له اطلع وخلني لحالي لين اهدى وارتاح مارضى قالي مااخليك وانتي كذا ..صرت اترجاه يطلع ابغى ابكي ابغى ارتاح احس صدري بينفجر واخيرا طلع عني ربع ساعه ورجع الا ولدها الكبير يكلم يقول بجيكم افهم السالفه زوجي طلبني مااقوله وانا قبلها اصلا كلمت بنتها متزوجه وعلمتها بالي صار طبعا بنتها ماصدقت وقالت لازم زوجك يعترف عشان اصدقك واخيرا زوجي اعترف لها بشرط اني مااعلم ولدها ....بنتها انصدمت وقفلت الخط وولدها جانا وقلت له انا فاهمه غلط وسوء فهم وتعبانه ووووطبعا. الولد مااقتنع بس صدق ان امه مستحيل تسوي شي....وراح زوجي وجاب لنا عشا طبعا ماقدرت اكل وخلاص وصلت مرحله احس جسمي ينتفض من التعب والارهاق وراسي بينفجر تخيلوا اني وصلت 37 ساعه صاحيه مانمت خلاص تعبت...واروح ارمي نفسي وانام وهو مسك الاولاد ونومهم لين صحيت على الفجر وهو صاحي ويفتح الموضوع ويبكي من جديد يقولي ندمان ومااعرف ليش سويت كذا وخاصه اختك وانا جلست اانبه زياده واقوله لازلت للحين مصره اروح لاهلي وووووو...
نجي لاختي طبعا سويت لها حظر وارسلت رساله تهديد لو تقرب من زوجي والا حياتي ان افضحها عند اهل زوجها وخاصه اخو زوجها لانه مطوع وملتزم وهو الي مسؤل عنهم من وفاه زوجها واعرف انها تخاف منه...
بعد كم يوم جاو اهلي عندي انا علمت امي واخواتي وقلت لهم ماترووحون لها ولاتجونها لانهم من منطقه ثانيه بس جايين يسلمون علينا ..وخلاص ماجوها..امي تقولي بكلمها العن شكلها وبعلم اخوانك عليها ..قلت لا لاتسوين لها شي اسحبوا عليها وهي بتفهم...وبعد كم يوم الا وهي تكلم اختي الي اصغر مني باقي بنت وتبكي وتترجاها انهم يطلبوني اسامحها واحللها...وجلست تعاتبها اختي ليش سويتي كذا مع فلانه وانتي عارفه علاقتها معك غير عنا كلنا بحكم انك انتي وياها في نفس المنطقه وقريب من بعض...تقول انا غلطت والشيطان شاطر واحس ربي غفر لي بس ابغى فلانه تحللني ونسامحني وامي لاتزعل علي ولاتغضب...اختي تقولي قلت والله مااسامحها ولاتقولون خليك طيبه واكسبي اجرها والله لادعي عليها لين اموت والله مااسامحها
هذي خانتني وطعنتني وغدرت فيني وانا فاتحه لها بيتي وامنتها على زوجي واولادي واسراري وتسوي لي كذا....
زوجي يابنات راضاني بجوال وبوكيه ورد وترته
وحاجز لنا علىتركيا لمدهه اسبوع انا وهو بس اولادي بياخذونهم اهلي..وحط لي في حسابي الفين ريال..قالي هذي عشان ترضين
وقطع التواصل مع اولادها نهائيا....


انا كذا خلصت قصتي. وان شاءالله تكون واضحه وتوصلكم والله ماكذبت يابنات هذا الي صار بس غيرت في بعض الاحداث الي برى السالفه
انا للحين يابنات احس الي داخلي ميت ميت
زوجي واختي ياربي وش اعظم من كذا