زوجي شاف صورة ملكة اخوه مع عروسته... والسبب أمه , هل اواجهها؟؟

يا بنات انا سعوديه وفي مجتمع سعودي وقبلية بعد

يعني عندنا حرام وعيب انه الواحد يكشف على زوجه اخوه

وانا الحمد لله اغطي من جميع اخوان زوجي وكذلك سلايفي

بس المشكلة في الراس الكبيره.. وهي الأم

عندها طبع زي الزفت .. اذا ملك واحد من عيالها تاخذ الصور وتوريه لجميع عيالها <اولادها ثمانية

كلهم كبااار>

والله يا بنات بعد زواجي اتزوج ثلاثة من اخوانه... وجميع صور العرايس توريها اولادها

طيب ليش؟؟؟ وعشان ايش؟؟؟ ولأيش تبغى توصله؟؟؟

والله يا بنات انه صور سلايفي في قمه العري وهذا غير المكياج وغير نص الصدر طالع بره

< انتوا عارفين الوحده في الملكه تبغى تتكشخ> وهذا غير الجمال

يعني لو الوحده ماهي حلوة .. بتطلع حلوة في الصور مع المكياج والاضاءه

كلمت زوجي كم مره .. وزعلت منه لكن هو يقول ما نقدر نكلمها او نقولها شيء

< يخافون منها> ويقول انا اصلا ما شفتهم مزبوط بس جاملت امي

المهم:

اخو زوجي سوى ملكه قبل اسبوعين .. وطبعا اخذت الصور كالعاده وورتها زوجي واخوانه

طبعا زوجي ما قال لي .. لأنه عارفه اني بزعل منه.. لكن والله يا بنات بتقطع من القهر والحقد

على امه .. وانا عرفت من مصدر ثاني

يعني حتى لو امه قوية < ربي اقوى منها>

المشكله انه صورة سلفتي هذي الأخيره فستانها وردي ومره عريااااااااااااااااااان

يعني شويه ويطلع صدرها هذا غير المكياج .. الخ

ومره حصل موقف .. واحد من اولادها اتزوج قبل 3 سنوات .. ويوم سوى ملكه

قال لأمه ما ابغى احد يشوف صورة زوجتي , تدروا ايش ردت عليه؟؟؟

<قالتله طيب مو انت شفت صور حريم اخوانك لازم هما يشوفون صوره زوجتك> وفي النهايه

اخذت الصور ونشرتها على الأخوان

ووحده من سلايفي عرفت انه صورها انتشرت بين اخوان زوجها وقالت لأم زوجي

<وااااااااااااااااااااااااه اولادك شافوا صوري ؟؟؟؟؟ياويييلي > تدروا ايش ردت عليها؟؟؟

انا اسفه على العباره اللي راح اكتبها بس عشان اوريكم قد ايش ظلمها وقوتها..

قالتلها < وايش يعني لو شافوكي ؟؟؟ xxxx

المهم:

انا فكرت اواجهها على الصورة الأخيره اللي ورتها زوجي قبل اسبوعين

لأني بصراحه شايفه انها مرة اتمادت.. وزاد حالها, علما بأنه لسع باقي اثنين من اخوانه

ما اتزوجوا .. وانا ماراح استناها تعيد نفس الغلط

ولا تقولوا خلي زوجك او اخوانه يكلموها .. لأنهم ما يبغوا يزعلوها. وبصراحه بيني وبينكم

< انا اشوف انه الأخوان مبسوطين من حركتها.. لأنهم يقولون امي ما تغار علينا مثلكم>

مع العلم والله يا بنات انه الأم شديده الغيره على زوجها <الله يرحمه>

وكذلك بناتها شديدين الغيره مع ازواجهم بس مدري ليش مؤيدين الأم؟؟

ابغى ارئكم يا بنات