يعني هم مايتزوجون بنات ماقد تزوجن تعرفوا عليهن




يجي هذا يتزوج اختك ويبي يخطبها وهي ع ذمة رجل اخر ولها منه أطفال وتخونه ببيته ..


والله مدري القصص هذي من اَي عالم .. بس الأكيد انه ماهو سعودي ..👍🏻

اعوذ بالله وش هالزوج اللي ماصدق يلاقي شي ويستخدمه ضدك !!
وش يحس فيه المعصوم الملاك المنزل من السماء ؟
لولا ستر الله عليه وعلى اهله وجماعته كان نزل راسه في التراب وبلع لسانه وانطم من البلاوي السوداء اللي صارت بماضيهم لكن الله ساترهم مو شطارة ولا ذكاء منهم
ولو يحط نفسه بمكانك وقتها بيعرف ان تصرفك سليم وان الستر واجب
وهو مو من حقه يعايرك بذنب مالك يد فيه وعيب عليه حتى يصارحك انه شاف خصوصياتكم
وفي جميع الاحوال هذي اختك ومجبوره فيها ومجبوره تسترين عليها وتدارين فعلتها وتساندينها الى ان تلاقين لمشكلتها حل يعني وش كان يبيك تسوين ؟
يبيك تفضحين بها وتذبحينها وتتركينها تضيع عشان هو يرتاح ؟
اتحداه يقبل الفضيحه بعرض اخته او ان احد يهتك سترها ويتكلم عن اخلاقها وشرفها بفعل مضى وانتهى !
كل شخص ممكن يغلط سواء غلطه كبيره او صغيره
العبره في الخاتمه والحاضر اذا تاب واقلع عن الذنب او لازال مستمر فيه
وبخصوص تصرف زوجك الغير رجولي والخالي من العقل والحكمه معك بعد اكتشافه اسراركم
ابد طال عمرك لا تسوين شي لان كل شي واضح مايحتاج اي تبرير اكثر من اللي قلتيه له
من الاخر قولي له وش تبي مني بالضبط وايش اللي تبي توصل له ؟
واسمعي منه لان واضح الرجال ماصدق يعرف عن اختك هذا الشي عشان يستخدمه ضدك لمصالحه الشخصيه
فلا تتعبين نفسك معاه وفوضي امرك الى الله
واللي الله كاتبه راح يصير
اللي يحبك ويحترمك مستحيل يبيعك ويفرط فيك بأعذار تافهه
واللي بايعك يدور الزله عليك عشان يرخص بك

قلي له المفروض ماتفتح جوالي هذا شي الشي الثاني مالك دخل حتى لو كانت اختي تزوجته وانتهى وقفلي الموضوع عليه اذا صار بيفتحه قلي اختي لا تتكلم فيها علشان مااقلها السالفه كلها واخليها ترفع عليك قضية شرف

مفتوح ملفك تو شفت الموضوع
ابد مافيه شي يستدعي الاوفر الي هو مسويه
ادخلي بعينه قولي انت بدال ماتستحي انك مفتش خصوصياتنا لا جاي بوسعة وجه تحاسب وتهاوش
ماعندي اي تبرير اقدمه لك لانه مايخصك ولا يخصني وقفل على الموضوع لان لو فيه احد غلطان بسالفه ذي فهو انت لانك تدخلت بخصوصيات غيرك الي عرفتها من ورا التفتيش والتنبيش

ملفك مفتوح يعني اي شخص ممكن يدخل على كل مواضيعك