زوجي شاكه فيه ارجوكم ساعدوني 😭

‎السلام عليكم ورحمه الله وبركاته
‎
‎انا لسى متزوجه حديثا زوجي حنون معي وطيب لاابعد درجه حتى اني ماعمري شفته زعلان مني مع ان تصير تصرفات اصير اتنرفز منه واهاوش مع ذلك يسكت
‎مشكلتي اني شفت يوم من الايام بس على جواله ويسمع قصايد ويرسلهن قصايد حزينه وعن الخيانه وكذا انا والله مو من النوع الملقوف بالعكس مقنعه نفسي قبل الزواج اني مافتش ورا زوجي او اشك فيه لكن يوم من الايام كان جواله عندي ناسيه وفتحته طبعا جواله بدون رمز فتحت على سجل المكالمات وشفت انه يتصل بكثره على واحد اسمه "خ "يكلمه بكثره وذاك مايرد عليه يعني فوق العشرين مكالمه فتحت على محادثته معه لقيتهً مرسل صوره دعوه الزواج وكذا وذاك يدعيله ان الله يوفقه محادثات عاديه واتوقع صارت مشكله بينهم لان زوجي يرسله "دنيتي رد علي يطاوعك قلبك ماترد علي ويكررها دنيتي - وكمان ارسله عادي اتصل عليك وابوك عندك " انا بالبدايه شكيت انها امراءه لكن يظهر ان "خ" ذا ماحظر الزواج علشان كذا زوجي استشاط غضب فصار يرسله بكثره وقصايد وكلام وذاك مطنشه فصار يرسله نكت وكذا ومره قصايد غزل ومره يهاوشه طبعا انا صارت لي فتره الله يعلم اني تعبت حيل حيل منها واشتكيت لاامي واختي وانا ابكي مرت عالفتره دعيت ربي كثير كثير خصوصا اني حامل بولده
‎الاشياء اللي ماتخليني اشكك فيه ان علاقته الجنسيه معي جدا جدا طبيعيه ويحبني ويضمني وبس عندي يبوسني ويناظر فيني نظرات اعجاب ودايما ينام جنبي وهو ضامني هالفتره قلت ماراح اتعب نفسي ولاافكر انا متوكله على الله
‎فحاءه شفته رجع للقصايد عرفت انه رجع للمحروس "خ" ففتحت جواله ولقيته مرسل قصايد غزل وخيانه كمان ومرسل له بعد عذرا على الالفاظ الكن مظطره اقولها "ترا مكو** نفس مكو** باقي الناس " انا هنا انهبلت سكرت جواله واخذت نفس قلت ماراح اوضح له اني مصدومه سكت انا اقعد عند امي بحكم شغله بعيد عني ومايجيني الا ويكند انا حاليا عنده وتعبانه نفسيا لدرجه ماقدر اطالع بوجهه وشياطين الارض تتراقص براسي حتى اني اخذت رقم "خ" ذا بشوف ايش سالفته كل اللي اطلبه منكم نصيحه ابيكم تعلموني وتفهموني اذا انا على غلطانه او شكوكي صح انا ماعمري شفت صديق ذكر ينادي صديقه دنيتي او يتعلق فيه هالتعلق مع ان الاخر ساحب عليه ومطنش ...
علاقته الجنسيه معي جدا طبيعيه ولالاحظت عليه شيء بعد السالفه صايره اتهرب منه كثير لاني ماقدر اطل بوجهه وتوحمت عليه بعد 😷