زوجي شاكه يتعاطي الحشيش

السلام عليكم
وربي اني بحيرة زوجي الحمدالله مافي منه طيب وحنون ويخاف الله
بس قبل مدة يمكن سنة وشوي صار يهمل بصلاته وصار يقفل ع نفسه باب المجلس اذا دخن
كان يجيني عيونه حمرا وكان زي النعسان وكان يطلب مني ممارسة الجماع
ومرة كنت نايمة ع صدره ودخلت يدي تحت المخده واحصل جواله وتحت الجوال في شي هو حس فيني صار يبعد الجوال ويبعد يدي بس سحبت الشي اللي لاصق بالجوال وصار يلوي يدي الا ياخذ الشي واخذه وع طول حطه بفمه وطلعت منه ريحة جد كريهه
ولما زعلت وتهاوشت معه قالي انها شمه وعدني انو ماراح يستخدمها وحلف بالمصحف
وبعد فترة قريبه كان بالحمام وانتم بكرامة وطلعت نفس الريحة لما واجهته انكر وطلعني غلطانة
وقبل البارح ضاع مفتاح المجلس وقالي انو بيدخن ومايبي بنتي تشوفه وصدقته وشكيت في وضعه مو طبيعي رجعت الا قام فجأة وبيده المفتاح وشي زي الصلصال لونه اسود وسيجارة مكسرة
حاولت اخذ الصلصال مسكني وشدني بقوة عشان مااخذه ودفني ونزل اخذه وقلتله وشو ذا وطلعه قال وشو مافي شي وأنكر
وقمت واجهته وذكرته وقام ينكر وقال احلفلك بالمصحف يوم قلتله ايه احلف عشان ربي يخسفك
وطلعت من الغرفة شوي اللي جاني وجابلي زي قطعة القماش لونها بني فيه لزق قالي هذا اللي شفتيه توني انتبه لزق برجلي وانا بنفسي شفته مو هو وشفته يوم نزل واخذه باايده
وكذبته وبكيت عنده ومو راضي يعترف يقول انتي موسوسة
ومن قبل البارح وانا وياه مانكلم بعض وبعدين كتبت بقوقل وطلعلي انه حشيش
وبحثت عنه وعن اعراض الحشيش وكل اعراضه شفتها بزوجي عيونها حمرا ودايم جنبه قطرة
ودايم يشك فيني وقلة نفسيته للأكل ونومه طويل
وقعدت افتش من وراه بمسك عليه وفتشت الحمام وانتم بكرامة ولقيت ورى البوديه 6 اكياس كل كيس فيه بواقي شي مفتفت زي البني وسحبتها اخذت كيسين عشان اواجهه والباقي حطيتهم بكيس عشان اذا انكر عندي دليل
واجهته بالكيسين وقالي وش ذا وين لقيته يمكن سحر وانكره وقال ارميه
وحاولت افهمه بس مو راضي يعترف وهددته انو اذا مابطل الشي ذا انو بعلم ابوه
والحين مو عارفة اش اسوي معه ؟ وش تنصحوني اعلم ابوي لانو ابوي متفهم وحكيم ؟ او اعطي ابوي باقي الاكياس واقله تأكدلي منها لانو لقيتها بحمامي ؟
لأنو حطني محل شكك وحيرة ؟
وربي يابنات بس ابكي ودي افضفض لأختي بس مو قادرة قلت بكتب لكم
وتدلوني ع الطريقة الصحيحه ؟