زوجي شالحل معه ماعاد اتحمله

ببدا لكم ب اول مشكلة صارت ذي اليومين في واحد محتواه قصص انا اتابعه ع السناب تعجبني قصصه ولدي اخذ الجوال عطاه ابوه يشغل له اليوتيوب قام الملقوف فتح سنابي يفتش وجا لعندي يقولي مين ذا قلت له واحد يقول قصص وافتح حسابه قام كسر شاشة جوالي قدام ولدي ويقولي انتي ماحصلتي مين يربيك تستغبيني ذا حتى ماهو مشهور شوفي متابعينه وانا ولا عمري شفت الي يتابعونه ولا ادري قسم بللله ظلمني قلت له لاتسوي كذا قدام العيال تبي شيء خلنا لحالنا قال ياشيخه الله يقلعك انتي وعيالك وطلع من البيت يقول بروح عندي استلام وبفتك من غثاك
بديت اشك في وضعه عصبيته مو طبيعيه وفوق كذا كل ماجو بيسوون لهم تحاليل بالدوام اول واحد هو يهرب 😐 وقد حكيت معه قال لي انتي وش فهمك بهالامور اصلا ماتعرفين شيء والله مدري كيف وضعه تعبني وفوق كذا مانعني من الدنيا كلها ويقذف صديقاتي انتهم مب متربيين ويطلعون اخر الليل خلاني اترك الناس كلها والمقاهي مستحيل يوديني مقهى مختلط او عوايل وداني مقهى مقفل وشوي ويقول هذي هي المقاهي الي اذيتينا فيها وماشيه ع الهبه والسفر مستحيل يسفرني يقول تدرين جوي مو سفر احب اشتغل واهندس ووقته كله يسوي سيارته او سيارات خويه يجيني البيت جسمه كله زيت واكثر من لبس حق الدوام خربها ويرمي بلاه علي يقول انتي اصلا خربتيها المشكلة صحيت لقيته هو حاط فيها غسيل كوبين!! صارت شهباء ويحط شال ع راسه اذا ضاع مصيبه ضرب ولدي مره عشان بس ضيعه العيال تعقدو منه ياناس لاهو حنون معهم ولا يعاملهم زين ومرات اتفاجئ منه شخص ثاني يحبهم ويدلعهم ومايخليهم يحتاجون شيء مدري هذا وش يحس فيه ووش فيه طول وقته مشخصنها وكل ماشافوه اهله قالوا نحيف حتى كرشة العافيه ماعندك يقول ايه مجوعتني ماتسوي لي اكل وهو الي طبيعة جسمه كذا شسوي له؟؟ من اخذته وهو كذا جسمه عاد مو مشكلتي امه تدق تقولي ولدي جوعان ماكان عنده زوجه قلت لها خلاص عند امه وراحت عجوز قريح قالت له جا يقولي مالك حق تكلمي امي كذا وانتي عارفه اخذتك مراهقه وتحملتك لكن انت الحين في عمر المفروض تطبخين صرتي نهاية العشرين شلون بنات اطبخ له وعياله كثير وعندي كان دوام وعيالي متشتتين بسبب دوامي طفشت لاتقدير ولا اهتمام اهم شيء عنده مصالحه الشخصيه ووقت النوم لسانه عسل معي بس اول مايصحى تقولون جني راكبه