زوجي صاحي ولامهبول

السلام عليكم
زوجي انسان غريب عجيب عجزت افهمه
انا موظفه شايله عمري وزوجي شديد من ناحية الفلوس خصوصا علي بحكم معي فلوسي واذا احتجت يعطيني لكن اتعب يعني مو يمد بنفس زينه لا يمد وهو يتشكى وانه مامعي ولاتحسبيني جالس على بنك ويبدا نصايح اقتصدي في فلوسك ولاتصرفين ومن ذا الكلام
طبعا انا علي قرض ومشتركة في جمعيه وصافي الراتب ٣ الالف وبالغالب يخلص قبل نهاية الشهر
وانا اسلك الزوجي واسوي نفسي مصدقه ان مامعه لكن صديقتي زوجها صديق زوجي ودايم تقول مايفرج علينا ويسلفنا الا زوجك وادري انه معاه لكن لاني موظفه معتمد علي اعتماد كلي
الحاصل اخواتي من زمان في بالي شاحن متنقل
وابي البناتي لانه نبلش اذا طلعنا ومخططه اشتري ٣ شواحن متنقله
وشريتها وعطيت كل وحده من بناتي حقها وخليت عندي واحد
شريت نوعيه ممتازة وتشحن ٥ مرات وبالعاده اي شي نشتريه مانعلم زوجي بالسعر الاساسي اللي ١٥٠ ننقص نص السعر ونخليه ٧٥ هذا نظامي معاه لانه قلق يبداء يهاوش ويلج ويعصب وانتي مبذره وانتي وانتي وانتي وتتغير نفسيته مسكين ولو اطلب ٥٠ ريال عياء يعطيني لانه يشوف انا ماامسك قرش ومبذره فصرت اتعامل كذا معاه
اللي حصل شريت٣ شواحن متنقله سعر الشاحن ١٥٠وطلعلي المجموع ٤٠٠ احسبتلي واحد ١٠٠ واثنين ١٥٠
شاف الفاتوره زوجي نسيت ادسها ٤٠٠ انهبل ذا الشواحن ٤٠٠ منتب صاااااحين والله مهاااابيل انا قلت بيهاوش ويسكت مادريت الا مسحبها ورايح للمحل بيرجعها رفضو المحل لان بناتي فكوها ورمو الكراتين واخذها وحطها بالدولاب وعياء يعطينا اياها قال استخدمو الاسلاك هذي الشواحن المتنقله تخرب الجولات التفت علي قال ورب الكعبه اذا شفتهم يستخدمونها بكسرها عشان ثاني مره تفكرين الف مره قبل تشتريلهم ولي اسبوع الحين ابيها ومعيي ورافض ومعصب المشكله هو مو بخيل على نفسه


طلبيات النت ماتوقف والمناديب ٢٤ ساعه عند باب البيت عطيت اخوي جزمتين وانتم بالكرامه جدد بقراطيسهم طالبها زوجي ومخبيها وماش ما اعجبه لونهم وقال خذيهم عطيهم اخوك!!!جدد ورب الكعبه جدد بالكرتووووون!!
الحمام المغربي رجالي طبعا مبلغ ٢٠٠ كل فتره يسويه
كل فتره وفتره يجيب واحد يسويله حجامه مبلغ٢٠٠ ريال
ملابس بالهبل يتقضاها ومايلبسها مسرف اكثر مني وانا يوم جت على الشواحن استقعد والان ابي الشواحن وعجزت عنه معيي يعطينا ورب الكعبه رفع ضغطي مرض هذا ولا ايش مو حل مبالغ مرض
كللللله كوم وطلبيات النت كوم ثاني هذي بحد ذاتها لو احسبها له يطلع تقريبا ١٠٠٠ ريال شهريا
ويوم اناشقه واقوله انت تطلب بالهبل وماتلبس يقاااطعني ولايسمع ولايقتنع ويقول انا غير لا انا غير