زوجي صار يتحاشاني ... ايش العمل؟

السلام عليكم ورحمة الله وبركاته
أخواتي بنات المنتدي بعرض عليكم مشكلتي وانصحوني
انا عندي احساس انه زوجي صار يتحاشاني ويمكن الشي الي بقوله لكم هو السبب وابغي منكم النصيحه
زوجي الله يحفظه يطول الجلسه أمام النت ( مع انه يقرا أشياء عاديه انا أعرفها ) وأنا أتذمر من ذا الشي لأنه يضيع وقته في أشياء ماتنفعه لا لعيلته ولا لآخرته وكلما نصحته ترك النت وتوجه للتلفزيون ويجلس قدامه ويندمج حتى لوناديته ما يسمعني وبعد أتذمر وأهاوشه على ذا الشي . بالإضافه إلى أشياء كثيره مثل صلاة الفجر وغيرها ....
المهم إني من كثر ما أنصحه ( والله العالم اني أنصحه بأسلوب محترم وهادي ماينقص من رجولته شي ) صار الحين يتحاشاني وطالت جلسته على النت أكثر من قبل وحتى النقاش في أشياء ثانيه صار يسكر الموضوع بسرعه مايريد يتناقش معاي في شي.
ماعرف هل من الطبيعي أتركه على هواه مع كل الأخطاء واكتفي بالدعاء له بظهر الغيب والا فيه أسلوب آخر؟
انصحوني جزاكم الله ألف خير..