زوجي صامت و على جواله

السلام عليكم و رحمة الله






الله يسعد اوقاتكم بكل خير
انا راح ابداً بالمشكله ع طول
فترة ملكتي كانت 4 شهور
و خلالها زوجي قال لي انو اسعد رجل بالدنيا اني قبلت اكون زوجته
قال لي انا مو مصدق انك وافقتي علي
وكل ما شافني طار من الفرحه قال انتي زوجتي انا
يقولها بفررررح مو طبيعي
يقول خواتي قالو لي اذا ما تزوجت هالبنت اعرف ان مالك حظ ابد
يعني حسسني اني شي كثير عليه و اني راح اكون معاه باحسن الاحوال و بنعيش اجمل عيشه لكن اللي حصل
انني متزوجه 42 يوم و طول هالفتره لاحظة ع زوجي عدة شغلات منها انووووه متعلق بالجوال لدرجه فضيعه بشهر العسل طول الوقت ع جواله ( التويتر)
يجلس عليه بالساعات
يطول لدرجه اكره نفسي
صمت فضيع فضيع فضيع لدرجة قلت ابي ارجع مليت
و فعلاً طفش مو طبيعي ،،
البس و اكشخ و اتعطر و اجلس جنبه يطالعني و يبتسم و يرجع على جواله
مره كشخت و جلست جنبه ع السرير و نفس الوضع ابتسم لي و كمل ع الجوال
و سويت نفسي نايمه جلست ساعتين و نص و هو ع هالحال و بعدها سكر الجوال و جاني بس اني كملت مسويه نفسي نايمه
كان اول اسبوع بعد العلاقه يخليني بحضنه بس بعد هالاسبوع صار بعد العلاقه يقعد ع جواله ع طوووول
واللي يرفع ضغطي اكثر انه يمسح محادثاته اول باول بالواتس اب مع الكل حتى معاي 💔
في السوق يخليني ادخل و يطلع برى ع جواله
في المطاعم يخلص اكله بلحظه و يقعد ع جواله
في المطارات يخليني مع العفش و يروح يجلس ع جواله
في السياره يقعد ع جواله لدرجة قبل يومين كان بيصير لنا حادث
الف مره كلمته و بكيت عنده اني محتاجه اتكلم معاه محتاجه نسولف مع بعض يسكر جواله ساعتين و بعدها ما كان شي صار
وحده من خواتي قالت لي شاركيه الاشياء اللي يحبها ادخلي التويتر و شوفي الهاشتاقات الجديده و سوافي معاه فيها
و فعلاً هذا اللي سويته
بديت اقرا و اشوف اكثر الهاشتاقات اللي متواجد فيها و اجي اسولف معاه فيها
يقوم يعطيني ملامح انو موضوع مو مهم و ما يحتاج نتكلم فيه
كل ما رحنا مكان اطالع باللي حولي كل اثنين ماسكين يد بعض جالسين يتساسرون يسولفون بحب
وانا زوجي جالس بابعد نقطه عني
يعني اللي يشوفنا يقول لنا 20 سنه متزوجين مو 42 يوم
اقوله ليش ما تسولف معاي !
يقول يله سولفي ..... وهو ماسك جواله ابداً ما فيه اهتمام
اذا تكلمت عن شي مثلاً الاثاث و الالوان اللي احبها يقول ييسرها الله و يرجع ع الجوال
احاول اجيب سوالف من تحت الارض بس يسكر الموضوع بكلمه و يرجع ع جواله
كل رحلتنا صورها و ارسلها لاصدقائه و قال لازم نجي هنا مع بعض !!
فيه عريس بشهر عسله يقول هالكلام !!
دليل انوه مو مستانس معاي
وانا يشهد الله اني حتى وانا مقهوره منه ابتسم و اسولف و ادري انه ما يسمعني بس اسولف عشان ما اطققق
احياناً احس انه ناسي انوه متزوج
ينزل من السياره و يمشي و لا يلتفت لي ابداً
يمشي مسافات طويييييله و انا اكون بعيده مره ما يفقدني
ارجع اوقف بمكاني الى ان يحس ع دمه و يدورني
و يجيني مبتسم ما كانوه لطعني نص ساعه وانا اكون واصله حدي بس امشي و اقعد ساااكته
من عاشر المستحيلات انه يمسك يدي !!
نمشي كل واحد باتجاه مستحيل يمسك يدي امسك يده عطول يفكها
كلمته بهالموضوع قال انا امسكك وانتي تفكين يدك !!
مستحيل قد ايش ما يبي يمسك يدي و خاااصه لو كان بالمكان شخص عربي
يجلس معاي مكشر و متضايق
لدرجة كذا مره اللي يشتغلون بالمطاعم يقولون له ابتسم الحياة جميله
مستحيل ناكل شي غير رز و دجاج
الا اذا كان فيه كذا خيار بالمطعم
حتى بشهر العسل يدور ع المطاعم العربيه
امشي من جنب الاكل اللي احبه و نفسي فيه بحسرتي
و اذا قلت له خلينا نغير اليوم ناكل ايطالي او هندي او صيني
يقول كل ما يعجبك و البس ما يعجب الناس !!
طيب انا ما قاعده اكل اللي يعجبني 💔😭
وبالنسبه لالبس ما يعجب الناس
كل ما قلت له البس هالشي احبه عليك
قال ما عجبني او يضايقني او اي عذر
يعني اللبس و الاكل ع ذوووقه و انا بالطقاق 😓
وفيه نقطه كمان
ما يهتم بنظافته الشخصيه
قلت له وين فرشتك و معجونك قال نسيتها
قلت عطرك مزيل العرق !! قال ما جبتها
قلت ليش هذي اشياء مهمهه
قال ليش ريحتي مي حلوه
قلت احتاج اشم فيك ريحه تشدني لك 💔
هو نظامه يتسبح بالمويه بس
واذا شاف شكل الشامبو مغري استخدمه
ياكل بصل قبل النوم ويجيني و كذا مره قلت له لا تاكل بصل ريحته مقززه
او كله وقت الغداء في العشاء لا تاكله
هالاشياء اخاف اذا استمرة فتره اطول تفقدني الثقه بنفسي 💔
و تكرهني فيه 💔
تعبت و مليت 😓😢