زوجي صاير عصبي وانا مو مستحمله اسلوبه الجديد !!

بنات اختي ماعندها معرف بالمنتدى وقالت لي اكتب لكم مشكلتها وهي معي الحين وبتشوفها ..بكتب لكم مشكلتها ع لسانها <انا زوجي صاير متغير علي مدري ليش ! صاير عصبي ويغلط علي بالكلام ، ولأسباب تافهه قبل كم يوم كنا راجعين البيت بالسيارة وزوجي ماشي ويطالع بالأوراق وينفخ علي وكانت في سيارة قدامنا شويه الا ونصدم فيها انا من الخوف لساني انعقد وماقدرت انبهه وهو بعدها انتبه ولف بقوه وبعد عنها وقعد يصرخ فيني ليش ماتنبهيني وقال والله وجودك زي عدمك من جد !! حسيت الكلمة جرحتني كثيير وحسيتها طالعه من قلبه ولأنها طالعه من قلبه وصلت لأعماق اعماق قلبي =( طبعا زاعلته ورحت نمت بغرفة ثانيه ولي 3 ايام وانا مزاعلته المهم اليوم قال لي روحي جيبي جوالي بسرعه ورحت اجيبه له ولما اعطيته ضربني ع يدي بقوه وراح وقال تعطيني بيدها اليسار كم مرا انبهك ماتعطيني بيدك اليسار وراح ، واليوم مالي نفسي اكلمه وجاء عندي اقوله بعد عني مابغى اشوفك وماسكين بقوه الا قمت ادفع عني بقوه وبنتي ورانا قال انتبهي البنت ورايا وانا ماعلي قمت دفيته وطاح فوقها قام قال بلا في شكلك شوف مااقولك البنت ورا ها ؟؟ قمت رحت غرفتي وجاني ينفخ قومي اكلي البنت وقمت ورحت جبت صحن صغير وحطيت فيه رز وملعقة وجيت ب اكل البنت قام جاني ينفخ وين السفره ها كم اقولك انا ما احب العشوائية هذي والدنافه الف مرا اكلمك بس انتي ماتفهمين تصيرين بعمر امك وماتفهمين وبعد 10 دقايق تقريبا جاء ضمني وكأن شيء ماحصل يابنات مدري احس نفسي مو مستحملته ومابغى انام معه بغرفة وحده وصح بعد كل ذا قام يقولي كلي وانا مالي نفس اكل بسببه قام جاب لي الأكل وجاب لي العصير وسوى لي سلطه المهم مدري وش رأيكم اسامحه وكأن شيء لما يكن ولا ازعل وما اكلمه ابد ؟ علما بأنه اول ماكان كذا ابد الحين صاير عصبي ومن ادنى اسلوب يزعل وينفخ !!! ردوا علي واعطوني الحلول قبل مايرجع من برا الله يسعدكم