زوجي صدمني

السلام عليكم ورحمة الله وبركاته
بنات الحقو علي احس أني مخنوقه شعور بشع احس قلبي ينعصر . السالفه ان زوجي قبل كم اسبوع قالي نفسي يكون عندي حرييييم قلت له ان شاء الله ربي يرزقك الحور العين بالجنه وانا معاهم وش تبي بحريم الدنيا ترى كثرتهم تغث قلبت الموضوع مزح وسكرنا السالفه وانا مقهورة من داخل المهم ان السالفه ما خلصت على كذا رجع بعدها بكم يوم وقال لي انا نفسي أتزوج قلت له ليه ناقصك شي انا مقصره بشي قال لا والله انتي ما فيه مثلك ومنتي مقصره بشي بس العيب فيني انا، انا ابي الزواج وبس انا هنا انفجرت بالبكى ليته قالي انتي ناقصك كذا ولا فيك عيب كان أهون علي انه يقول لي ما فيه مثلك وانا محظوظ فيك بس بتزوج والله يا بنات صرت اوسوس ليل نهار .
على فكره انا متزوجه لي 8 سنوات تقريبا واحب زوجي وهو كمان يحبني وانا وزوجي ما استقرينا ابد بحكم عملو المتنقل وانا طول هالفتره بين الشقق المفروشه وبين بيت اهلي ومتحمله وصابره بس من شهر الحمد لله جاه عرض وظيفي اللي يبغاه وخلاص راح نستقر ونفتح بيت وقال لي اليوم انا بسوي لك البيت اللي تحلمين فيه واثثيه على مزاجك ولا تخافين الزوجه الثانيه ما راح اسكنها معاك يعني لا تتضايقين :44
بنات بهذي اللحظه حسيت بغصه شعور ما يوصف بشع ما ادري ايش اسوي