زوجي صريح وصراحته فرقتني عنه

السلام عليكم حبيباتي و خواتي ..
جيتكم وانا مالي الا انتم اخذ بنصايحكم وربي ماعندي لا خوات ولا احد اكلمه
سبق قبل شهرين تقريبا كتبت لكم سالفتي مع زوجي لما اكتشفت انه يكلم وحده كان يحبها قبل 13 سنه
وبعد المشكله اتفاهمنا وتصالحنا ووعدني ان بيقفل عليها ولا عاد يكلمها بالاميل لان ذا طريقة التواصل الي كان يكلمها وحلف لي مارد على اخر ايميل ارسلته لها.
وبعدها انا سافرت عند اهلي شهر عشان اشوفهم لاني مغتربه.. وكان كل يوم يكلمني فيديو وواتس اب. ولما رجعت من اهلي كانت الامور كلها حلوه الحمد الله لين بعد شهر من رجعتي
حسيته كل سرحان ورجع مثل اول وانا حسيت ان اكيد حبيبته السابقه لها دخل بالموضوع. بس هالمره ابد ماتكلمت ولا جبت خبر او بينت على الرغم من اني ميته قهر من داخلي ..
لين مره كنا راجعين من برى ولما وصلنا البيت قالي ي فلانه تحسين اني احبك ؟ قلت له تبي الصراحه لا , ماحس مشاعرك اتجاهيي مثل اول احسك غير قالي كيف متغير قلت مدري بس يبين وحتى لو تحبني احس ان الحب نقص مو مثل قبل.. بعدها قال و احس فيك شي ومتغيره طيب ليش انا قمت اضحك وقلت ابد مافي شي وش بيكون يعني قال الا يبين عليك واحس عارف ليش انتي كذا من ذاك الموضوع صح ؟ ضحكت وقلت مدري عنك لان مثل ماقلت لك مافيني شي بس دام جبت الطاري شكله صاير تطور جديد. قام دار وجهه ونزل راسه قال مدري والله وش اقولك احس ودي اصارحك.. طبعا بهالحظه انا ماحس بنفسي ولا احس بدمي كاني ميته لان طلع احساسي صح ان حبيبته السابقه لها دخل بالموضوع.
قلت طيب دام فيه شي تكلم خلنا نتكلم ونتناقش افضل من ان نخبي.. قالي انا ماخبي عليك ي فلانه بس صراحه انا مشاعري مختلطه( بينك وبينها ). واحس اني عايش فوق بالاحلام و ايوه افكر فيها وتجي ع بالي علاقتنا كانت 13 سنه تتوقعين بنساها؟؟ انا لما كنت ابيك وكنت اكلمك واخطبك وترفضيني اكثر من مره هي تطلع بطريقي وتدخل بحياتي ولما هي تختفي وتنشغل فتره بحياتها انتي تطلع لي فجاءة وتكلميني و انا كنت مو عارف مشاعري.
عشان كذا انا الحين حسيت مشاعري مختلطه بينكم.. قلت له على كذا معناه انك رجعت كلمتها لما سافرت انا ؟ قال لا والله ماكلمتها من اخر الي صار وانتي دريتي وتوقعتك انك راح تفكري كذا باني رجعت كلمتها ..
قلت له كيف لكن مشاعرك مختلطه بيني وبينها ماايصير عمرك شفت احد يحب شخصين ماعمرها صارت انت تلعب على نفسك , قال مدري شسوي ابي ارجع للواقع احس اني منشغل ب احلامي الدراسيه و الوظيفه الي ابيها و اطمح لها و من ضمنها ذي البنت .. قلت خليك عايش ب احلامك لين ماتصحى على نفسك يوم ومابتلاقي احد جنبك قال عارف والله وادري بس ساعديني كيف . قلت له هالشي بيدك وانت ادرى فيه انا كيف بغير مشاعرك اتجاهه وحده ع قولتك انا وهي واحد .؟
قالي طيب تشوفيني معاك بالمستقبل ؟ قلت قبل اي بكل احلامي و خيالي للمستقبل انت موجود .. الحين وماخبي عليك ماحسك راح تكون موجود مدري ليه مو قادره اشوفك معانا احسك راح تروح مني يوم وراح تصدمني اكثر بصراحتك وبتجي تقولي انك رايح لطريق ثاني .. صورتك موشوشه بخيالي للمستقبل ماعدت احسك شخص اساسي بكون معاي بحياتي لقدام.. قام يضحك على خفيف وهز راسه ان كان مايدري ايش يسوي
وقالي انا قلت لك من قبل ان احلامي الدراسيه اعلى شي بطموحاتي وسبق وصارحتك ان راح امر اكيد بمصاعب يمكن مو اي احد يتحملها وانتي اكيد عارفه كل شي قلت له اكيد عارفه لو اني ماني عارفه ماشفتني متقبله وضعنا الحالي و على رغم كل الي يصير الا اني متمسكه فيك وصابره.. قال ي فلانه انا قلت لك انا بمشي بطريقي عشان احقق هالاحلام الي بتبني مستقبلي ومستقبل عيالي و اي احد يبيني وبيمسك بيدي مع كالصعوبات انا بعد راح ابيه وامسك بيده ( وكان يقصد ي انا او هي )
طبعا طول الوقت انا ماسكه نفسي و متظاهره اني قويه ولا ان الصراحه كلامه يموووت كان ودي ابكييي على الرغم من ان الصراحه افضل بس تمووت وتصدم
وبعد يوم جاني وقالي يابنت الحلال احلف لك لو اني ماحبك ومثل ماتقولي اني مو مثل قبل كان ماشفتيني نايم معاك و عايش معاك قلت له بس انت مرتاح معاي عشاني مخلتك ع راحتك و لو احد غير بس هالصدمات الي تصدمني و الي تسويه ماسكتت لك قالي و من قال عشاني مرتاح بس عايش معاك ترى اقدر اعيش لوحدي و اكون مرتاح اكثر بس لاني ابيكم معاي و بحياتي
احس اني بموت من القهر وربي مانزلت دمعه مني ماسكه نفسي للحين بس والله طول الوقت تفكيري فيه وكيف ان يقولي يحبها احس بقهرر كيف ممكن يصير كذا ليه يفكر فيها للحين ابيه ينساها .. صرت احس فيه حاجز بيني وبينه و ماصدقه ولا اعرفه كذبه بنفس الوقت .. مدري كيف ماقدر اوصل لكم مشاعري ربييي مايحط احد فيكم بهالموقف وربي شعور يتعب ويوجعع قلبببك يتكسر قطعه قططعه وانتي تمثلي القوه
( للتوضيح هو كان يبيني من اول واحنا صغار بس لما رفضته كذا مره قالي ان طلعت له بطريقه ذي وعوضته)
تكفوون شسووي كيف اتعامل مع الموضوع احس مو قادره اتعامل معاه احس كارهته ولا كأنه زوجي والي متعوده عليه اغلب الوقت احسه غريب و اغلب الوقت ماقدر اخذ راحتي احس احاسب على كل تصرفاتي وكلامي احس كاني مع ضيف وابيه يشوفني بالشكل الاحسن والافضل لا يقارني ب احد غير
تعبببانه وربي يبنات مو قادره اركز ب اشغالي قلبي متقطع وموفاهمه له ابيي ابكييي و اطلع الي فقلبي لاحد يواسيني
اسمحوا لي لو طولت عليكم واخذت من وقتكم بس ربي يفرررج ويحقق كل امال من بترد علي وتهدي قلبي لو بدعاء