زوجي ضربني!!!!!!!!

خواتي شو قصة الضرب الزوجي هاليومين؟؟

هاي 3 مواضيع نزلت الزوج ضرب الزوجة ومو اي ضرب لا تكسير وكدمات

شو القصة؟؟

ليكون عشان الرواتب والزيادات ما بدهم يدفعوا او بدهم يتحاربوا مع نسوانهم عشان ما حد يطلب منهم اشي؟؟

خليكم قويات يا نساء حواء لا تسمحوا ابدا لحد يهين كرامتكم ويمد ايدو عليكم ...هاي الايام ما بروح فيها غير ضعيف الشخصية والمسالم......الي بتجرا وبمد ايدو مرة راح يتجرا ويمد ايدو كمان مرة بس بتكون بداية الطريق

ولا تيجي وحدة وتتفلسف وتحكي اصبري واصبري والله ما بضيع نساء حواء وبخلي الرجال يتمادوا غير هاي النوعية من المنكسرات الي بس بدهم بيت واكل ومي وغير هيك مش مشكلة انا مستعدة اتنازل

لا تيجي وحدة تحكي اصبري بس يهدا واحكي معاه ..يا سلام فوق ما ضربني كمان استنى نفسيتو للسي سيد تهدا عشان افتح تمي واتكلم وبكل براءة اجي احكيلو ((اخس عليك زعلتني هيك تضربني وتعلم على جسمي انا زعلت منك))

لا تيجي وحدة تحكي قومي بكل واجباتو اطبخي وكنسي واعملي ونظفي ...هدا الي ناقص قومي بحالك باولادك والي ما بحترمك ومعتبرك خدامة بالغنا عنو ..خليه يعرف شو قيمتك بالبيت خليه يروح يغسل اواعيه ويطلب اكل من بره بالناقص من هيك اشكال

لا تيجي وحدة تحكي اولادي والله الاولاد الي بتربوا بهيك اوضاع هم اكتر ناس راح يكبروا وهم معقدين نفسيا وانطوائيين وممكن حتى مجرمين ...بناتها بكره راح يرجع ينضربوا من ازواجهم ويحكوا معلش امنا انضربت وسكتت ..واولادهم كمان راح يضربوا بنات الناس ....تاريخ راح يضل يعيد نفسه

في ميت حل وحل:
1- اذا انتي قوية خدي حقك منو ولا تسكتي ابدا الكف بكف او حتى على الاقل قاومي
2- اذا كنتي اضعف وممكن يكون في خطر عليكي عطول روحي لسندك ابوكي واخوانك خليهم يدخلوا ويوقفوه لحدو
3- ما الك سند عندك اكتر من خيار:
- اذا كنتي خايفة على حياتك وما الك حد روحي للشرطة وارفعي فيه بلاغ خليهم يسجنوا والله ليحرم يمد ايدو عليكي غير فضيحتو ادام العالم كلها
- اذا حابة تربيه طنشيه ولا تعتبريه موجود بحياتك خليه بس زي الصرافة يصرف عليكي وعلى اولادك وهو زي الصفر على الشمال
- مو حابة تكبر القصة ولا الك سند اطلبي الطلاق وارفعي بالمحكمة طلب نفقة الك ولاولادك وروحي ((الاخصائيين الاسريين ))يساعدوكي بس لا اضلي ابدا مع هيك واحد والله اذا صارت فيكي عاهه مع الضرب ليرميكي بالشارع وما حد راح يطلع فيكي وقتها


عيشي بكرامة وحافظي على كرامتك لان الكرامة وعزة النفس اذا راحت خلاص مافي داعي لهاي الحياة