زوجي ضربني 💔

السلام عليكم ورحمة الله وبركاته
ابادخل بالموضوع اشكر صاحبة المعرف على المساعدة
بيوم مثل كل الايام كان الوضع مستقر بيني وبين ابو العيال
جهزت له كل اغراضه ولبيت كل طلباته واتجهت لاطفالي
هو يتابع التلفزيون والصوت عالي جدا
وانا في الغرفة الثانية أطفالي يبكون اللي يبي ينام واللي يبي يتكلم مع امي وووالخ
علما بأن التوقيت كان ااعصر وانا راجعة من شغلي و متعبه ومع ذلك الام تضحي من أجل أسرتها
أثناء انشغالي كان ابو العيال ينادي عليه وانا مشغولة وكنت ارد عليه من مكاني ابيه يقول وش يبي لاني واثقة اني ماتركته الا وكل شي موجود عنده
بعد وقت بسيط رحت لمه قلت له آمر يابوفلان
رمى علي لعبة وبعدها جاء لمي وشدني من شعري ومشى بي الغرف والصالة وهو يضرب فيني ويخنقني وانا الله وكيلكم متفاجأه وش فيك كاني جيت اقولك وش تبي ازداد صراخ اطفالي وهو شال يده عني رن جوالي كانت امي راح اخذ جوالي ورماه بالجدار يقولي يلعنك ويلعن اهلك بالعلم اهلي يقدروه كثير وماعمرهم تدخلوا في حياتي
لبست عباتي قلت له ودني لاهلي ماجلس في البيت بعد ضربك
تركني وطلع
اتصلت على ابوي و حكيت له الموقف وتعال خذني
ابوي راح لاهله قبل يجيني حكى لهم الموقف وليش ولدهم يمد يده علي والسبب اني تأخرت ماجيته يوم هو ينادي
وجاء اخذني
بعدها زوجي يحاول يتواصل معي ويعتذر ويقول باعطيك اللي يرضيك
وووالخ
لكن انا قلبي تقفل وتحجر معد ابيه ولا ابي اطل بوجهه واللي مجبرني عليه أطفالي لانه حنون جدا معاهم ومايناموا الا بحضنه وموفر لهم كل شي
الحمدلله انا من عائلة مستورة الحال وراقيه ومتعلمه ماشاء الله لاقوة الا بالله ابوي مو مقصر عن اطفال من مصارف الى رفاهية معطيني جناح انا واطفالي وخدامة اهلي تحت أمرنا يارب لك الحمد والشكر
لي شهرين بيت ابوي عايشين انا واطفالي بعز ودلال وزوجي يبي الصلح وموافق على كل شروطي
ولكن انا مابيه كرهته خلاص ضاع الأمان والاحترام كيف باواجهه اهله بعد ضربه لي متفشلة حدي
مو متقبله اعيش مع شخص مد يده علي لسبب تافه كيف انام معاه كيف اسولف واضحك معاه
واللي مجبرني اطفالي طول اليوم يبغوا ابوهم ويبكوا لدرجة مرضوا من شوقهم لابوهم
انا مازلت بيت اهلي
ارجوا الاخوات اللي عندها مجال لكلمة طيبة تتفضل وتكسب اجر واللي عندها جروح مافيني للمغثة
وشكرا لصاحبة المعرف