زوجي ضربني أمام أولادي

السلام عليكم
الموضوع باختصار زوجي عصبي معي انا بالذات ومع اكبر بناتي مايحسب لنا حساب مايتقبل اي راي منا ولا اي طلب لنا واي غلطة صغيرة يمسح بنا بلاط الارض غير عن الباقين لو عملوا نفس اللي احنا نتعاقب عليه يعديها ولايتنرفز منهم المهم زوجي له فترة مايمشينا الانادرا كل ثلاثة شهور تقريبا ولنا ع هذا الحال قرابة الثلاث سنوات او اكثر حتى لو مكة وان طلعنا ينكد علينا ام زوجي كانت تعبانة عندي لها اسبوعين وتجمعت اكثر العايلة في بيتي ويعلم الله اني عاملتهم معاملة كانهم اهلي وافضل وانا ضد فكرة اني انتقم من زوجي في اهله بينما هو ياويلي لو واحد من اولادي يخدم أهلي عدت الاسبوعين والله يعلم كم تعبت فيها وكانت خدمتي لهم لوجه الله تعالى قبل اسبوع وكانت اجازة الاسبوع كنت طفشانةقال اش فيك طفشانة قلت نبغى نطلع نغير جو بس انت ماتحب الطلعات قال ماهي غصب قلت انا خدمت اهلك اسبوعين وماتذمرت ابغى اطلع قال تمنين علي خدمة أهلي وقام يهدد بالزوجة الثانية وانا عصبت وتشادينا وحلف يمين بالطلاق مايطلعني لمدة شهر كامل وزعلت وكسرت نظارته وبعدها ضربني مرتين في غرفة النوم وخرجت برا وقفلت الشقة وقلت جرب حبسة البيت وقام سحبني بكل قوته من شعري قدام أولادي وانا اصيح وفتحت الباب وقلت له انا مطلعه لك قرض اربعين الف وما سألت وانت تمد يدك علي عشان نظارة ب٣٠٠ ريال زوجي هذي تقريبا رابع مرة يضربني واخر مرة اخذوا عليه اعمامي تعهد شفوي مايعيدها واذا فيه شي بلغنا قبل ماتمد يدك لان أبوي متوفي وأخوي صغير ولاهو مهتم في أمي المشكلة ان أعمامي واحد أصيب بجلطة والثاني تعبان مرة يمكن يروح فيها واهلي في منطقة ثانية هل ابلغ اعمامي وأهلي اخشي انه موقفهم من الضرب ماهو مره عشان ظروفهم ويعيدها مرة ثانية أو أسكت وبلا تماشي مع اني متفانية جدا في خدمته وخدمة أهله وضيوفه لدرجة ملفته والبعض يلومني ويرجع سبب تسلط زوجي علي هو تدليعه ويا اخوات اللي بترد وبتقول هوه عصبي ليش تنرفزينه ترا حتى احنا بشر نحزن ونتعب ونتألم إذا اعطينا بدون مقابل يعني يبغاني أكل واشرب واهتم بالاولاد وبضيوفه وأهله ولا مصروف شخصي ولا تماشي ولا احترام دعواتكم بتفريج كربتي