للامانه بعيدا عن بخله وحركاته اللي تقهر
انتي تستاهلي خلاص هزأتيه ع باب الغرفه انتهينا
تروحين تلاحقينه وتنافخين والمشكله شفتيه يصلي تكملين تهاوششين !
طبيعي بيجيك كف يسكتك
البخل هذا مرض مستحيل راح يتغير ياتتقبلي وضعك ياتطلقي وتاخذي ضمان وحساب مواطن اصرف
ياتتوظفي يعني شوفيلك انتي حل مو تستني يتغير لانه ماراح يتغيير 
وكثرة المشاكل هذي بتأثر على عيالكم  اذا تبغيه يتغير طنشيه طنششيه خلاص 

اطفال انتو ؟
كل واحد فيكم وش كبره وعندكم عيال وهذي تصرفاتكم ؟
كل واحد فيكم مستقعد للثاني ويتصيد للثاني على الكلمه والحرف عشان يهاجمه كأنه عدو ليش ؟
وخير يا طير يخبي التمر والاغراض طالما انتي تعرفين مكانها وتشيلينها وترجعينها مره ثانيه وعادي مايقول شي ؟
ووش فيها اذا طق الباب ونبهك تركزين مع عيالكم لا سمح الله يصير لهم شي وانتي مقفله الباب ترى هذول عيالك مو بس عياله بعد يعني قولي لنفسك قبل تقولين لزوجك ان هذول عيالكم
احس مابينكم مشاكل تستاهل بس انتو مثل الاطفال تتصرفون محد فيكم يحط براسه عقل رزين ويتصرف بنضج واحترام مع الثاني ماخذين الحياه بزرنه وطولة لسان تحسبون انكم كذا اقوياء وان الحق معكم لدرجة ان رجال طول وعرض اسهل شي عنده يصفقك كف من كثر ماعقولكم صغيره ومثل الاطفال
اركدووو خلاص وانضجووو عيالكم يشوفون بلاويكم ويتأثرون خافو الله فيهم
تعرفون شي اسمه موده ورحمه ؟
تعرفون شي اسمه احترام واخلاق ؟
مو عشانكم بس عشان هالاطفال المساكين اللي عايشين معاكم
الله يهديكم ويصلح احوالكم

وش ذي العيشه اللي كلها مضاربات قدام عيالكم

صاحيه انتي تزنين على خراب بيت عيالك 

انتي مقفله على نفسك

وهو مقفل على نفسه

خليه يتزوج اهون على عيالك من اللي يصير والله حرام اللي تسونه 

بشرط انه يوفر لك طلبات المطبخ ولا يحرك ولا يخبي شيء ويصرف على عياله

ويسمح لك بالوظيفه

وانك تكملي دراسه

وتستقلي بنفسك 

يجي عندك كضيف  

بكذا بتخف المشاكل بينكم والنقاشات العقيمه 

بدل كلمتك طلقني وطلقني تفجعين العيال بتخريب بيتهم 

خليه يتزوج حتى يرتاحون نفسيا من كثرة المشاكل وانتي ترتاحين منه 

لان الرجال ما راح يخضع لك اذا انتي مفكره انه بطريقتك هذي راح يخضع لك ويغير من اسلوبه

احلمي يخضع لك ويمشي على مزاجك

دامه مقفل على نفسه ومضايقك في البيت اقترحي عليه يتزوج ماهو كذا ولا كذا ماتوقع يعني لك وجوده ولا هو يعني اه وجودك الافضل يخرج من البيت على الاقل العيال ياحرام ماينشاون وسط الخصام والمضاربات

استغرب من البنات اللي يقولون خليه يتزوج يعني اذا تزوج بتنتهي كل المشاكل بينهم زوجها بخيل اذا حتى الجزم المقطعه يخبيها عنها اذا تزوج بتنحل عقدة البخل عنده

هذا مرض ماله حل

صاحبة الموضوع
اللي تسوينه مو حل بالعكس يزيد المشاكل بينكم اجلسي مع نفسك وفكري بحلول عقلانيه مو مناقر انت سويت وانتي سويتي طريقتكم هذي تلعب بنفسية عيالكم