زوجي ضربني بسبب رساله عالايميل

بنات بدخل بالموضوع بسرعه
زوجي الله يهديه دايم يتصرف معاي بجفاف واحس انه يتعمد يهيني ويدور المشاكل معي على اتفه الامور والله العظيم تحملت كثير بس بعد مو عاجبه
المهم انا بالايام اللي طافت كانت معي الدوره(الله يكرمكم) وخلصت امس الفجر واغتسلت وصليت طبعا زوجي متعود يسهر الى ان يطلع النور لان دوامه العصر المهم
من بعد ماطلعت من الحمام شفته وشافني ولا كلمني بس صلى وعلى طول راح غرفته اللي يجلس فيها طول اليوم لوحده طبعا عشان يشيش براحته ولانه مايحب صوت العيال وسكر الباب بقوه
قلت بسم الله هذا شفيه اكيد مبوز لانه صار شي عادي عندي اني اشوفه مبوز بدون سبب تعودت ماكلمه اخليه لمن يرجع لوحده
فقلت دام هذا وضعه خلني البس واتجهز واروح السرير جاني ولا بنام والله مادقيت عليه المفروض هو يدورني مو انا اللي اترجاه خاصه انه عارف اني توني مغتسله المفروض انه يكون مشتاق مع اني حتى لو بموت من المرض والله ماعمري قلت له لا في هالامور
انتظرته ولاجى ونمت وبعدها فتره العصر لما جلس سئلني انتي خلصتي قلت له اي
يقولي وليه ماقلتي قلت له انت شايفني سبحت ورحت اصلي ليه ماجيت انت رحت غرفتك وسكرت الباب

قال ايه صدق من رسل الرساله قلت اي رساله قال اللي رسلتها لك اللي عن الزوجه السعوديه ولا ماقريتيها
قلت له قريتها واذا انا موعاجبتك رح تزوج سوريه ولا مغربيه ليش عايش معي>>>كلامه كالعاده بطريقه تنفرز
وبالذات اني كنت وقتها اتغدى وانقهرت وانا اكل حسبي الله عليه

والرساله اللي رسلها لي عالايميل وهي منتشره بالمنتديات اكتبوا في قوقل

رد زوجه سعوديه على الرسالاله التى تناقلتها زوجات سعوديات عن الزوج السعودي

وبعدها قال وهو يصارخ ليش ماتجين انتي (مع اني ابادر احيانا بس هو يبي يسوي مشكله) قلت له انا تو مغتسله يعني انت حسسني انك مشتاق لي مو انت الرجال قال اي انا عايش مع واحد من الربع موب مع زوجه
هالكلمه جرحتني مره مره ماتوقعتها يقولها مع انه دايم يقولي قبل اني اريحه بالفراش وعاجبته ودايم انتي ...بس من جد صدمني
عصبت بعدها كثييير قلت له اي انا رجال زين يكفي صور البنات اللي تشوفهم في ايملك والفيديو هذولا البنات اما انا زوجتك اكيد بصير رجال مايملي عينك الا الحرام(طبعا هو عنده صاحب وصخ يرسل له عالايميل صور وفيديو مقاطع لبنات عاريات وكذا مره اصيده يقولي انه قال له لاترسل بس هو يرسل بس انا ماصدقته وقلت ربه يحاسبه مابيدي شي) المهم
لما قلت له حقيقته عصب مره وقرب مني ومد يده علي ورفسني برجله قلت له كسر بيدك ورجلك رح لهم خل ينفعونك قال اي خلاص انتي ماتنفعين واذا تبين انزلك لاهلك من الحين واخذ عيالي (لاني بعيده عن اهلي)
انفجعت من كلامه
انا شسويت عشان هذا كله
بدل مايجيني بكلام حلو ويتودد لي يقولي بطلقك ويضربني عشاني مابادرته بالجماع
ادري انه عذر بس وان زوجي من اول ماخذته وانا حاسه ان عقله صغير واوقات احسه مريض نفسيا
بالذات يابنات بشهر شعبان ورمضان والله يابنات هالشهرين كل سسسسسسسسسسسنه يسوي لي مشكله ويهددني بالطلاق عاد انا من كثر مااعيش هالفتره صار عندي تبلد اقول يمكن اتطلق وارتاح من هالهم
اقسم بالله ان قبل كل من شافني يقول ياحض زوجك وياليتك لولدنا ومن هالكلام اما الحين احس وجهي كله شاحب وضعفت من الهم حسبي الله ونعم الوكيل

والحين هو مايكلمني ولا معترف بغلطته عادي عنده كله حابس روحه بالغرفه كالعاده ورامي مسؤليه العيال علي طبعا مايطلع نص الليل لانه ساكنين بمدينه مانعرف فيها احد

مادري يابنات شسوي الحين يقول بينزلني عند اهلي هالاسبوع ولايفكر يطيب خاطري حتى :(
مع اني مو مقصره معاه وكل اللي مكتوب بالايميل كلام عن مزح وهو ماصدق من الله
ويكفي اني اتحمل عيالي لوحدي ويكفي متحمله الغربه وبطلب مني ولا هو كان تاركني بيت اهلي مع عيالي
ويكفي اني متحمله طبعه العصبي واخلاقه اللي كل بين يومين مبوز مادري على ايش


الله يعافيكم مابقى تجريح ولا يمكن انتي مقصره ومن هالكلام لان مافي احد كامل
وحتى لو في شي مايجيني بهذا الاسلوب في اسلوب ارقى من الضرب والاهانه
شسوي يابنات دبروني وادعوا لي الله يهديه عشان هالعيال ولا انا الله يعظم اجري ويعوضني بالاخره