زوجي ضربني بقوة احتاج شورتكم حبيباتي

السلام عليكم عزيزاتي وحبيباتي أعضاء عالم حواء،
من تقريبا شهرين كانت أول مرة يضربني فيها زوجي بعد زوج طويل وعشان موضوع تافه جدا وهو بنتي الصغيرة،. كانت بنتي مو نايمة الظهر وقال لي ليش ما نيمتها، قلتله ما في داعي لأنها نامت مطول الصبح،. قال لي لا لازم تنام، قلتله انا امها وانا ادرى، وصار يعاند وبعدين دفعني وضربني على وجهي بقوة وأكثر من ١٠ مرات وأولادي يشوفون ويطلبون من ابوهم يتركني وهو ما يهمه شي سوى عناده... وراها اعتذر وصار يتاسف، المهم وراها تقريبا شهر، رد عملها وعشان موضوع أيضا تافه وهو ليش فتحتي الستارة وانا قلت ما ابي احد يفتحها، قلتله عشان ما في حد يطالع عشان اسكرها وصرنا نتجادل وقلتله انا ابي اصلي اتاخرت ومشيت، فسحبني للغرفة وسكر الباب وضربني كف بأقوى ما عنده، مو مرة وحده، عدة مرات، وعيني صارت دم وخشمي صار ينزل دم ووجهي ورم من شدة الضرب. وايضا وراها صار يعتذر وانا اسف وعد ما أكرره ثاني انا غلطت سامحيني. الآن أنا عند بيت اهلي وهو يبيني ارجع معاه للبيت في مدينة ثانية بعيده عن اهلي عشان يبي يسوي عملية لورم صاير في معدته، الموضوع خطر حسب وصف الطبيب ولازم بأسرع وقت وهو يضغط علي عشان اجي معاه لأن ما عنده احد ، وانا في حيرة بين مرضه وبين الضرب، هل ارجع رغم المشاكل اللي بيناتنا والضرب اللي تعرضت له؟ ام ابقى عند أهله واتركه يدبر حاله وربما تكبر الفجوة بيناتنا؟
انا في قرارة نفسي ما ابي اروح لكن طيبة قلبي وشفقتي على وضعه الصحي المزري مخليني احتار لأنه يمر بأزمة قوية والآلام شديدة في بطنه. الإسلام أمر بالشورى ولذلك ابي مشورتكم كلكم، كل وحده تكتبلي شو رأيها لوضعي وشو هو الأفضل لو كنتو بمكاني فرضا، شو تسوون؟؟؟ فكرو معاي وساعدوني باتخاذ القرار الأحسن لاني في حيرة ما يعلمها إلا رب العالمين