زوجي ضربني بقوه وطلبت الطلاق بس بداخلي غصه. تكفون دبروني>>استوفي الردود

يمكن اغلبكم شاف مواضيعي
وكيف زوجي تغير علي بعد ماولدت
اللي صار انه كل يوم يسهر للفجر
ومابيني وبينه علاقه زوجيه الا مره كل شهر
قسما بالله ما ابالغ
هالكلام من تزوجت للحين
بس بعد الزواج زاد الجفا وزاد السهر
وصار يسكتني بالذهب والمشاوير
بس باقيه الغصه بحلقي


اللي صار انه امس مشاني ودلعني
بعدها طالع وقال بجي 2 قلت اوكي حبيبي
وانتظرته الا 3 ولا وصل.. كان سهران عند اخوياه كالعاده
ولما صارت 3 ونص شرف
وانا نمت مقهوووره كالعاده
ولماقمت الظهر صحيته وانا معصبه
وقلت اسوي فطور والا ماتبي احسن واوفر
قام هو نط من السرير والشرر بيطلع من عيونه
وسحبني من شعري عالارض
وضرب راسي بالجدار ولكمني مع ذرعاني
وضربني مع فخذي
وشد الزمام بخشمي لحد ماطلع الدم
وقطع شعري بايده
وهو يصرخ: كذا تقوميني يا الكلبه!!
وطق وسب وشتم
انا انهبلللللللللت وجلست اصارخ واركض
وهو يلاحقني ويضرب
وانا جلست اصرخ طلقني ما ابيك
وعدتها الف مره لاني حسيت بكره له
هالكلام للساعه وحده..


واستمر التوتر وانا جلست اصيح بالصاله
وجا هو عالعصر ماسك الولد لانه يصيح
ويقول رضعيه وانا حتى ولدي مالي خلقه
اخذت الولد ارضعه وابدل له
وانا وزرجي نتلاسن
وقلت له ما ابيك ودني بيت اهلي
وهو يحلف ما اطلع شبر من البيت
بعدين قال قومي اسبحي عشان نتفاهم
رفضت وهاوشني فقمت سبحت وبدلت
وكنت متوقعه يراضيني ويعتذر
لقيته يحاسيني عالتقويمه الخايسه ويتشره
ويهدد انه بكل مره ارفع صوتي بيمد يده
وقال لي انتي ماتجين الا بالضرب!!!
وحلف انه بيغير اسلوبه معي لحد ما اتعدل
انا كلامه جنني اكثر
خصوصا واني كنت اعاني من اثار الضرب وقتها
فقلت له طلقني اكررررهك وعدتها الف مره
قام فتح اللاب توب وحجز موعد بالمحكمه
وراح الغرفه ووجهه منصفق بقوووووه

لحقته انا وكسرت صورة زواجنا
وفسخت الدبله وحطيتها عالتسريحة ومعها شبكتي وكل الذهب اللي جاني منه
قلت ما ابيهم ما ابي شي منك
قام هو سبني وطردني من الغرفه
هذا الساعه 12 بالليل.. تخيلوا السالفه استمرت كل هالوقت..
رحت انا دقيت على ابوي وعلمته ان فلان ضربني وكفخني
قال لي نايمي هالليله ببيتك وبكرا بجيك نتصرف..
وقلت لزوجي اني علمت ابوي فانقهر زياده..
وقال الحين بس اقتنعت ان الانفصال احسن شي
وبكرا بتعرفين قدري وانا بوريك وابربيك الخ

نزلت بعدها سويت عشا لان لا انا ولا هو اكلنا شي
حطيته بالصاله ورماه على وجهي
وقال انتي ماينفع معك الا هالتعامل لانك وحده زباله!!
وتزل بعدها يجيب سكينه ويهدد انه بيذبح نفسه
وولدي يصيح انهبل اليوم من الروعات!!
وجلس زوجي يصرخ فضحتينا عند ابوك
الله لايوفقك.. كررها ميه مره

وراح رمى كل الذهب.. وتكسر كلللله
قسما بالله الوووووف ضاعت بالارض



الحين دخل ينام واتفقنا عالطلاق
ارجوكم ادعوا لي حالتي صعببببببه
مو هاين علي ينهد بيتي ويتشتت ولدي
بنفس الوقت مو قادره اصبر على الطق والاهانه
خصوصا انه جلس يجرح فيني اليوم مررره
يقول ريحتك كانها بالوعه ودمك ثقيل
xxxxxxxx xx
xxxxxxxxxx
xxxxxxxxxx
وعلى طوله لسانه وعلى سهراته اليوميه
واليوم مكملها وماد يده ومكفخني
اااااه بس