زوجي ضربني تكفون كلكم ادعوا عليه

السلام عليكم
صلوا على النبي


ااااه ياقلبي تعبت وربي من كثر المشاكل اللي مريت فيها وانا مالي كم سنه متزوجه حسبي الله ونعم الوكيل الله ينتقم من كل ظالم


زوجي فيه ايجابيات وفيه سلبيات ، بس السلبيات اللي فيه ماتتحملها ولا انثى في هالكون
دايم يمد يده ، وبعدها يعتذر ، وانا قلبي طيب اسامح على طول ، وغير كذا اهلي الله يحفظهم في منطقه ثانيه بعيده لذلك اضطر اني اسامح لأنه ما اقدر اروح لأهلي


مرت السنين وهو على هالحال والشرهه مو عليه ، الشرهه علي انا لأني اسكت له ، صار يضرب ولا يعتذر وازعل واشبع زعل وارجع وتمشي الايام


كنت احبه ، الحين صرت اكرهه من قلبي ، حتى لو كنا في ساعة صفا احس اني مو قادره اتقبله جوا قلبي


والطلاق مستبعده موضوعه لأن عيالي نقطة ضعفي اخاف عليهم لا تكسرهم الدنيا


اللي حصل اليوم انه كانت فيني الدوره وتعرفون النفسيه مايحتاج وكنت مشتغله في البيت واحس بإجهاد وتناقشنا في موضوع وزعلت انا بس مابينت له ، هو خرج من البيت وانا طفيت انوار الشقه واخذت عيالي ودخلت غرفتي ، بكيت شوي وقعدت مع نفسي ، بعدين جاء هو و دق الباب قال جبت اغراض البيت قلت طيب قال اشفيك قاعده هنا قلت مافي شي ، قال نفسيتك شينه عشان الدوره ! قلت لا مافيني شي


سكت وخرج من عندي وراح يسهر الى قبل الفجر ، جاء وانا كنت حاطه مفتاحي في الباب ، وهو مايحب ذي الحركه يبغى يفتح بمفتاحه ويدخل على طول ، وانا حطيت مفتاحي لأني ما ابغاه يدخل علي فجأه وانا منسدحه والا بأي حال كنت ، المهم ف لما جاء قمت فتحت له الباب ومشيت ماوقفت له ، قال لي ليه حاطه المفتاح بالباب ! قلت مافي شي ومشيت قال لا تعطيني ظهرك قلت طيب انا رديت عليك ومشيت بدخل جوا ليه اوقف ! وهو ساكت قمت انا مشيت قام شال عروسه لعبه حقت بنتي ورماها بكل قوته على ظهري ، التفتت عليه قلت ليه قال مافي الا كذا من اليوم ورايح ، قلت طيب يافلان طيب ومشيت رايحه غرفتي شوي الا هو جاي وراي يركض وشال السيكل حق بنتي حديد مع بلاستيك ويبغى يضربني فيه ، رفعت يدي انا عشان ادافع عن نفسي ، وعيالي ياعمري جو يركضون ورانا خايفين ، وقام زوجي النذل الخسيس الله يجعل يده بالشلل ويدفني بالسيكل بقوه وانا ارجع ورا وهو يصيح يقول اشفيك فهميني اشفيك قلت مافي شي وش سويت لك انا ،، قال جبت لك الاغراض اول وكنتي مطفيه انوار البيت ، وجيت الحين لقيتك حاطه المفتاح بالباب ليه حاطته ليييه ويصيح بقوه والشرر يطلع من عيونه عساها بالعمى يارب ، قمت انا اصيح عليه عشان لا يستقوي قلت كيفي اجلس في المكان اللي ابغى والمفتاح بكيفي بعد حطيته ما ابغاك تدخل علي فجأه وعلى طول فتحت لك اول ماجيت قام يدفني بالسيكل بقوه وانا احاول ابعد السيكل عني لين وصلت الى الجدار وقام يدفني فيه بقوه على يدي لين صكت الحديده في يدي وحاجه ثانيه مدري ايش هي خدشت لي يدي خدشه طوويله قمت صيحت ومسكت يدي قام النذل قال ااايه بكسرك تكسير ومشى من عندي


انا على طول رحت قفلت غرفتي بالمفتاح علي وعلى عيالي قبل لا يأذينا ورحت توضيت مع انه فيني الدوره واستقبلت القبله وقعدت ابكي ابكي ابكي وادعي عليه من قلبي الله ينتقم منه وبنتي ياعمري قاعده جنبي تقول بابا كان يلعب معاك تبغى تهون علي الموقف


كل اللي ابغاه الحين انكم تدعون لي في ظهر الغيب ان الله ياخذ حقي منه عاجل غير اجل
كم وحده ممكن تدخل موضوعي ، ادعوا على زوجي تكفون ان ربي يشل يده ، بظهر الغيب مو لازم تردون ، اليوم يوم فضيل والدعاء فيه مستجاب ، شبعت اهانات وضرب وخوف وقلق وربي شبعت كرهت حياتي معاه كرهت الزواج كرهت الصوت العالي الله لا يسامحه


وعلى فكره زوجي سيء من الاساس تربيته كانت في الشارع يتضارب مع الاولاد ويضرب العمال والحيوانات زوجي معقد من صغره بسبب اهله كانوا يضربونه ، للأسف كل هالأشياء ماعرفتها الا بعد الزواج ،، عشان ممكن البعض يقول لي لا توقفين بوجه زوجك او لا تراددينه ، حابه اقولك انه هو سيء حتى لو مارديت عليه هو شراني يحب يفرد عضلاته علي عسى عضلاته بالجلطه