مناير و الكل حاير :

تعرفين وش مشكلتك مع زوجك ؟ انك ماخذه دوره بحياتكم في اسرتك انتي الام و انتي الاب ماتركتي له شي يثبت به وجوده لا صرف و لا مشاوير و لا سكن و لا وجود كانك تقولين له ماني متعطله عليك و اموري تمشي فيك و بلياك حبيبتي الرجال يحب يحس باهميته باسرته يحب يحس بدوره و يقوم فيه يحب يحس انك من دونه تتعطل امور كثير عندك عشان كذا هو ترك لك كل شي الحل الافضل تبلغينة انك بتاجرين البيت و قولي له يسكنك في بيت له هو اجار ملك المهم مو بيتك بيت زوجك حتى لو تبقين في بيتك و يدفع لك اجاره شيلي ايدك شوي شوي عن المصاريف اطلبي منه و حتى لو رفض اطلبي كل شي ملابسك ملابس عيالك اكلكم مشاوريكم لا تقولين له بروح مع فلان او باخذ خاص و اروح المسؤلية اللي مو لك قطيها عليه هو شايف انك ماكله الجو عليه في معيشتكم و كملتيها بالمنه عليه بعد وظيفتك و راتبك خليها للكماليات و الخرابيط او اجمعيها لمشروع مستقبلي

تعرفين وش مشكلتك مع زوجك ؟ انك ماخذه دوره بحياتكم في اسرتك انتي الام و انتي الاب ماتركتي له شي...

الحساويه :

شوفي عزيزتي طالما انك حطيتيني بجو مفاضلة فشاركيني الراي لأني ماعدت اقدر انصفه او اعذره سمعيني وشوفي مواصفات زواجي هل فاشل او يستحق التضحيات . *زوجي يسهر بالاستراحات من الساعة العاشرة الى الواحدة والنصف وبشكل يومي ولا يمكن ان يتخلف يوم . *زوجي على طول الخط مشغول بمواعيد امه الضرورية والغير ضرورية وبشكل يومي . *زوجي مايعطيني فرصة ابد ا اتمشى معه او اسولف وحتى اذا اتصلت بالجوال علشان اذكره بشيئ ولا اطلب شيئ قال باعلى صوتي ايييييييييييش تبين . *زوجي من اركب معه السيارة وهو يحن يرن لدرجة اصبحت اعتمد على المشاوير الخاصة اصحاب الحافلات . * زوجي شايل يده شيل من مقاضي العيال ونواقص البيت ماعدا بعض التموينات الغذائية . *زوجي والحق ينقال يقول اني احبش لكن بالمشمش . *زوجي غامض جدا جدا لدرجة انه تغير فجاءة وبدون ماعرف السبب . *للاسف حاولت اشوف له ميزة واكتبها لكن مالقيت . * زوجي يفرق عني كثير انا احب الشياكه وهو لا احب الشيئ الزين من جيع الجوانب لبس سيارة تاثيث وهو العكس تماما واكبردليل شريت سيارة لنكن علشان ارتاح فيها تخليتوا خلاها عشرة سنين بالقراش ويركبني سيارة مدردعة لحد ماعافت نفسي الركوب معه . * زوجي مانعرف طريق الدمام الا بالسنة مرة ومن نروح وهو يحن يحن يحن انا ماقصر انا ماحد مثلي حمدي ربك . * زوجي لا يمكن يعتذر والادهى والأمر دائما" يرى نفسه ماله مثيل . *زوجي الله يخليه بس لعمره لاني مابيه بالنسبة لي مات رحمة الله عليه .

شوفي عزيزتي طالما انك حطيتيني بجو مفاضلة فشاركيني الراي لأني ماعدت اقدر انصفه او اعذره سمعيني...