بحكي لكم القصة من البداية
زوجي قاعد يسوي اعادت تصليح لكل الشقه بدايه من الديكور الى الاثاث وهذي الايام دايم عصبي بشكل غير طبيعي وانا اللي اهديه وتعرفون ايام الحمل الاولى نوم في نوم في نوم والله انه يجي من عند العمال وانا نايمه ولما اصحى اسوي الغدا على الساعه 8 او 7 المغرب واكون جهزت له بعض الخفايف وكل ما اصحى القاه معصب واقعد اليوم كله اراضي فيه الين امس رحت ملكة بنت عمتي وانا قلت له عليها من اول ما وزعو الكروت واخذت بنتي ووديتها عند ام زوجي ورحت مع اهلي الملكة و انا عند الكوفير قال حبيبتي انا بروح البيت تبغي شي قبل لا اروح مره فرحت انه مبسوط وفرحان اخيرا زوجي بعد شهر ضحك واول ما ركبت السياره ورايحه القاعه عند القاعه دق اعطاني موشح طويل عريض ليش تروحي الملكة مين سمحلك تروحين وكلام كبير قاله استغربت والسياره كانت مره زحمه وانا اقول ايوه ايوه عشان ما ابين بس باين على صوته مرره كان عالي حتى اخويه اللي يسوق يسال ايش فيه ايش صار سكت ورحت الملكة وارسل لي رساله لما ترجع روحي عند اهلك ما ابغاك تدخلي بيتي سلفتي كانت معايه في الملكة وزوجها دق عليها يقول انه عمتي ام زوجي دقت عليه تقول تعالو خذو البنت طفشتها ورحنا ناخذها بعد الزواج مع حمايه وربي يا بنات انه انحرجت ما قدرت اقوله وديني بيت اهلي وهوه ما يعرفه سكت ووصلني بيتي وشوفو لما رجعت البيت لقيته نايم ولما صحي الصبح ما بقي كلمه ما قالها على اني ما احترم كلمته واني واني واني كلام كثييييييييييييييييييييييير طفشت وانا اسمع واطنش قعدت مواصله من الفرح الين الساعه وحده الظهر عشان اسوي الغدا سويته واحنا نتغدى قلت له ابغلى اروح بيت اختي الله يسعدك عندها عزومه كبيره ومن يوم ما تزوجت سوت 3 عزايم وكل ما اقولك ما ترضى قوم الدنيا ولا قعدها ليش تروحين وليه وليه خلاص دقيت على اختي واعتذرت وعصبت مررررررره منه وجلست مبوزه ورحت نمت ساعتين وصحيت عشان بنتي صحيت وجلست معاها طلع واعتذرت له اني قعدت ارادد عليه وسكت شفت فيلم وفي نص الفيلم دقت سلفتي >>انا وهيه الباب في الباب وزي الاخوات قالت ابغاكي تسو لي عجينه قلت لها طيب وسالته ممكن اروح قال طيب بس لا تطولي رحت وخلصت العجينهدق قال تعالي قلت طيب ولما جيت اخرج بنتي كبت القهوه نظفتها وطولت شوي لانه كبتها على الكنب والسجاد وقهوه سوادا يعني ام القرف وارسلي رساله خلاص خليها تنفعك وانتي اصلا ما تفكري في كلامي وانتي ما تحترميني وربي خلاص مره تنكدت رجعت البيت قلت له انت ليه تنكد عليا دايم قال اخرجي وقفلي النور ابغى انام قلت قوم تكلم معايهقال اخرجي وقفلي النور ولا خرجت قام ضربني كف لدرجه وربي الكعبه من قوته ضربت في الدولاب وقام عطفلي يدي لدرجه الى الان تعورني ومزرقه وضرب راسي في الجدار انا خفت على اللي في بطني ورحت عند سلفتي وانا ابكي بكى مو طبيعي كنت متفقه مع اهلي يجون يمرون عليا ودقو وانا عند سلفتي وجوالي في البيت وكانو تحت بعدين راحو وانا خلاص بس ابكي رجعت اخذ العبايه وملابس لبنتي وملابس ليا عشان اروح بيت اهلي وهذي اول مره في حياتي انا اللي اروح العاده هوه يقول انقلعي بيت اهلك وانا عشان بنتي اقعد ولا اروح وهذي المره ضربني بالقوه ولما رجعت اخذ العبايه قال انتي مره تغيرتي وترا لو رحتي بيت اهلك ورقتك بتوصلك انتي وصلتيها معايه (بنات انا كنت مطلقه وهذا زواجي الثاني ) وربي حسيت الدنيا سودت في عيني قلت عليا من كل الجهات انا احس قاعده انهان زوجي يضربني وما اقدر اتكلم عشان بنتي وعشان لو تطلقت بيكون مطلقه مرتين وربي تعبت ما اعرف ايش اسوي لو قلت لاهلي بيسوون مشكله والله ما ابغى اتبهذل ترا لو ما سويت مشكله كبيره ما راح يمد يده عليا مره تانيه بنات ابغى حل وربي خلاص تعبت من البكى وربي ما اعرف ايش اسوي اقول لاهلي ولا اسكت وانكتم
