زوجي ضربني وضربته وطلعت من البيت//اكتفى من الردود

لاتعليق

طيب معليش وش السبب قلتي تافه يمكن استفزيتيه بس حلو انك ماسكتي عن حقك ولازم ياخذ تعهد مايظلمسك ثانيه

مايلمسك

شاطره
بس لازم حدمنكم يتنازل ويبدأ بالصلح وتهدأت الاوضاع
مادام السبب تافه

السبب التاافه هو انه نحن محتاجين من زمان لمكنسه للبيت وانا قلت له انه لما تروح تشتريها اروح معك، ومن اكثر من شهر وانا أحن عليه نبي المكنسه، واني بروح معه لما يشتريها قال لي طبب، وأمس زوجة أبوه طلبت منه غساله وثلاجه لبيتها لانه خربانه فهو اليوم على طول راح يشتري لها اللي طلبت ، وخرج من البيت ع أساس رايح يصلي العشا وما قال انه رايح يشتري الادوات الكهربائيه او حتى بلغني اذا محتاجين شي ، ولما شفته تأخر في رجعته من المسجد اتصلت فيه علشان يتعشى قال انا في المول اشتري اغراض كهربائيه والمكنسه ، انا هنا عاتبته وقلت له يا فلان انت واعدني تاخذني معك والحين حتى ما خبرتني انك رايح!! طبعا كل من يعرفني وقرأ مشاكلي مع زوجي يعرف انه زوجي زعووول ولما انا ازعل يقلب المشكله علي انا بدلما يراضيني ويطيب خاطري
ولما رجع طبعا هو اللي ماد البوز وزعلان ( بصراحه قهرررني) لاني اصلا مقهوره من طبعه هذا وقلت له ليه ما قلت ع الاقل انك بتروح المول وهو يناظرني بإحتقار وسافهني تماما ولا كأني اتكلم معه وكلمه مني ع كلمه منه كبرت المشكله لاني مخنوقه اصلا من طبعه اللي ما يطاق قام ومد يده علي وضربني وقمت انا وحذفته بأقرب شي ل يدي قام عصب زياده وضربني ضرب مبرح ما خلا فيني مكان صاحي ووجهي تورم وكلي كدمات وانا من قهري احذفه بأي شي يطيح في يدي واحيانا اشياء ثقيله لاني اريد آلمه مثلما آلمني
وعلشان يعرف كيف الضرب يعور، فكيف ضرب الرجل للمرأه؟!! رفسني وشد شعري وضربني
واتصلت بأختي وانصدمت لما شافتني وهو يراويها المكان ويقول لها شوفي هالأغراض أختك كلها حذفتها علي وأختي ساااكته ولا ترد عليه ولا بكلمه وأخذت جوالي وطلعت معها لبيتها وانا معها الحين