ولانكم مو قد الضرب نقولكم مليووون الف مره
ايديك لاترفعيها ع زوجك الا اذا كنتي بايعته ولاعندك مشكلة
مستعده تروحي مستشفى تاخذي تقرير تشتكي بالشرطه تجرجروا بعض بالمحاكم ولاعليك من اي شيء ..!
اما تخبطيه خبطه بسيطه يقوم هو يخلي وجهك خريطه وتشوهات تبقى علامه فارقه ماتنسيها طول العمر..!
وتجي الوحده بعدها تقول انا ضربت زوجي والاعضاء يقولو لها ايوه شاطره برافوا عليك !
على ايه شاااطره ، على ايه برافو ؟؟
ع الضرب اللي اكلتيه ،، ؟؟
مسسسكينة اللي تحسب ان ضرب الزوجه لزوجها بيادبه !
الا والله بيأدبها هي ، بيعرفها معنى الاهانه الحقيقه ، والذل بيخليها تفكر مليووون مره قبل ترفع صوتها عليه المره الجاية او تستفزه ..
بيخليها تعيش برعب لايعصب باي يوم ويضربها ،
غير انها بتعوده ع مدة اليد وكل ماعصب جرجرها بشعرها !

طيب هذا انتي بهدلتي نفسك وشتتي عيالك وقلبك معاهم ومنكسره عاللي صار لك ولاقادرة تقولي لاهلك ولاشيء ..
وهو ولاع باله قاعد بيته وسط عياله مبسسسوط ومطمئن ياكل ويشرب ويضحك بملأ فمه ..وحرمه راحت بدالها اربع ولاقامت ولاقعدت عنده ..!
وعلى ايش ضربتيه ؟! ..علشان اختار مكنسة ؟!
كان فيك تحرقيها ، تخربيها ...،
تقولي والله لانها من نوعيه موش كويسه خربت..
لو اخذتني معاك او قلتي لك انك رايح
كان اعطيك اسم شركة كويسه تجيب لنا منها مكنسه وانتهينا!
بعدين ماعليش حتى انتي فيك اسلوب غلط خلاص راح الرجال للمحل ايش لزمة الهواش واللقلق !
اتصلتي عرفتي انو رايح للمحل جات الروحه كذا بباله بالصدفه
مو وقته تتهاوشون قولي حبيبي جيب لي مكنسة من الشركة الفلانيه وبس ..!
بجد حسيت انو براسك مشاكل وهواش لو ع اتفه شيء ..
هي موكنسسسه مو شيء حق ديكور او كشخه او لبس او حق ضيوف علشان تهتمي يكون بذوقك !

الان متاكده مليون بالمئة ماراح تطولي عند اختك يومين بالكثير وترجعي لبيتك وتاخذيه بالحضن ولاكأنه سوى شيء ..!
ضرب الحرمة لزوجها مو شطااره والله مو شطاااره
الا الي ماتبغااااااااااااه خلاص تبغى تقفلها معاه ..
لكن تستفزيه لحد مايضربك ثم تضربيه ع شيء تافه مايسوى تاكدي ان ماعندك خيار الا ترجعي له
وانتي حاسة بالذل والاهانه والانكسار !
انتي عارفه ظروفك اكثر منا ..
اهلك ماتبغي تدخليهم.. ،
لانك عارفه انك غلطانه ومتاكده من ذا الشيء،
صعدتي الموضوع حتى ضربك الرجال فبتلاقين منهم ملامه وتانيب اكثر من كونهم ح يعززون لك ويسندوك ..!
ثانيا صحة الوالده ماتتحمل ، ثالثا لانك ماتبغى الطلاق ..!
شرطه وشكاوي ماتبغي لان اهله طيبين معاي وماابغى اخسرهم !
اذن كيف راح تنحل ؟؟؟
حطيتي نفسك بموقف جدا سيء مافيه خيارات قدامك ..
حترجعي ع السكيتي بدون رضاوة او رجال او تعهد بعدم الضرب ..!!
وزي ماخرجتي من بيتك بالاهانه بترجعي بنفس الاهانه
مسكورة ،حزينه ، مضروبه !

الحل الاخير اللي ممكن ينفع لو تدخلي زوج اختك بالموضوع بما انه عارف بالمشكلة كونك ببيته
وتقولي له كل اللي صار ويكلمه انو انتي ندمتي ع تصرفك وتبغي ترجعي للبيت بس كمان هو لازم مايمد يده ويصير رجال بحق وحقيقي ويطول باله عليك شوي وان الحرمه مهما كان ضعيفه وماتقصد وكذا..يمكن ذا التصرف يرد لك اعتبارك ...

ولاتزعلي مني ياحبيبتي والله انا مقهوره منك ومقهوره ع حالك
الحق لك وصار عليك ، الواحده لما تبغى تاخذ ردة فعل تجاه زوجها لازم تكون عارفه ابعاد تصرفها مو تستفز زوجها لحد مايضربها وتهين نفسها وكرامتها ثم تجي تشتكي بعدها ايش اسوي ..!
دااائما نقولها احترمي نفسك يحترمك زوجك ..
احترمي خلافاتكم لاترفعوا صوتكم ع بعض ، لاتتمادوا بالنقاش
كثرة اللقلق والكلام تخلي اللي قدامك يتمادى بقلة الذوق معاك
استعملي اسلوب اكثر احترام ، كلمتين بالصميم تكككفيك عن عشر الاف كلمة تنزل من مستوى الاحترام بينكم !
شووف فين وصلت مشاكلك كنتي زمان بالزعل ومدة البووز الان صرتي بالضرب !
خلاص زوجك سوى تصرف مايعجبك عاقبيه باسلوب محترم
اما تقعد الواحده تتلاسن ع زوجها وتقل ادبها معاه ثم اذا ضربها رجعت سوت نفسها قوية وضربته يامامتي انتي الخسسسرانه
بيخليك شوووربة وربي ولاهزيتي من شعر راسه شيء ..
ضربك ماياثر فيه شيء ..لو جمعتي قوتك كلها برضه بتكون ولاشيء بالنسبة له ..صدقيني هو ماجاب قوته كلها فيك
والا يطحنك طحن ..بس سوى كذا علشان المره الثانيه ماتفكري تستفزيه
والله اعرف رجال كباريت من شدة العصبيه ،براكين ساعة يعصب لكن زوجته تعرف تتعامل معاه لهم مع بعض ٢٠ سنة ..
في حياته مارفع يده عليها رغم شدة غضبه ،، لانها بالعربي تعرف كيف تتفاهم معاه ومتى ، كيف تطلبه ، كيف تتجنب المشاكل والمصادمات معاه ..
والله يصلح حالك ويالف مابينك وبين زوجك

لاتدخلين احد بحياتك نصيييييييحه ابدا ولاتفكرين '!!!!! لانج راح تندمين .. اسمحيلي انتي غلطانه هو راح وجابها خلاص طولي بالج مو لازم تسوين سالفه !! الحين الحل ترجعين بيتج واقعدي بغرفتج وطنشيه بس لاتنامين عند اختج عشان ماتكبر السالفه .. طنشيه لين يجي يعتذر لانه اتوقع اذا نمتي يومين ورجعتي راح تكونين حطيتي نفسج بموقف بايخ.. ارجعي وعيشي حياتج بس اقرصيه يعني لاتكلمينه ..

اللي جذب انباهي تقولين هو طبعه زعول !!
طيب دام انتي عارفه طبعه و دام ان اللي تبية جاك وهو المكسنة وش لك بوجع الراس ؟؟
 الحياة الزوجية تطنيييييش و تسليك اذا كل وحدة بتمسك  ع زوجها التكة و الله محد عايش  مرتاح ! 
الله يهديكم و يسخركم لبعض 
رايي انك ماتخبرين اهلك لان كلمة منك او منة راح تعدل كل شي و ترجع 
المياه لمجاريها و اهلك بيشلون هم لو دروا و يحسبون الموضوع اكبر من ماهو عليه ..

حره على كف صقار ، والله كلامك صحيح ١٠٠٪ بس هذا اللي صار ، والله ان زوجي مستفز بشكل موه طبيعي أبدددااا ، وانا اعترف اني عصبيه بس كثير حاولت أغير من طبعي واتعامل معه بهدوووءءء بس هو ابدا ما يعطيني مجال ويمد البوز على اتفه الأسباب، وانا خلاااااص من التراكمات ما قدرت استحمل وانفجرت من الضيق اللي فيني منه
اما أختي غرور أنثى فأنا أمس نمت عند أختي واليوم بعدني عندها ومحتااااااره ايش اسوي
والله اني ما افكر الا بعيالي اذا تطلقت وهم متعلقين بأبوهم
والله اني في هم ما يعلم فيه الا رب العالمين

ابدا لاتفكرين بالطلاق حرام العيال شذنهبم واالله واحلف لج بالله كل بيت فيه مششاكل وفيه طق ولو بسيط ماعليج من كلام بعض الحريم  وماعليج من اللي تقولج لا خل يولي وزين تسوين فيه هي تقول الكلام لكن ماجربت الوجع اللي انتي فيه نصيحه عشان عيالج وعشان نفسج ارجعي .. بعدين حسيت انه زوجج يحبج يوم قال لاختج هي حذفت علي بعد معناته متندم بس الشيطان دش بينكم ارجعي بيتج بس دقي ثقل وقولي عشان عيالي راجعه ولا انت سترت عليك مابي افضحك ..