بس ليدي :

السبب التاافه هو انه نحن محتاجين من زمان لمكنسه للبيت وانا قلت له انه لما تروح تشتريها اروح معك، ومن اكثر من شهر وانا أحن عليه نبي المكنسه، واني بروح معه لما يشتريها قال لي طبب، وأمس زوجة أبوه طلبت منه غساله وثلاجه لبيتها لانه خربانه فهو اليوم على طول راح يشتري لها اللي طلبت ، وخرج من البيت ع أساس رايح يصلي العشا وما قال انه رايح يشتري الادوات الكهربائيه او حتى بلغني اذا محتاجين شي ، ولما شفته تأخر في رجعته من المسجد اتصلت فيه علشان يتعشى قال انا في المول اشتري اغراض كهربائيه والمكنسه ، انا هنا عاتبته وقلت له يا فلان انت واعدني تاخذني معك والحين حتى ما خبرتني انك رايح!! طبعا كل من يعرفني وقرأ مشاكلي مع زوجي يعرف انه زوجي زعووول ولما انا ازعل يقلب المشكله علي انا بدلما يراضيني ويطيب خاطري ولما رجع طبعا هو اللي ماد البوز وزعلان ( بصراحه قهرررني) لاني اصلا مقهوره من طبعه هذا وقلت له ليه ما قلت ع الاقل انك بتروح المول وهو يناظرني بإحتقار وسافهني تماما ولا كأني اتكلم معه وكلمه مني ع كلمه منه كبرت المشكله لاني مخنوقه اصلا من طبعه اللي ما يطاق قام ومد يده علي وضربني وقمت انا وحذفته بأقرب شي ل يدي قام عصب زياده وضربني ضرب مبرح ما خلا فيني مكان صاحي ووجهي تورم وكلي كدمات وانا من قهري احذفه بأي شي يطيح في يدي واحيانا اشياء ثقيله لاني اريد آلمه مثلما آلمني وعلشان يعرف كيف الضرب يعور، فكيف ضرب الرجل للمرأه؟!! رفسني وشد شعري وضربني واتصلت بأختي وانصدمت لما شافتني وهو يراويها المكان ويقول لها شوفي هالأغراض أختك كلها حذفتها علي وأختي ساااكته ولا ترد عليه ولا بكلمه وأخذت جوالي وطلعت معها لبيتها وانا معها الحين

السبب التاافه هو انه نحن محتاجين من زمان لمكنسه للبيت وانا قلت له انه لما تروح تشتريها اروح معك،...

كلي وثوق :

استغرب من الردود شنو شاطره لا تظربينه مهما كان السبب وانا اشوف ان السبب مايستحق ان السالفه توصل للضرب بتقولين ليه مااضربه وادافع عن نفسي بقولك انتي انثى مو رجل ماتاخذين حقك بالضرب ولو بتقولين اضربه علشان مايعيدها مره ثانيه بقولك بالعكس كذا بيعيدها مرات تدرين ليه لانك لما يضربك وتبكين وتغيرين مكانك وتروحين غرفه ثانيه وانتي تبكين راح يحس بالندم لانه مد يده على انثى ناعمه وممكن هالصوره تضل في باله ومايعيدها مره ثانيه اما لما يضربك وتضربيه فهنا يحس نفسه انه مع واحد من ربعه ويحس انه مابك انوثه ابد ويتجرأ يعيدها لانه مع مايكل جاكسون مو مره هذا رأيي وانتي بكيفك .. خليك جمبه الانثى الناعمه حتى لو تزاعلتوا طنشيه بهدوووء وبيجيك بدون ضرب وبالنسبه لمشكلتكم الان خليك في بيت اختك كم يوم ولا تعلمين اهلك خليهم بعمرتهم لاتشغليهم ولاتكلمين زوجك او حتى تراسلين خليه يتندم ولا تقولين ما اقدر تحملي صبري وثقلي حتى لو دق عليك او راسلك لاتردين واذا كلش كلم اختك رسلي له ابي اختلي بنفسي كم يوم وارتاح .. هنا راح يحس بقيمتك طبقي كلامي وتشوووفين

استغرب من الردود شنو شاطره لا تظربينه مهما كان السبب وانا اشوف ان السبب مايستحق ان السالفه توصل...