زوجي ضربني و طلقني ابي افضفض

سلام بنات

قبل يومين صارت مشكله بيني و بين زوجي بسبب اني سالته متى راح ترجع امك لبيتها لانها كانت عندي بالبيت
بعدين عصب زوجي و ضربني و شتمني و انا شتمته و شتمت امه لانها تغار مني و تكرهني حييل و طلقني بنفس اللحظة الحين انا قاعده في بيت زوجي مع العلم انه هاجرني من 5 شهور و انا حالتي النفسية تعبانة و زوجي ما يكلمني ابد

كل هذا لاني تضايقت من قعدة امه عندي بالبيت لان لما تكون موجوده احس اني ما لي اي قيمة في البيت زوجي يعاملني زي الزفت كل وقته لامه و بس حتى خدامة امه يعاملها احسن مني و يسال عنها و عن احوالها اما انا معاملة سيئه جدا انا متزوجة صار لي سنة و 4 شهور و ما جامعني غير 3 او 4 مرات بس والله احس اني مالي قيمة عنده ابد و كل اسبوع تجي امه عندي تنام في بيتي انا بيتي صغير غرفتين ما احس بحريتي في البيت و لا اقدر اسوي شي والله العظيم طول الفترة اللي فاتت لما تجي امه تنام عندنا و الله ما اتكلم ولا اقول شي بس تكلمت اخر مرة ضربني مع العلم انه امه تخاف من زوجات اولادها الباقيين و لا تنام عندهم في بيوتهم ولا تنغص عليهم حياتهم

بنات انا طولت عليكم بس محتاجة رايكم في الموضوع انا الحين مطلقة طلقة اولى و قاعده في بيت زوجي والله مادري شسوي انا تحطمت انا مو صابرة على هالحياه الا علشان بنتي الصغيرة عمرها 6 شهور

اسفة على الاطاله