زوجي ضرب اخوي 😭

السلام عليكم كيفكم حبيباتي
مابطول عليكم السالفه انه جوني اخواني الصغار اليوم والصغير سنه رابع اعطيته عيالي يمسكهم عشان بذاكر لاخوي الثاني واخوي مرررررره يخب عيالي يعشقهم لدرجة حتى فلوسه وعيديته يعطيها لولدي عندي اثنين الكبير سنه ونص والصغير اربع شهور واتكل عليه مررره المسكين رضع ولدي ونومهم وقفل الباب عشان مايطلع ولدي ونام هو معاهم هدأ الجو والتهيت انا شوي الا النونو الصغير يبكي رحت اباخذه ادق الباب ادق ادق كسرت الباب مافتح اصيح عليه افتح مافتحلي نومه مرررره ثقيل مره نام وفتح الباب الدفاع المدني فبيت اهلي
انا ادري ان نومه ثقيل جداااااااا
صحي زوجي ع صوتي ودقي للباب اش فيك قلتله عيالي يصيحون جوا ومافتح الباب دقينا محد رد صرت ابكي اقوله مات ازهم الدفاع المدني قالي اسكتي وحاول يكسر الباب طبعا كسره الا شي بسيط ع قومة اخوي مفجوع ووجهه منفخ فتح الباب واول مافتحه قام زوجي وصكه كففففف طيره ع الكنبه وهو نحييييف وصغير مره قلبي تقطع عليه وعلى فجعته ونزل راسه وبكى قالي والله كنت نايم وما تكلم ع زوجي ابدا
انا انقهرت وبغيت اموت ع اخوي ورحت وراه قلتله ليش تضربه كف الله يكسر يدك وطردني قلي انقلعي لا اكمل عليك وكان مره معصب انا عاد اخذت اخواني وعيالي ورحت لأهلي ومو اول مره دايم يمد يده عليا وقد طرد اهلي من البيت واذا زعل وقققققح مره
شوروا علي كيف اتصرف معاه كل مااتذكر الموقف ابكي وانقهر 😭😭