زوجي ضرب سلفتي!!!!!!!!!!!!!!!!!!!!!!

السلام عليكم

ادري ان الموضوع من عنوانه جدا قوي
لكن انه ابيكم تحكمون
والموضوع والله يشهد لم يفتح بغرض السخريه او الغيبه ولكن ابي افهم وجهة نظركم وعشان جذي باكتب لكم بالتفصيل عشان تفهمون السالفه صح
بداية السالفه ان سلفتي كبس عليها زوجها وعرف انها تخونه وتكلم رجاجيل غيره وانها تطلع معاهم و.....................الخ ( الحمدلله الذي عافانا مما ابتلى به غيرنا)
والمهم اخو زوجي طردها وطقها وراحت بيت اهلها
ووالله يابنات الرجال صار مو طبيعي بعدها صار اهوه الي يروح يترجاها علشان ترجع له ووالله بدون ماابالغ جلس لمدة شهر متواصل ينام بالسياره عند باب بيت اهلها لين الصبح ويمشي في فريجهم ويطق البيبان على الجيران الفجر يصيح( احنا قلنا اكيد السالفه فيها عمل ) لان امها والعياذ بالله مشهوره بهالسوالف مادري شلي بلاه فيهم
المهم نجي للسالفه المهمه بعدها زوجي صار مايكلمها ابد ولا يسلم حتى عليها وكان وايد مقهور على اخوه ليش انه ماطلقها بعد الي سوته
وامس زوجها كان بالشغل وولدها كان تحت بالحوش يلعب مع بنت اخت زوجي وجلسو يفتحون الباب ويسكرونه بقوة وكذا مره زوجي كلهم لكنهم مايسمعون الكلام وراح لهم وطقهم
والمشكله ان مو اول مره احد يطقهم ( لان دايما الاطفال ساعات ينطقون للتأديب)
المهم ركب الولد فوق عند امه وجلس يصيح مع ان زوجي ماضربه بس ضرب بنت اخته والولد ركب فوق يصيح من الخوف وقال حق امه انه طقني( بصراحه ماكنت موجوده وماجفت جان طقه صج او لا بس زوجي حلف ومستحيل انه بيجذب على سبة طفل)
ونزلت امه تصرخ صراخ مو طبيعي وراحت لأم زوجي المطبخ تصارخ عليها وتقول لها ليش ضرب ولدي ومن هالكلام( للمعلوميه اهيا ماقالت هالكلام لانها خايفه على ولدها لان دايما سااعات يطقونه بس لان فيها حره على زوجي ليش مايكلمها)
ويوم زوجي سمعها تصرخ على امه راح لها يقول لها ليش تصرخين تقول له بصراخ انته طقيت ولدي وزوجي يقول لها عماطقيته وامه تقول له ماطقه إلا تقول لاولدي مايجذب( يعني جذبت ام زوجي) زوجي اهني مااستحمل وقال لها بس سكتي وسدي بوزك لاتصارخين قالت له سد بوزك انت وقام زوجي وضربها وتمت اهيا تاخذ الصحون تبي تضربه فيهم وضرب فيها ضرب لين مامسكوه ام زوجي واخته ودخلوه داخل الحجره ورجعت سلفتي مره ثانيه تبي تتهاوش معاه وقاعده تصارخ عليه عشان يطلع برع ويتهاوش معاها مره ثانيه لكن اخت زوجي خذت زوجي وتمت تترجاه وخرجته من الباب الخلفي
لاتسألوني انه ويني لاني كنت بالجامعه وبعدها رحت بيت امي لان عندي ثاني يوم امتحان ورجعت بعدها في الليل ودريت بالسالفه
انه بصراحه انصدمت وجلست على الارض حسيت رجولي موشايلتني وجلست اصيح ولمته قلت له مهما كان هاذي زوجة اخووك مالك حق تمد يدك عليها قال والله الي يتطاول على امي وعلي لاذبحه
المهم اهيا امس راحت قدمت بلاغ على زوجي في مركز الشرطة
والمركز استدعوه يوم الاحد عشان يروح لهم
اللحين باجر اخو زوجي بيطلع من الشغل وخايفه تصير مصيبه في البيت والله اكتب وانه ارتعد مادري شلون رحت اليوم الامتحان
اللحين ابي اعرف يابنات شنو وجهة نظركم بالي صار لاني اجوف زوجي غلطان وماله حق يمد يده عليها واهو يقول لا مادام تطاولت علينا لي حق ونص