زوجي ضعيف أمام أهله ..........ساعدوني ...&&

الأسرة والمجتمع

أحواتي مشرفات وعضوات منتدى حواء الر ائع ..............

السلام عليكم ورحمة الله وبركاته ..........

أريد منكن يا أخواتي أن تساعدوني في حل مشكلة أختي التي أتعبتني كثيرا

أختي فتاة متعلمه ومثقفه ومتديينه وعلى قدر كبير من الجمال ولم تتجاوز 22عام 0

تزوجت قبل سبعة اشهر ....مشكلتها تكمن في زوجها الذي منذ تزوجته ومن الشهر الثاني من الزواج

وهي تعاني منه ومن أهله ، حتى أن ذلك أثر على صحتها وعلى نفسيتها ولم تصبح تلك الفتاة المرحه التي

تعودنا عليه.........فزوجها عنيد جداوطلباته كثيرة ولا يعجبه العجب وكلما طلبت منه طلبا يعاندها كثيرا ويرفض وهي تترجاه حتى يوافق 0



مثل أن تطلب منه أن يحضرها لزيارتي أنا أحتها أوأختي الاخرى ، علما بأن أهلي يسكنون في مدينه أخرى

ولاتعرف أحدا هنا سوانا ..فانه يرفض ويعاند ويقول دعينا نذهب لزيارة أخي فلان أو اختي فلانه وهي قد زارتهم قبل يوم او يومين وكل أسبوع تقريبا

تذهب لزيارتهم ارضاء لزوجها ، مع أنها لا ترتاح عندهم كثيرا لأنهن نساء كبيرات في السن وغير متعلمات فتجد صعوبه في التعامل معهن ولكن هي تقول عنهم

أنهم أناس طيبين ولكن النفس وماترتاح أليه الشىء الثاني أنه ضعيف جدا أمام أمه فأمه تتدخل في حياتهم كثيرا ، وتفتعل المشاكل معها لأسباب تافه تتدخل

في كل شىء في ذهابها الى اهلها او زيارتها لأخواتها وحتى في طريقة طبخها وتمنع ولدها أن يحضر أكل من برا اذا كانت تعبانه وما تقدر تطبخ سامحها الله .

أما أحتي لا تردعليها احتراما لزوجها .ولكن زوجها لا يقدر ذلك بل يؤيد أمه على ماتقول ، وليست أمه فقط من يتدخل في حياتهم بل حتى اخوته وأخواته مسيطرين عليه

ويغيرون رأيه بسرعه في اي شىء مثل الشقه التي يود ايجارها بعد أن اتفق هو وزوجته عليها ودفع ايجارها جعلوه يتركها ويعطيها أحد أقاربه ،ولم يهتم لرأي زوجته

اشىء الثالث ، ان أهله دائما يزورونها في أوقات غير مناسبه مثلا كان عندها اختبار مادرت الا زوجها يتصل عليها ويقولها أنا جايك اخلصي بسرعه أمي أتصلت على أخوانى وعزمتهم على الغداء

هم وحريمهم ،مع العلم ان أمه ماتسكن معاهم في نفس االبيت ولكنها تأتي عندهم كثيراوتجلس عندهم بالأسبوعين والثلاثه ...............المهم ترجع أختي المسكينه من الكليه تعبانه ومرهقه وتطبخ الغداء

ويجلسون الى المغرب وبعدها يأتي أخو ثالث لهم مع زوجته ويتعشون عندهم وطبعا مافي نوم ولا راحه ولا مذاكرة .....تخيلوا وضعها كيف يكون ؟حالتها يرثى لها والله انها تبكي ليل نهار تندب حظها العاثر

وياليت زوجها يقدر هذا الشىء بل يرى ذلك من واجبها ....وغير ذلك أنه لا يهتم بها ولا بمشاعرها ولايعترف بخطأه....مع أنه ليس شرير بل أحيانا يكون طيب معاها ويقول أنه يحبها ولكن أفعاله تناقض أقواله غالبا


أرجوا اني ماأزعجتكم وأتمنى أنكم تساعدوني على حل مشكلة أختي .....................وجزاكم الله حيرا


أختكم بنت الضباب
12
8K

يلزم عليك تسجيل الدخول أولًا لكتابة تعليق.

تسجيل دخول

Am Rnodh
Am Rnodh
يا حبيبة قلبي ,,,, اختك ... والله اوجعني قلبي
بس اسمعي نصيحتي ... تحاول تقرب منه لا تعادنة ابدااااااا .... تحاول تبين له انها بالعكس مبسوطة وعادي عندها
والله انا عارفة وش شعورها بس تصبر
وتحاول تكسب زوجهاااااااااااااااااا باي طريقة .... علشان يحن عليها
وعلى حسب كلامك توها لها شهرين وغالبا ما تكون المشاكل في بداية الحياة الزوجية
لان اطباعها غير زوجها والبيئة مختلفى
ما عليها الا الصبر الصبر ,,,,, لان زوجها الظاهر شكلة يختبرها
وعادي لا تصر على زيارتكم خلي هو اللي يوديها
ولا انتوا تعالوا عندهااااااااا
والله يعينها :24:
بنت الضباب
بنت الضباب
جزاك الله خير ياأخت أم رنوده على الرد السريع وعلى مشاعرك الطيبه وعلى نصيحتك الغاليه

أنا دائما أ قولهاكذا وأ قولها تقربي منه وحاولي تفاهمين معاه بهدوء.......

لكنها تقول مافيه فايده....وأنا كرهته ولا عاد أطيقه ....وأنا محتارة معاها
الفيلسوفه
الفيلسوفه
اهلا اختي بنت الضباب
اسمك مره عاجبني :p
شوفي حبيبتي ما ادري انا عن وجهة نظر زوج اختك لأن فيه اشياء ما تقدرينتحكمين عليها وانتي بعيده عن الأحداث
بس انا اعتقد ان زوج اختك من نوع الرجال اللي يحب يسيطر على زوجته بشكل ممكن حتى لو سبب لها ضرر
وبما انها في بداية حياتها الزوجيه خليها تحاول معه بطريقتين
اولا : بالكلمه الحسنه وتستعمل اسلحة واساليب الحريم وتشوف اذا فاد ولا لا
ثانيا: اذا ما جابت الطريقه الأولى نتيجه لازم تستعمل اسلوب الشده لأن اعرف فعلا كثير ينفع معهم هالأسلوب يعني مو تعانده لا ممكن تسوي كل اللي يبغاه بس لازم تتناقش معاه وممكن تزعل لما يكون الموقف يستاهل وتقاطعه بالكلام ممكن يحس ممكن يخاف
بصراحه انا ما اشجع الزوجه على الاستسلام وتقبل الوضع وخصوصا اذا كانت مظلومه
ارجو منك ان تشرحي لها ان تتخذ موقفا شجاعا امام زوجها لان هذا الوضع فعلا لا يصبر عليه
والله يسعدها ويوفقها.
الدرة المصونه
هلا اختي بنت الضباب

صدقيني اذا عرفت اختك كيف تكسب زوجها اكيد بيراعيها

اهم شيء انها ماتظهر له انها متضايقه من اهله حتى لو مره واحده

بالعكس ترحب فيهم وتتصل تسال عنهم وهو جالس عشان يعرف انها مهتمه فيهم
وتحاول انها تفهمه بهدوء انه يختار الوقت المناسب لعزيمة اهله
واهم شيء ام زوجها لان رضاه من رضاها


دعواتي لها بحياه زوجيه سعيده
بنت الضباب
بنت الضباب
أختي الفيلسوفه مشكورةعلى اهتمامك وردك على الموضوع فعلا زوجها يبغى يسيطر عليهاولا يبغاها تعارضه في شىء يبغاها دائما تقول طيب وحاضر تسوى كل الي يبغاه حتى لوكان على حسابها.......

وهي الآن متزاعله معاه ولهم ثلاثة أيا م مايكلمون بعض ....والسبب أنه يوم الاربعاء أخذها منالكليه وكانت أمه معاه وقالها نبي نروح نتغدى عند أخوي فلان علشان أمه طلبت منه كذا ...وافقت أختي وهي طفشانه علشان بعد الغداء بيودي أمه لبيتها في القريه اللي تبعد عن المدينه اللي ساكنينها 200كيلو ......وتبيه يجيبها عندي لأنه يبي ينام ومايجي الا اليوم الثاني في الظهر...وهي ماتبي تقعد لحالها غير انها حامل في الشهور الأولى وتخاف يصيرشى لاسمح الله ........لكن اللي حصل انه رفض علشان أمه ماتزعل وقالهااجلسي في بيت اخوي ولأ أوديك بيتك
أختي زعلت وقالتله وديني بيتى ...وداها البيت وأمه تهاوش ليش ماقعدت عند بيت ولدها ....المهم انه راح وماجاء الا اليوم الثاني بعد ماتغدى عند أمه ......وتصدقون البيت مافي أكل ولافكر يقضيلها قبل لا يروح....وهاذي ماهي أول مرة يسويها .......وأنا وأ ختي الثانيه صارت عندنا ظروف وماقدرنا نروحلها وجلست لحالها وهالحين هي أخذه موقف منه ............
وأنا معاك في انها ماتستسلم وتستحدم أسلوب الشدة وياليت يجيب نتيجه .............

أختي الدرة المصونه شكرا على ردك .....اماكلامك بانها تحاول تكسبه فهي حاولت معاه كم مرة لكن مافيه فايده

وبالعكس اذاجوأهله ماتبين شي عندهم لكن ماندري وش الحل معاه ..........أرجوا أن باقي الأخوات يعطونا رأيهم يمكن نلاقي حل لي هل المشكله ......

وسامحوني مرة أكتب بالفصحى ومرة بالعامي ...............