زوجي طاح من عيني وعقبها هل ممكن تستمر الحياه !!؟؟

مرحبا بنات
بدخل فسالفه دوغري
زوجي يضيف بنات فسناب ويراسلهم ومره كشفته وصل به الحال الي ان يوصل لهم هدايا لباب البيت
ومن يومها وهو طايح من عيني
ومادري بعد لو صار بينا وبين احد هلبنات شي
المشكله ان مسوي نفسه من اشرف الناس وان المخلص والمحب لي
بعد ماكشفته صارت بينا مشاكل كبيره بس ماطلعت بره بيتنا
وحلف لي على القران ان ماعد يرجع لهدرب
والبارحه بصدفه فتشتت جواله وشفته ضايف بنت فسناب ومرسل لها هلاموجي 😘 وهي راده عليه بهلاموجي😊
من لحظتها وانا كنه احد كاب عليا ماي حار
وللاسف اني متعشمه فيه واعشقه وموحاطه احتمال ولا 1٪ ان ممكن تطلع من خيانه
خطبوني كثير قبله واخترته من بين الكل ووقفت وياه على المره قبل الحلوه وماقصرت معاه في شي
ليش يسوي كذا مادري
والناس تحسدنا يشبهونا بقيس وليلى
جد طعن قلبي وروحي وخذلني تصرفه
صرت ماتقبل من ولاكلمة حلوه داخلي شي يقول ذه كذاب وحقير
ابيكم تشورون عليا هل استمر معاه او اتطلق
هل فعلا فهزمن كل لرجال تظيف بنات معقول !!
موقادره استوعب
عندي 4 بنات
وحياتي معاه شبهه مستقره ومومقصر من الناحيه الماديه
لكن له عيوب كثيره ثانيه منها التسرع المزاجيه العصبيه
مادري يابنات متشتته
ابي احد يلم شتاتي
جد زوجي طاح من عيني🥺
الله يسعدها كل وحده بترد على موضوعي
🌷🌷