زوجي طباعه متناقضه

السلام عليكم ورحمة الله
بحكي لكم مشكلتي تزوجت من فتره وزوجي اسلوبه بالمعامله غريب يعني اوقات يتعمد يضايقني ويقول اي تعمدت اضايقك الصراحه فكرت كثير اتطلق لان مشاكلنا كثير وبدات من يوم العرس لما دخل اهله بيتي بدون مايقولي وقعدو يفتشو باغراضي حتى غرفه النوم والملابس والاشياء الخاصه وجلسو يقولو عندها ملابس كثير متى بتلبسهم عندها وعندها وهذا اثر علي بعدين حتى بالاعياد و المناسبات ما شرا لي مع العلم ان ملابسي ٧٠٪؜منهم كانت ملابس الجامعه لما كنت ببيت اهلي ماشريت جديد الا اشياء بسيطه ومع الحمل زاد وزني وماقدرت البس اي قطعه منهم
المهم دائما يوعدني ولا يوفي بوعده مثلا لما كنا بفتره الملكه قالي لا تختاري فستان غالي عشان الميزانيه واوعدك بنطلع شهر عسل نفس الى فبالك واخذت فستان رخيص قلت ماعليه الفستان بس كم ساعه وقعت اتنازل اتنازل وكان كل شي بسيط مرره ولا كلفته قلت مو لازم اضغطه وبعد كل التنازلات قالي الميزانيه خلصت عشان الضيافه وعشان وعشان وقتها انصدمت طلع اصلا مو ناوي نسافر كان بس كلام عشان اسمع له وياكثر وعوده الى ما نفذها بس هذا اكثر شي جرحني
يحب يسمع كلام امه واخواته بشكل مو طبيعي ويدخلهم بكل شي بحياتنا ورايهم يمشي ولا يسمع لي وحجته انهم متزوجين قبلنا ويعرفون وعندهم خبره ما ترك شي ما اخذ رايهم فيه في تصميم البيت ، عرسنا وكل تفاصيله ، حتى السفر شاورهم فيه واقنعوه انو مانسافر هههههه تعبت وانا اقنعه ان هذي حياتنا واحنا نقرر كيف بنعيش سواء كانت قرراتنا صح او خطا راح نتعلم مع بعض مو لازم احد يتدخل فيها
لما تزوجنا و اختلطت باهله من اول زياره امه قعدت تسممني بالكلام وكل طلعه خالته كانت تتقرب منه بطريقه مقرفه وتتحسس جسمه وتاكل بعده و تقعد جمبه وتبوس فيه بشكل مقزز بس طبعا ما اقدر اتكلم بطلع انا الغلطانه لانها خالته …….
لما نطلع مع اهله ياخذ اغراض البيت حتى الاطباق و القدور ولا ترجع لي يوزعونها بينهم ( امه وخالاته وبيت خاله ) عشان اعجز اخذها طنشت لان اذا قلت له سوا سالفه وتهاوشنا فقررت اطنش
كل اسبوع لازم نطلع معاهم بالويك اند بس صرت ما اطلع كل اسبوع اخليه هو يروح لهم واقعد بالبيت لان تعبت من اسلوبهم معي وكل طلعه كنت ارجع مكسوره و حزينه .
عندهم قروب للعائله( عائله امه واخوانه واخواته ) ينزلون فيه صور وفيديوهات
والحريم فيه ينزلون صورهم وهم يرقصون ويتغنجو!!! ..
للان يصرف على اخواته المتزوجات مصروف شهري غير المناسبات يهديهم مع ان ازواجهم مراكزهم مرموقه ويعطونهم مصروف حاولت اتناقش معاه بس دون جدوى يقولي اختي يعني قطعه مني تخيلي بخاطرها شي و ماجابه زوجها لها اخليه بخاطرها ؟!
ههههههه انا جاني وحام وكان خاطري بشي بسيط ولا جابه لي قالي هذا دلع مو وحام وانا للان ماعطاني مصروف ولا ادري عن فلوسه حتى المناسبات يطنش واذا عاتبته يقول مامعي واعرف من امه انو مرسل لاخواته ؟! ويقولي احمدي ربك لو اكلتك تبن انا زوجك المفروض تعيشي زي ما اعيشك لا تطلبي شي زياده وحتى اذا معي وما جبت لك طلبك عادي مو لازم اجيبلك كل شي يتمنن فيه حتى اذا خلاني اشوف اهلي .
حياتي معاه صدمات صدمات بالله انصحوني ايش الحل معاه ؟